தமிழ் திரை உலகின் சூப்பர் ஸ்டார் நடிகர் ரஜினிகாந்த் இன் 74 ஆவது பிறந்த தினத்தை சிறப்பிக்கும் வகையில் அவரது பிறந்த தினத்தன்று (12.12) அவர் நடிப்பில் 33ஆண்டுகளுக்கு முன்பு வெளியாகிய “தளபதி” திரைப்படம் மறு வெளியீடு செய்யப்பட உள்ளதாக அறிவிக்கப்பட்டுள்ளது.
1991 ஆம் ஆண்டு இயக்குனர் மணிரத்னம் இயக்கத்தில் ரஜினிகாந்த், மம்முட்டி, அரவிந் சுவாமி நடிப்பில் வெளியாகிய இத்திரைப்படம் ரஜினிகாந்த் இன் மாறுபட்ட நடிப்பில் பெரும் வெற்றிப்படமாக ரசிகர்களால் கொண்டாடப்பட்டது.
இசைஞானி இளையராஜா இசையமைத்த இத்திரைப்பட பாடல்கள் தற்போது வரை கொண்டாடப்படுகிறது.
மேலும் இத்திரைப்படத்திலேயே நடிகர் அரவிந்த் சுவாமி தமிழ் திரை உலகிற்கு நடிகராக அறிமுகமானார்.
கடந்த சில மாதங்களாக பழைய திரைப்படங்களை மறு வெளியீடு செய்யும் போக்கு வழமையில் உள்ள நிலையில், நடிகர் விஜய் நடிப்பில் வெளியாகிய கில்லி திரைப்படமும் அண்மையில் மறு வெளியீடு செய்யப்பட்டு மாபெரும் வசூல் செய்து சாதனைப்படைத்துள்ளது.
இந்நிலையில் ரஜினியின் இந்த “தளபதி” திரைப்படத்தை மீண்டும் திரையில் காண 90s ரஜினி ரசிகர்கள் ஆவலோடு எதிர்பார்த்துக்கொண்டிருக்கின்றனர்.