மேல் மாகாணத்தில் குற்றச்செயல்களை தடுக்கும் நடவடிக்கைகளை வலுப்படுத்தும் நோக்கில், இலங்கை பொலிஸார் புதிய WhatsApp உதவி இலக்கத்தை அறிமுகப்படுத்தியுள்ளனர்.
0777128128 என்ற இந்த எண் 24 மணி நேரமும் செயல்படும் வகையில் அமைக்கப்பட்டுள்ளதுடன், பொதுமக்கள் குற்றச்செயல்கள், போதைப்பொருள் கடத்தல் உள்ளிட்ட சட்டவிரோத செயல்கள் குறித்து தகவல்களை பகிர முடியும்.
பொலிஸாரின் தகவலின்படி, இந்த ஹாட்லைன் மூலம் பெறப்படும் தகவல்கள் மேல் மாகாண சிரேஷ்ட துணை பொலிஸ் மா அதிபர் அலுவலகத்தில் நிறுவப்பட்டுள்ள சிறப்பு செயல்பாட்டு மையத்துக்கு அனுப்பப்படும்.
மேலும், தகவல் வழங்கும் நபர்களின் இரகசியத்தன்மை முழுமையாக பாதுகாக்கப்படும் என்றும் பொலிஸார் உறுதியளித்துள்ளனர்.