இலங்கை, தென்னாபிரிக்கா அணிகளுக்கிடையிலான 20-20 போட்டி தொடர் இன்று ஆரம்பமாகிறது. இரு அணிகளுக்குமான முதலாவது போட்டி இன்று மாலை 7.00 மணிக்கு ஆரம்பமாகவுள்ளது. இந்த போட்டியும் இந்த தொடரும் இலங்கை அணிக்கு மிக முக்கியமானதாக அமையவுள்ளது. உலககிண்ண 20-20 தொடருக்கு முன்னதாக அணியினை தயார்செய்ய இந்தப்போட்டி முக்கியமானதாக அமையவுள்ளது. தென்னாபிரிக்கா அணிக்கும் அதே நிலை காணப்படுகிறது.
இலங்கை அணி சார்பாக குசல் பெரேரா இன்று விளையாடமாட்டார். கொரோனவிலிருத்து குணமடைந்துள்ள அவரது இதய இயக்கம் 100% சீராக இல்லாமையினால் விளையாடமாட்டார் என அறிவிக்கப்பட்டுள்ளது. டினேஷ் சந்திமால் இன்றைய போட்டியில் விளையாடுவர் என்று எதிர்பார்க்கப்படுகிறது. கடந்த ஒரு நாள் சர்வதேசப் போட்டியில் விளையாடிய அதே அணியே இன்று விளையாடும் வாய்ப்புகள் அதிகமுள்ளன. தென்னாபிரிக்கா அணி சார்பாக டேவிட் மில்லர் அணிக்குள் மீண்டும் வந்துள்ளமை அவர்களுக்கு பலமானதாக அமையும்.
