வவுனியாவில் நாளை (13.09) தடுப்பூசி ஏற்றுமிடங்கள்

வவுனியாவில் இன்று ஞாயிற்றுக்கிழமை தடுப்பூசிகள் ஏற்றப்படவில்லை. நாளைய தினம் மீண்டும் தடுப்பூசிகள் ஏற்றும் பணிகள் ஆரம்பிக்கவுள்ளன. அதனடிப்படையில் வவுனியா நகர வைத்திய அதிகாரி பணிமனைக்கு உட்பட்ட பகுதிகளில் ஏற்கனவே அறிவிக்கப்பட்ட நிலையங்களில் ஊசிகள் ஏற்றப்படவுள்ளன.

ஆசிரியர்களுக்கான ஊசிகள் ஏற்றும் பணிகள் நாளை முன்றாவது நாளாக வவுனியா சைவப்பிரகாசா மகளிர் கல்லூரியில் ஏற்றப்படவுள்ளன.

அரச அலுவலகர்களுக்கு வவுனியா காமினி மகா வித்தியாலயத்தில் நாளைய தினம் தடுப்பூசிகள் ஏற்றும் பணிகள் நடைபெறவுள்ளன.  மக்கள் வங்கி, தேசிய சேமிப்பு வங்கி, தேசிய நீர் வழங்கல் வடிகாலமைப்பு சபை, இலங்கை மின்சார சபை, நீர்ப்பாசன திணைக்களம் ஆகிய திணைக்களங்களின் ஊழியர்களுக்கு தடுப்பூசிகள் வழங்கப்படவுள்ளன.

வவுனியா மாவட்ட பொது வைத்தியசாலையில் நீண்ட நாள் மற்றும் தொற்றா நோயுள்ளவர்களுக்கு ஊசிகள் ஏற்றப்படவுள்ளன. காலை வேளையிலேயே செல்வதன் மூலம் ஊசிகளை   வவுனியா மாவட்ட பொது வைத்தியசாலையில் பெற்றுக்கொள்ள முடியும்.

வவுனியா வடக்கு மற்றும் தெற்கு வைத்திய அதிகாரி பணிமனைக்கு உட்பட்ட பகுதிகளில் ஊசியேற்றப்பட்ட நிலையங்கள் மூடப்பட்டுள்ளன. குறித்த பிரிவு வைத்திய அதிகாரி பணிமனைகளில் மறு அறிவித்தல் வரை அரசதிணைக்கள அலுவலர்களுக்கும், ஊசி ஏற்றிக்கொள்ளாதவர்களுக்கும் ஊசிகள் ஏற்றப்படவுள்ளன.

அத்தோடு நடமாடும் வாகன ஊசியேற்றும் சேவையும் நடைபெறவுள்ளது.

இன்று (13.09.2021)  தடுப்பூசி வழங்கும் நிலையங்கள்

வவுனியாவில் கொரோனா தடுப்பூசிகள் ஏற்றும் நடவடிக்கைகள் தொடர்பான செய்திகளை அறிந்துகொள்ள எங்கள் இணைய தளத்தை பார்வையிடுங்கள்.

எமக்கு கிடைக்கும் தகவல்களின் அடிப்படையிலேயே தகவல்களை தருகிறோம். 100% தகவல்களை வவுனியா மாவட்ட சுகாதார பணிமனை, தங்களுக்குரிய வைத்திய அதிகாரி பணிமனை, கிராம சேவையாளர் ஆகியோரிடம் கேட்டு தெரிந்து கொள்ளலாம்.