தற்போது வளர்ந்து வரும் திரைநட்சத்திரமாக வலம் வரும் பவித்ரா லக்ஷ்மி 2010ம் ஆண்டு உங்களில் யார் அடுத்த பிரபுதேவா நிகழ்ச்சியில் பங்குபற்றி தொலைக்காட்சியில் அறிமுகமாகியிருந்தார்.
தொடர்ந்து 2015ம் ஆண்டு மானாட மயிலாட நிகழ்ச்சியில் கலந்துகொண்டு மூன்றாம் இடத்தைப் பெற்ற இவர், 2015ம் ஆண்டு மிஸ் மட்ராஸ் பட்டமும் 2017ம் ஆண்டு குயின் ஒப் மட்ராஸ் பட்டத்தையும் பெற்றுள்ளார்.
1994.06.16 ம் திகதி தமிழ் நாட்டில் கோயம்புத்தூரில் பிறந்து வளர்ந்த பவித்ரா லக்ஷ்மி சிறுவயதிலேயே தந்தையை இழந்து தாயின் அரவணைப்பில் வளர்ந்தார்.
2015ம் ஆண்டிலிருந்து மொடலாக வலம் வந்த இவர் 2018ம் ஆண்டு த்ரீ சீன்ஸ் ஒப் ஹிஸ் லவ் ஸ்ரொறி எனும் திரைப்படத்தில் தற்போதைய குக்வித்கோமாளி புகழ் மற்றும் நடிகர் அஸ்வினுடன் இணைந்து நடித்திருந்ததுடன் பலரின் கவனத்தை ஈர்த்தார்.
“டைம் என்ன பாஸ்” சீரிஸில் நடித்து தற்போது குக்வித்கோமாளி நிகழ்ச்சியில் பங்குகொண்டு பல இரசிகர்களால் கொண்டாடப்படும் பவித்ரா லக்ஷ்மிக்கு தமிழ் சினிமாவில் திரைப்படங்களுக்கான வாய்ப்புகள் கிடைத்து வருவதுடன், தமிழில் ஐரா, யூகி மற்றும் மலையாளத்தில் உல்லாசம் போன்ற திரைப்படங்களில் நடித்துள்ளார்.
