முன்னாள் அனுராதபுரம் அட்டமஸ்தானாதிபதி வென். பல்லேகம ஹேமரதன தேரர் மீது சிறுமி ஒருவரை பாலியல் துஷ்பிரயோகம் மற்றும் பாலியல் வன்புணர்வுக்கு உட்படுத்தியதாக குற்றச்சாட்டு முன்வைக்கப்பட்டுள்ள நிலையில், அவரது ஆலயத்தில் கைப்பற்றப்பட்ட பாயிலிருந்து பெறப்பட்ட விந்து மாதிரி, தேரரின் DNA-வுடன் பொருந்துவதாக அரசாங்க பகுப்பாய்வாளர் மேற்கொண்ட பரிசோதனையில் உறுதி செய்யப்பட்டுள்ளதாக நீதிமன்றத்தில் தெரிவிக்கப்பட்டுள்ளது.

சம்பவம் இடம்பெற்றதாகக் கூறப்படும் இடத்தில் கைப்பற்றப்பட்ட பாய் அரசாங்க பகுப்பாய்வாளரிடம் பரிசோதனைக்காக அனுப்பப்பட்டிருந்தது. அதில் இருந்து பெறப்பட்ட விந்து மாதிரி, வென். ஹேமரதன தேரரின் DNA-வுடன் நேரடியாகப் பொருந்துவதாக ஆய்வு முடிவுகள் தெரிவிக்கின்றன.

முன்னதாக, தேரரின் விந்து பாயில் விழுந்ததாக சிறுமி தனது வாக்குமூலத்தில் தெரிவித்திருந்ததாகவும் கூறப்படுகிறது. அந்த வாக்குமூலத்திற்கு தற்போது கிடைத்துள்ள DNA பரிசோதனை முடிவு முக்கியமான அறிவியல் ஆதாரமாகக் கருதப்படுகிறது.

எனினும், சிறுமியின் உள்ளாடை உள்ளிட்ட சில ஆடைகள் தொடர்பாக முன்னர் மேற்கொள்ளப்பட்ட தடயவியல் பரிசோதனையில், வெளிநபருக்குச் சொந்தமான DNA அடையாளங்கள் கண்டறியப்படவில்லை என தெரிவிக்கப்பட்டிருந்தது.

அரசாங்க பகுப்பாய்வாளரின் அறிக்கைகள் ஏற்கனவே சட்டமா அதிபர் திணைக்களத்திற்கு அனுப்பப்பட்டுள்ளதாக அனுராதபுரம் பிரதான நீதவான் நீதிமன்றத்தில் பொலிஸார் தெரிவித்தனர்.

மேலும், சம்பவம் இடம்பெற்றதாகக் கூறப்படும் இடத்தை சிறுமி அடையாளம் காண்பிக்கும் காணொளிகள் மற்றும் அவர் வழங்கியதாகக் கூறப்படும் காணொளி ஆதாரங்கள் அடங்கிய CD-களும் நீதிமன்றத்திற்கும் சட்டமா அதிபர் திணைக்களத்திற்கும் சமர்ப்பிக்கப்பட்டுள்ளன.

இதற்கிடையில், நீதிமன்ற வளாகத்தில் வழக்கமான பாதுகாப்பு நடைமுறைகளைத் தவிர்த்து, நீதிபதிகளுக்காக ஒதுக்கப்பட்டுள்ள விசேட நுழைவாயில் வழியாக சந்தேகநபர் தேரர் நுழைந்ததாகக் கூறப்படுவது தொடர்பில் முறைப்பாட்டாளர் தரப்பு சட்டத்தரணி சனக அபேவிக்ரம கடும் எதிர்ப்பைத் தெரிவித்தார்.

சட்டத்தின் முன் அனைவரும் சமம் என்பதைச் சுட்டிக்காட்டிய அவர், சம்பவம் தொடர்பாக விசாரணை நடத்துமாறு நீதிமன்றத்திடம் கோரிக்கை விடுத்தார்.

இதனை ஏற்றுக்கொண்ட பிரதான நீதவான் சியாபத் சசிது விக்கிரமரத்ன, நீதிமன்ற பாதுகாப்புப் பிரிவின் பொறுப்பதிகாரிக்கு உடனடியாக விசாரணை நடத்தி அறிக்கை சமர்ப்பிக்க உத்தரவிட்டார்.

மேலும், கைது செய்யப்படுவதற்கு முன்னர் சிறுமியின் தாயாரால் பயன்படுத்தப்பட்டதாகக் கூறப்படும் மூன்று தொலைபேசி இலக்குகள் தொடர்பிலும் விசாரணை நடத்துமாறு பொலிஸாருக்கு நீதவான் உத்தரவிட்டார். இந்த இலக்குகள் இதுவரை விசாரணைக்கு உட்படுத்தப்படவில்லை என தெரிவிக்கப்பட்டுள்ளது. அவை தொடர்பான தகவல்களை சிறுமியின் பாட்டியும் மாமாவும் வழங்கியுள்ளனர்.

பாடசாலை விடுமுறை முடிவடைந்த பின்னர் சிறுமியின் பாட்டியிடமிருந்து வாக்குமூலம் பெறப்படவுள்ளதாகவும் நீதிமன்றத்தில் தெரிவிக்கப்பட்டது.

நீதிமன்ற அனுமதியுடன், பாதுகாப்பு மற்றும் பராமரிப்பு நடவடிக்கைகளின் கீழ் வைக்கப்பட்டுள்ள தனது இளைய சகோதரியுடன் சிறுமி காணொளி அழைப்பில் உரையாடுவதற்கும் அனுமதி வழங்கப்பட்டது.

சிறுமியை தடயவியல் உளவியல் நிபுணரிடம் பரிசோதனைக்காக அனுப்புவது தொடர்பான பொலிஸாரின் கோரிக்கையையும் நீதிமன்றம் பரிசீலித்தது.

மேலும், ராகம போதனா வைத்தியசாலையின் நீதித்துறை மருத்துவ அதிகாரியால் தயாரிக்கப்பட்ட மருத்துவப் பரிசோதனை அறிக்கையை நீதிமன்றத்தில் சமர்ப்பிக்குமாறும் உத்தரவு பிறப்பிக்கப்பட்டது.

ஹேமரதன தேரருக்கு எதிராக, கடுமையான பாலியல் துஷ்பிரயோகம் தொடர்பில் குற்றவியல் சட்டத் திருத்தச் சட்டத்தின் பிரிவு 365B(2)(b)-ன் கீழும், பாலியல் வன்புணர்வு தொடர்பில் பிரிவு 364(2)(e)-ன் கீழும் பொலிஸார் நீதிமன்றத்தில் குற்றச்சாட்டுகளை முன்வைத்துள்ளனர்.

சிறுமியின் தாயாருக்கு எதிராக, மனிதக் கடத்தல் மற்றும் குற்றத்திற்கு உதவி மற்றும் உடந்தையாக இருந்ததாகக் கூறப்படும் குற்றச்சாட்டுகள் தொடர்பில் 2006ஆம் ஆண்டின் 16ஆம் இலக்கச் சட்டத்தின் பிரிவு 360C(1)(a)-ன் கீழும் குற்றச்சாட்டுகள் முன்வைக்கப்பட்டுள்ளன.

ஹேமரதன தேரர் தற்போது கடுமையான பிணை நிபந்தனைகளின் கீழ் இருப்பதுடன், வெளிநாடு செல்வதற்கும் தடை விதிக்கப்பட்டுள்ளது. ஜனாதிபதி சட்டத்தரணி கலிங்க இந்ததிஸ்ஸ மற்றும் அனுஜா பிரேமரத்ன உள்ளிட்ட 20-க்கும் மேற்பட்ட சட்டத்தரணிகள் அவரது சார்பில் ஆஜராகியுள்ளனர்.

வழக்கு விசாரணையில் நிட்டம்புவ தலைமையக பொலிஸ் நிலையத்தின் பிரதான பொலிஸ் பரிசோதகர் அனுர குணவர்தன உள்ளிட்ட பொலிஸ் அதிகாரிகள் முறைப்பாட்டாளர் தரப்பு சார்பில் சமர்ப்பணங்களை முன்வைத்தனர்.

சட்டமா அதிபரின் மேலதிக அறிவுறுத்தல்களுக்காக வழக்கு விசாரணை 2027 ஜனவரி 8ஆம் திகதிக்கு ஒத்திவைக்கப்பட்டுள்ளது.

The post பாயில் கிடைத்த விந்து மாதிரி – முன்னாள் அட்டமஸ்தானாதிபதி தேரரின் DNA-வுடன் பொருந்தியதாக தகவல் appeared first on V MEDIA.

“எந்தவொரு பிரஜையையும் கைவிடாது அனைவருக்கும் சம உரிமைகளையும் சம வாய்ப்புகளையும் உறுதி செய்வதே அரசாங்கத்தின் முதன்மை கொள்கையாகும்” எனப் பிரதமர் கலாநிதி ஹரிணி அமரசூரிய தெரிவித்தார்.

ஜனாதிபதி நிதியத்தினால் ஏற்பாடு செய்யப்பட்ட “சரசவி திரியோ அபிமன்” – மாற்றுத்திறனாளிப் பல்கலைக்கழக மாணவ, மாணவிகளைப் பாராட்டும் நோக்கில் யாழ்ப்பாண மாவட்ட செயலகக் கேட்போர் கூடத்தில் ஆகஸ்ட் 22ஆம் திகதி நடைபெற்ற நிகழ்வில் கலந்துகொண்டு உரையாற்றுகையிலேயே பிரதமர் இதனைத் தெரிவித்தார்.

வட மாகாணத்தில் அமைந்துள்ள பல்கலைக்கழகங்களில் கல்வி பயிலும் மாற்றுத்திறனாளி மாணவ, மாணவிகள் 75 பேருக்குப் பாராட்டுச் சான்றிதழ்களையும் தலா ஒரு இலட்சம் ரூபாய் நிதி உதவியையும் பிரதமர் இதன்போது வழங்கி வைத்தார்.

இங்கு மேலும் உரையாற்றிய பிரதமர்,

இலங்கையின் பெரும்பாலான பல்கலைக்கழகங்களில் கல்வி பயிலும் மாற்றுத்திறனாளி மாணவர்கள் இந்நிகழ்ச்சித் திட்டத்தின் மூலம் பாராட்டப்படுகின்றனர். இந்தக் கௌரவிப்பின் உற்சாகத்தினால் இன்னும் ஆயிரக்கணக்கான மாணவ, மாணவிகள் உங்களைப் பின்தொடர்வார்கள் என நாம் எதிர்பார்க்கின்றோம்.

எமது நாட்டில் அதிகளவிலான மாற்றுத்திறனாளிகள் வடக்கிலும் கிழக்கிலுமே வசிக்கின்றார்கள், அது அந்தக் கசப்பான போரின் மற்றுமொரு விளைவாகும். மீண்டும் ஒரு போர் ஏற்படாத வகையில் செயலாற்றி வரும் ஓர் அரசாங்கம் என்ற வகையிலும், போர் ஏற்படுவதற்கான காரணிகளை அகற்றி வரும் ஓர் அரசாங்கம் என்ற வகையிலும் இந்நிகழ்ச்சித் திட்டத்தை இந்தப் பிரதேசத்தில் நடைமுறைப்படுத்தக் கிடைத்ததையிட்டு மகிழ்ச்சியடைகின்றேன்.

ஜனாதிபதி நிதியம் என்பது சலுகை படைத்தவர்களுக்குக் கிடைத்த மற்றுமொரு சலுகை என்ற நிலைக்கு முற்றுப்புள்ளி வைத்து, அதனை மக்களிடம் கொண்டுசேர்க்கக் கிடைத்தமை நாம் பெற்ற வெற்றியாகும். அதேபோன்று எவரையும் கைவிடாது அனைவருக்கும் சமத்துவமான சமூகமொன்றைக் கட்டியெழுப்பவே நாம் முயற்சிக்கின்றோம்.

நீங்கள் இங்கு வந்து சேர்ந்த பயணம் இலகுவானதொன்றல்ல. ஒரு சாதாரண மாணவனை விட பல மடங்கு பௌதிகத் தடைகள், சிரமங்கள், அதேபோன்று சில சந்தர்ப்பங்களில் சமூகத்திலுள்ள மனப்பாங்கு சார்ந்த தடைகளைக் கூட நீங்கள் வெற்றிகொள்ள வேண்டியிருந்திருக்கும். இருப்பினும், உங்களது தங்கைமார், தம்பிமாருக்கு இந்தப் பயணத்தை இன்னும் இலகுவாக்க நாம் அனைவரும் ஒன்றுபட வேண்டும்.
உங்களது தளராத மன உறுதியினாலேயே இன்று நீங்கள் பல்கலைக்கழக மாணவர்களாக என் முன்னால் இருக்கின்றீர்கள். நீங்கள் சவால்களுக்கு முகங்கொடுத்து அவற்றை வெற்றிகொள்ளும் விதம் நமது நாட்டிலுள்ள ஏனைய இளைஞர் சமூகத்தினருக்கும் பெரியதொரு முன்மாதிரியாகும். சிறிய பிரச்சினைகள், தடைகள் காரணமாக வாழ்க்கையை வெறுத்துக்கொள்ளும் இளைஞர் சமூகத்திற்கு உங்கள் விடாமுயற்சி ஒரு உயிர்ப்புமிக்க முன்மாதிரியாகும்.

இன்று மண்டபத்தின் பின்வரிசையில் அமர்ந்திருக்கும் உங்களது அன்பிற்குரிய பெற்றோர்கள், ஆசிரியர்கள் உள்ளிட்ட அனைவரையும் இந்த விசேட தருணத்தில், நான் மிகவும் கௌரவத்துடனும் நன்றியுடனும் நினைவுகூர விரும்புகிறேன். அவர்களே உங்களுக்குச் சக்தியாக இருந்தனர்.

மாற்றுத்திறனாளி மாணவ, மாணவிகளை நாம் கைவிட்டுச் செயற்பட மாட்டோம். அதனாலேயே குறைந்த வருமானம் பெறும் குடும்பங்களைச் சேர்ந்த மாற்றுத்திறனாளி மாணவர்களுக்காக மாதாந்தக் கொடுப்பனவொன்றை வழங்க அரசாங்கம் ஆரம்பித்துள்ளது. அத்தோடு அவர்களுக்கு கல்வி கற்பதற்கான தொழில்நுட்ப உதவிகளை வழங்குவதற்கான முன்னோடித் திட்டமொன்றும் ஆரம்பிக்கப்பட்டிருக்கின்றது.

இன்று நீங்கள் பெறும் இந்தப் பாராட்டானது உங்களது பயணத்தின் முடிவல்ல. இது உங்களது பிரகாசமான பயணத்தின் ஆரம்பமாகும்.

உங்களுக்கு உடல்ரீதியாக எத்தனை தடைகள் இருந்தபோதிலும், உங்களது கனவுகளுக்கு எந்த வரையறைகளையும் வகுத்துக்கொள்ளாதீர்கள். அந்தக் கனவுகளை நனவாக்கிக்கொள்ள அயராத முயற்சியுடன் முன்னோக்கிச் செல்லுங்கள். உங்களது அந்த முயற்சிகளுக்குப் பின்னால் அரசாங்கமும் ஒட்டுமொத்த நாட்டு மக்களும் இருப்பார்கள், என பிரதமர் மேலும் தெரிவித்தார்.

இந்நிகழ்வில் சபாநாயகர் ஜகத் விக்கிரமரத்ன, வட மாகாண ஆளுநர் நாகலிங்கம் வேதநாயகன், கடற்றொழில் அமைச்சர் இராமலிங்கம் சந்திரசேகர், பாராளுமன்ற உறுப்பினர் சுகத் வசந்த டி சில்வா, ஜனாதிபதியின் சிரேஷ்ட மேலதிக செயலாளர் ஜி. ஜி. எஸ். சி. ரொஷான், யாழ்ப்பாண மாவட்ட செயலாளர் எம். பிரதீபன், பாராளுமன்ற உறுப்பினர்கள், அரச அதிகாரிகள், பல்கலைக்கழகத் துணைவேந்தர்கள், மாற்றுத்திறனாளிப் பல்கலைக்கழக மாணவ, மாணவிகள், பெற்றோர்கள் எனப் பெருந்திரளானோர் கலந்துகொண்டனர்.

The post “எந்தவொரு பிரஜையையும் கைவிடாது அனைவருக்கும் சம உரிமைகளையும் சம வாய்ப்புகளையும் உறுதி செய்வதே எமது அரசாங்கத்தின் முதன்மையான கொள்கையாகும்” பிரதமர் appeared first on V MEDIA.

தமிழ் திரையுலகின் பிரபல தயாரிப்பாளரும், விநியோகஸ்தர்கள் சங்க முன்னாள் தலைவருமான கே.ராஜன் உயிரிழந்த சம்பவம் திரையுலகை அதிர்ச்சியில் ஆழ்த்தியுள்ளது.

அவர் சென்​னை​யில் அடை​யாறு ஆற்​றில் குதித்து தற்​கொலை செய்து கொண்​டார்.

கடந்த சில மாதங்களாக கே.ராஜன் கடுமையான மன உளச்சலில் இருந்ததாக கூறப்படுகிறது. பல ஆண்டுகளாக சம்பாதித்த பணத்தை நண்பர்கள் மற்றும் நெருங்கியவர்களுக்கு கடனாக வழங்கியிருந்தார். ஆனால் அந்த பணத்தை திரும்ப பெற முடியாததால் பொருளாதார சிக்கல்கள் ஏற்பட்டதாக தகவல்கள் வெளியாகியுள்ளன. இதனால் குடும்பத்தினருடனும் அடிக்கடி கருத்து வேறுபாடுகள் ஏற்பட்டதாக கூறப்படுகிறது.

மேலும், குடும்ப பிரச்சினைகளால் அவர் தனியாக ஹோட்டலில் தங்கி வந்ததாகவும் தகவல்கள் தெரிவிக்கின்றன. இந்த மனஅழுத்தமே அவரை மிகுந்த பாதிப்புக்குள் கொண்டு சென்றிருக்கலாம் என அவருக்கு நெருக்கமானவர்கள் தெரிவித்துள்ளனர்.

1980களில் இருந்து தமிழ் சினிமாவில் தயாரிப்பாளர், இயக்குநர், நடிகர் மற்றும் பேச்சாளராக செயல்பட்டு வந்த கே.ராஜன், சினிமா துறையின் பொருளாதார பிரச்சினைகள் குறித்து வெளிப்படையாக பேசி வந்தவர். குறிப்பாக சிறு தயாரிப்பாளர்களுக்காக தொடர்ந்து குரல் கொடுத்தவர் என்றும் திரையுலகினர் நினைவுகூருகின்றனர்.
இந்த சம்பவம் சமூக வலைதளங்களில் பெரும் அதிர்ச்சியை ஏற்படுத்தியுள்ளது. மனஅழுத்தம் மற்றும் பொருளாதார சிக்கல்களை சரியான நேரத்தில் பகிர்ந்து உதவி பெறுவது மிகவும் முக்கியம் என்றும் பலர் கருத்து தெரிவித்து வருகின்றனர்.

The post தயாரிப்பாளர் கே.ராஜன் மறைவு – அதிர்ச்சியில் திரை உலகம்! appeared first on V MEDIA.

புகழ்பெற்ற தமிழ் தயாரிப்பாளரும் நடிகருமான ஜீவாவின் தந்தை ரத்தன்லால் பகத்ராம் சௌதரி, ராஜஸ்தானின் உதய்பூரில் இன்று (05.05) அன்று நடந்த கார் விபத்தில் உயிரிழந்துள்ளதாக இந்திய ஊடகங்கள் செய்தி வெளியிட்டுள்ளது.

இந்தச் செய்தி தமிழ் திரையுலகம் முழுவதும் அதிர்ச்சியை ஏற்படுத்தியுள்ளது.

ஆர்.பி. சௌதரி தனது சூப்பர் குட் பிலிம்ஸ் தயாரிப்பு நிறுவனத்தின் மூலம் தமிழ், தெலுங்கு, மலையாளம் மற்றும் இந்தி மொழிகளில் திரைப்படங்களைத் தயாரித்ததற்காக அறியப்பட்டவர். நான்கு தசாப்தங்களுக்கும் மேலான தனது திரைப்பயணத்தில், அவர் 99 திரைப்படங்களைத் தயாரித்துள்ளார், அவற்றில் பல படங்கள் மாபெரும் வெற்றி பெற்றன. கே.எஸ். ரவிக்குமார், விக்ரமன், எஸ். எழில், ராஜகுமாரன், சசி மற்றும் ரவி மரியா உட்பட 34க்கும் மேற்பட்ட இயக்குனர்களை அறிமுகப்படுத்தியதன் சூப்பர் குட் பிலிம்ஸ் தயாரிப்பு நிறுவனதின் பெயரை உலகறிய செய்திருந்தார்.

The post பிரபல தயாரிப்பாளர் ஆர்.பி. சௌதரி வீதி விபத்தில் காலமானார்! appeared first on V MEDIA.

நடிகரும், தமிழக வெற்றிக் கழக தலைவருமான விஜயின் மனைவி சங்கீதா விவாகரத்து கோரி நீதிமன்றத்தில் மனுதாக்கல் செய்துள்ளதாக கூறியுள்ளது.

கடந்த டிசம்பர் மாதம் விஜய் மனைவி சங்கீதா விவாகரத்து கோரி மனுத்தாக்கல் செய்துள்ளதாக தகவல் வெளியாகி உள்ளன .

சங்கீதா விஜயை பிரந்து வாழ்ந்து வருவதாகக் கூறப்படும் நிலையில் விவாகரத்து கோரி நீதிமன்றத்தில் மனுத்தாக்கல் செய்துள்ளதாக இந்திய ஊடகங்கள் செய்தி வெளியிட்டுள்ளன.

அந்த மனுவில், விஜய்க்கு நடிகையுடன் திருமணம் மீறிய உறவு இருப்பதாகக் குற்றம்சாட்டி சங்கீதா விவாகரத்து மனுவில் குறிப்பிட்டுள்ளதாக மேலும் தெரிவிக்கப்பட்டுள்ளது.

The post விவாகரத்து கோரும் தளபதி விஜயின் மனைவி! appeared first on V MEDIA.

நடிகை அபிராமி தனது பிந்திய புகைப்படங்களை வெளியிட்டுள்ளார். அமெரிக்காவிலிருத்து இந்தியா திரும்பி நடிப்பில் தனது இரண்டாம் இன்னிங்ஸை அவர் ஆரம்பித்துள்ளார். இறுதியாக தக் லைப் திரைப்படத்தில் அவர் நடித்திருந்தார்.

The post அபிராமியின் புதிய வெளியீடு appeared first on V MEDIA.

அதுல்யா ரவி டிசம்பர் 21, 1994 பிறந்த ஒரு இந்திய நடிகை. இவர் முக்கியமாக தமிழ் மற்றும் தெலுங்கு படங்களில் நடித்து வருகிறார். 2017 ஆம் ஆண்டு காதல் கண் கட்டுதே என்ற திரைப்படத்தின் மூலம் அறிமுகமான இவர், பின்னர் ஏமாலி (2018) மற்றும் நாடோடிகள் 2 (2019) உள்ளிட்ட படங்களில் நடித்துள்ளார்.

The post அழகிய அதுல்யா ரவி appeared first on V MEDIA.

தமிழ் தொலைக்காட்சி உலகில் பிரபலமான தொகுப்பாளினியாக விளங்குபவர் வி.ஜே. பிரியங்கா தேஷ்பாண்டே.

சூப்பர் சிங்கர், பிக் பாஸ் தமிழ் சீசன் 5 உள்ளிட்ட நிகழ்ச்சிகளில் தனது தனித்துவமான பாணியால் இரசிகர்களை கவர்ந்தவர், தற்போது அவரது இரண்டாவது
திருமணம் பேசுபொருளாக மாறியுள்ளது.

பிரியங்கா தேஷ்பாண்டே 2016 ஆம் ஆண்டு பிரவீன் குமார் என்பவரை காதலித்து திருமணம் செய்து கொண்டார். விஜய் டிவியில் டெக்னீஷியனாக பணியாற்றிய பிரவீனுடனான இவரது காதல் திருமணம் இரசிகர்களிடையே பெரும் வரவேற்பைப் பெற்றது.

இருப்பினும், 2022 ஆம் ஆண்டு இவர்கள் விவாகரத்து செய்து கொண்டதாக தகவல்கள் வெளியாகின. இந்த விவாகரத்து குறித்து பிரியங்கா பொதுவெளியில் அதிகம் பேசாவிட்டாலும், சமூக வலைதளங்களில் அவரது கணவரைப் பற்றிய பதிவுகள் விவாகரத்து வதந்திகளை உறுதிப்படுத்தியது.

இந்நிலையில் அவர் தற்போது ஆண்டு இரண்டாவது திருமணத்தை நடத்தியுள்ளார்.

பிரியங்காவின் கணவர் , வசி சாச்சி யார் என்ற கேள்வி எல்லோரது மனதிலும் இருக்கும். அவர் இலங்கையர் என்பதுடன் பிரபலமான DJ ஆவார்.

சொந்தமாக ஈவென்ட் மெனேஜ்மன்ட் நிறுவனத்தையும் நடத்தி வருகிறார். அதுமட்டுமின்றி பல திருமண நிகழ்ச்சிகளுக்கு அவர் DJவாக இருந்திருக்கிறார்.

The post பிரியங்காவின் இரண்டாம் கணவர் யார் தெரியுமா, தெரிஞ்சா ஷோக் ஆகிடுவீங்க..! appeared first on V MEDIA.

பெட்மென் (Batman) மற்றும் தி டோர்ஸ் (The Doors) போன்ற படங்களில் நடித்துள்ள, பிரபல ஹொலிவுட் நடிகர் வால் கில்மர் (Val Kilmer) தனது 65 ஆவது வயதில்
காலமானார்.

நிமோனியா நோய் தாக்கத்தினால் அவர் நேற்று (01.04) காலமானதை அவரது மகள் மெர்சிடிஸ் கில்மர் உறுதிப்படுத்தியுள்ளார்.

வால் கில்மருக்கு 2014 ஆம் ஆண்டு தொண்டை புற்றுநோய் இருப்பது கண்டறியப்பட்டு, பின்னர் அவர் குணமடைந்ததாகவும் மெர்சிடிஸ் கில்மர் தெரிவித்துள்ளார்.

1984 ஆம் ஆண்டு டொப் சீக்ரெட் (Top Secret) என்ற திரைப்படத்தின் மூலம் திரையுலகில் அறிமுகமான வால் கில்மர், டொப் கன் (Top Gun),
ரியல் ஜீனியஸ் (Real Genius), வில்லோ (Willow), ஹீட் (Heat), தி செயின்ட் (The Saint) போன்ற பல வெற்றிப் படங்களில் நடித்துள்ளார்.

அவரது வாழ்க்கையை அடிப்படையாகக் கொண்டு, வால் (Val) என்ற ஆவணப்படமும் வெளியானது.

அவருடைய மறைவுக்குப் பலரும் இரங்கல் தெரிவித்து வருகின்றனர்.

வால் கில்மரின் இழப்பு இரசிகர்களிடையே பெரும் சோகத்தை ஏற்படுத்தியுள்ளது.

The post பிரபல ஹொலிவுட் நடிகர் வால் கில்மர் காலமானார் appeared first on V MEDIA.

இயக்குநர் பாரதிராஜாவின் மகனான மனோஜ் பாரதிராஜா தனது 48 ஆவது வயதில் நேற்று (26.03) காலமானார்.

பாரதிராஜா இயக்கிய தாஜ் மஹால்' படத்தின் மூலம் நடிகராக அறிமுகமானவர் மனோஜ் பாரதிராஜா. அப்படத்திற்குப் பிறகுசமுத்திரம்’ திரைப்படத்தின் மூலம் மக்கள் மத்தியில் பெரிதளவில் பரிச்சயமான அவர் தொடர்ந்து சில திரைப்படங்களில் குணசித்திர கதாபாத்திரங்களில் நடித்து வந்தார்.

இவர் கடைசியாக கடந்தாண்டு வெளியான ஸ்நேக் அன்ட் லாடர்ஸ்' வெப் சீரிஸில் நடித்திருந்தார். நடிகராக மட்டுமல்லாமல் இயக்குநர் மணி ரத்னத்திடம்பாம்பே’ திரைப்படத்தில் உதவி இயக்குநராக பணிபுரிந்திருக்கிறார்.

உதவி இயக்குநராக அனுபவம் கொண்ட இவர் `மார்கழி திங்கள்’ என்ற திரைப்படத்தை இயக்கி இயக்குநராகவும் பரிச்சயமானார்.

இவருக்கும் நடிகை நந்தனாவுக்கும் கடந்த 2006 ஆம் ஆண்டு திருமணம் நடைபெற்றது. இந்த தம்பதிக்கு இரண்டு பெண் பிள்ளைகளும் இருக்கிறார்கள்.

சில நாட்களுக்கு முன்பு இதய சிகிச்சை மேற்கொண்ட அவர் நேற்று மாலை அவருடைய இல்லத்தில் மாரடைப்பு காரணமாக உயிரிழந்திருக்கிறார்.

அவருடைய மறைவுக்கு திரைபிரபலங்கள் பலரும் அஞ்சலி செலுத்தி வருகிறார்கள்.

The post மனோஜ் பாரதிராஜா காலமானார் appeared first on V MEDIA.