The post கொக்கடிச்சோலை – அம்பிளாந்துறை வீதி அபிவிருத்தித் திட்டப் பணிகள் ஆரம்பம்! appeared first on V MEDIA.

மட்டக்களப்பு வாகரையில் பெண்கள் உட்பட உள்ளுர் மீன்பிடிக்கிராம மக்களை வலுவூட்டும் நன்னீர் மீன் வளர்ப்பு செயற்திட்டம் ஆரம்பித்து வைக்கப்பட்டுள்ளதாக வேர்ள்ட்விஷன் நிறுவனத்தின் மீன்மதி செயற்திட்ட நீர்வாழ் உயிரின வளர்ப்பின் தொழில்நுட்ப நிபுணர் குணநேசராஜா பிரதீஷ் தெரிவித்தார்.

வாகரையில் உள்ள கிரிமிச்சைக் குளத்தில் ஒரு தொகுதி மீன் குஞ்சுகளை விடுவிக்கும் நிகழ்வு அங்குள்ள உள்ளுர் மீனவ சங்கங்கள், பயனாளிகளான பெண்கள் உட்பட கிராம மீனவர்களின் ஒத்துழைப்புடன் இடம்பெற்றது.

நிலைபேறான, காலநிலைக்கு இசைவான நீர்வாழ் உயிரின வளர்ப்பு மூலம் பிரதேச மீனவக் குடும்பங்கள் அதிக வருமானம் ஈட்டக்கூடியதான இந்தத் திட்டம் வாகரையில் முதன் முறையாக ஆரம்பித்து வைக்கப்பட்டுள்ளதாக வேர்ள்ட் விஷன் நிறுவனம் தெரிவித்துள்ளது.

குளத்தில் மீன்குஞ்சுகளை விடுவிக்கும் நிகழ்வை ஆரம்பித்து வைத்து கிராம மீனவ மக்களிடம் உரையாற்றிய மீன் வளர்ப்பு செயற்திட்டத்தின் தொழில்நுட்ப நிபுணர் பிரதீஷ், முதன்முதலாக வாகரைப் பிரதேசத்தில் வேர்ள்ட்விஷன் நிறுவனமானது மிதக்கும் கூண்டுகளை மீனவர் சங்கங்களுக்கு வழங்கி, அவர்களுக்குப் பயிற்சியையும் அளித்து அதன் மூலம் சிறிய மீன் குஞ்சுகளை பெரிய மீன் குஞ்சுகளாக்கி குளங்களிலே சரியான மீன் இனங்களை இருப்புச் செய்வதை உறுதிப்படுத்துவதோடு வருமானத்தையும் அதிகரித்துக் கொள்ள வழியேற்படுத்தித் தருகிறது.

வேர்ள்ட்விஷன் நிறுவனத்தின் தொடர்ச்சியான மீன்மதி செயற்திட்டம் வாகரையிலுள்ள ஏனைய குளங்களுக்கும், மூதூரிலுள்ள குளங்களுக்கும் விரிவுபடுத்தப்பட உள்ளது. வேள்ட்விஷனின் மீன்மதி செயற்திட்டம் மீனவ சங்கங்கள் மற்றும் சமூகத்தின் நிலைபேறான பொருளாதார ஸ்திரத் தன்மையை உறுதிப்படுத்துவதற்காக மேற்கொள்ளப்படுகிறது” என்றார்.

மீன்குஞ்சுகளை குளத்தில் விடுவிக்கும் நிகழ்வில் வேள்ட்விஷன் நிறுவனத்தின் செயற்திட்ட முகாமையாளர் பியோ ஜூட் நவிந்தன், தேசிய நீர் உயிரின வளர்ப்பு அபிவிருத்தி அதிகார சபையின் பிராந்திய உத்தியோகத்தர் எஸ். அம்பிகன், மீன்மதி செயற்திட்டத்தின் பணியாளர்கள், பயனாளிகளான பிரதேச மீனவர்கள் ஆகியோருடன் கிரிமிச்சை மீனவர் சங்க உறுப்பினர்களும் பங்குபற்றியிருந்ததாக அப்பிரதேச ஊடக பிரிவு தெரிவித்துள்ளது.

The post வாகரை மக்களை வலுவூட்டும் நன்னீர் மீன்வளர்ப்பு செயற்திட்டம்! appeared first on V MEDIA.

காத்தான்குடியில் “Lagoon Park and Tourist Boat Service” திட்டம் நேற்று (22.03) சிறப்பாக திறந்து வைக்கப்பட்டது.

இத்திட்டம், அந்தப் பகுதியின் அழகை மேம்படுத்துவதோடு சுற்றுலா துறையை ஊக்குவிக்கும் முக்கிய முன்னெடுப்பாகக் கருதப்படுகிறது.

இலங்கை முஸ்லிம் காங்கிரஸின் துணைத் தலைவரும், நாடாளுமன்ற உறுப்பினருமான எம். எல். ஏ. எம். ஹிஸ்புல்லாஹ் அவர்கள் முதன்மை விருந்தினராக கலந்து கொண்டு, திட்டத்தை அதிகாரப்பூர்வமாகத் திறந்து வைத்தார்.

இந்த நிகழ்வு காத்தான்குடி நகர சபைத் தலைவர் எஸ். எச். எம். அஸ்ஃபர் அவர்களின் தலைமையில் நடைபெற்றது. இதில் துணைத் தலைவர், சபை உறுப்பினர்கள், சமூகத் தலைவர்கள், மற்றும் பெருமளவிலான பொதுமக்கள் கலந்து கொண்டனர்.

The post சுற்றுலா துறையை ஊக்குவிக்க காத்தான்குடியில் புதிய திட்டம்! appeared first on V MEDIA.

இந்தியாவில் இருந்து இலங்கைக்கு வந்துள்ள ஆன்மீகத் தலைவரும், எழுத்தாளரும், சமய சொற்பொழிவாளருமான சுவாமி பூஜ கைலாஷானந் கிரி ஜீ மகாராஜ் உள்ளிட்ட குழுவினர் இன்றைய தினம் (02.24) நண்பகல் 12.00 மணியளவில் பலாலி சர்வதேச விமான நிலையத்தினை வந்தடைந்தார். சுவாமி உட்பட குழுவினரை யாழ்ப்பாண மாவட்ட பாராளுமன்ற உறுப்பினர் கெளரவ கருணநாதன் இளங்குமரன், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன், யாழ்ப்பாண மாவட்ட ஒருங்கிணைப்புக் குழுவின் இணைப்பாளரும் யாழ்ப்பாண மாநகர சபையின் உறுப்பினருமான கெளரவ எஸ். கபிலன் மற்றும் வட மாகாண சுற்றுலா பணியகத்தின் தலைவர் திரு. ஜெ. விவேகானந்தன் உள்ளிட்ட குழுவினர் சுவாமிகள் தலைமையிலான குழுவினரை வரவேற்றனர்.

ஆன்மீகத் தொடர்புடைய சிவாலயங்கள் மற்றும் நுவரெலியா சீதை அம்மன் கோவிலுக்கு ஆன்மீக விஜயம் மேற்கொள்வதன் மூலம் இலங்கை மற்றும் இந்திய இடையிலான ஆன்மீக மற்றும் கலாசார விஜயங்களை ஊக்குவிக்குமாகமாக சுவாமி அவர்களின் விஜயம் அமைந்துள்ளதுடன், கீரிமலை நகுலேஸ்வரம் ஆலயத்திற்கும் விஜயம் செய்து தரிசனத்தில் ஈடுபட்டார் என யாழ் மாவட்ட ஊடக பிரிவு தெரிவித்துள்ளது.

The post சுவாமி பூஜ கைலாஷானந் கிரி ஜீ மகாராஜ் அவர்கள் யாழ்ப்பாணத்திற்கு ஆன்மீக விஜயம்! appeared first on V MEDIA.

மட்டக்களப்பில் அனர்த்தத்தினால் பாதிக்கப்பட்ட மக்களுக்கு மியன்மார் அரசினால் அரிசி பொதிகள் வழங்கி வைப்பு.

மட்டக்களப்பு மாவட்டத்திற்கு மியன்மார் அரசாங்கத்தினால் 87 தொன் அரிசி பொதிகள் இதுவரை கிடைக்கப் பெற்றுள்ளன.

இதுவரை கிடைக்கப் பெற்ற அரிசி பொதிகள் தற்போது பிரதேச செயலாளர் பிரிவுகளுக்கு பகிர்ந்தளிக்கப்பட்டு வருவதாக மட்டக்களப்பு பிரதேச ஊடக பிரிவு தெரிவித்துள்ளது.

The post மியன்மார் அரசினால் மட்டக்களப்பு மக்களுக்கு நிவாரணம்! appeared first on V MEDIA.

ஜனாதிபதி அனுர குமார திஸ்ஸநாயகவின் தலைமையிலான புதிய அரசாங்கத்தின் கிளீன் ஸ்ரீலங்கா வேலத்திட்டத்தின்கீழ் மட்டக்களப்பில் கண்டல் தாவரங்கள் உள்ள பகுதிகளை துப்பரவு செய்து கண்டல் தாவரங்களை பராமரிக்கும் வேலைத்திட்டம் வனபாதுகாப்புத் திணைக்களத்தின் ஏற்பாட்டில் இன்று ஆரம்பித்து வைக்கப்படப்டது.
மட்டக்களப்பு மாவட்ட வன காரியாலயத்தின் ஏற்பாட்டில் பிரதேச வன உத்தியோகத்தர் ஆர்.எம்.கே.ஆர். இலுக்கும்புர தலைமையில் இடம்பெற்ற இந்நிகழ்வில் மண்முனை வடக்கு பிரதேச செயலாளர் திருமதி. சிவபிரியா வில்வரட்ணம், கிழக்குப் பல்கலைக் கழக உயிரியல் பிரிவிற்கான பேராசிரியர் டாக்டர் ரீ. மதிவேந்தன், மாவட்ட பிரதி திட்டமிடல் பணிப்பாளர் வீ. நவனீதன், மாவட்ட தகவல் அதிகாரி வடிவேல் ஜீவானந்தன் உள்ளிட்ட அரச அதிகாரிகள் அதிதிகளாகக் கலந்து கொண்டனர்.

இதன்போது மட்டக்களப்பு நகர் பிரதேசத்திலுள்ள வாவிக்கரைகளை அண்டிய சதுப்பு நிலங்களில் நடப்பட்டிருக்கும் கண்டல் தாவரங்களை அண்டிய பகுதிகளில் காணப்படும் பிளாஸ்ரிக் கழிவுகள் மற்றும் ஏனைய குப்பைகூளங்களை அகற்றி சுத்தம் செய்து கண்டல் தாவரங்களை பராமரிக்கும் நிகழ்வு இடம்பெற்றது.
மேலும் இப்பகுதிகளில் கண்டல் தாவரங்களின் ஒருவகையாகிய கண்ணா மரங்களை புதிதாக நடுகைசெய்யும் பணியும் இடம்பெற்து. இந்நிகழ்ச்சித் திட்டத்தில் கலந்து கொண்ட கிழக்குப் பல்கலைக்கழகத்தின் உயிரில் பீடத்தில் கல்விகற்கும் 50 இற்கு மேற்பட்ட மாணவர்கள் சிரமதான நிகழ்வுகளில் ஈடுபட்டதுடன், கண்டல் தாவரத்தினை பாதுகாத்தல், பொலித்தீன் கழிவுளை தவிர்த்தல், சுற்றாடலை மாசுபடாமல் சுத்தமாக வைத்திருத்தல் போன்ற பதாகைகளை ஏந்தி பொதுமக்களுக்கு விழிப்பூட்டும் நடவடிக்கையிலும் ஈடுபட்டனர்.

இந்நிகழ்வில் தொடர்பாக மாவட்ட வன காரியாலயத்தின் உதவி பிரதேச வன உத்தியோகத்தர் லியாஉல் கக்கீம், மட்டக்களப்பு வட்டார வனக்காரியால உத்தியோகத்தர் செல்வநாயகம், வாழைச்சேனை, புல்லுமலை, மட்டக்களப்பு ஆகிய வட்டார வனக்காரியாலய உத்தியோகத்தர்கள், மட்டக்களப்பு மாநகர சபை உத்தியோகத்தர்கள், மண்முனை வடக்கு பிரதேச செயலக உத்தியோகத்தர்கள் பொது மக்கள் என பலரு; கலந்து கொண்டனர்.

The post மட்டக்களப்பில் கண்டல் தாவரங்கள் பராமரிக்கும் வேலைத்திட்டம் ஆரம்பம்! appeared first on V MEDIA.

தமிழரசுக் கட்சியின் மண்முனை பற்று தலைவரும் தவிசாளருமகிய மாணிக்கராசா இறந்துள்ளதாக பாராளுமன்ற உறுப்பினர் இராசமாணிக்கம் சாணக்கியன் தெரிவித்துள்ளார். சில தினங்களுக்கு முன்னர் பதவியேற்ற நிலையில் அவரின் இழப்பு வேதனையளிப்ப்பதாக சாணக்கியன் மேலும் தெரிவித்துள்ளார்.

“2018 ஆண்டே தவிசாளராக வேண்டியவர், சில பல சூழ்சிகளினால் முடியாமல் போனது. ஆனால் இம்முறை தமிழரசுக் கட்சியின் முழு முயற்சியின் அடிப்படையில் ஆசனத்தை கைப்பற்றி மக்கள் சேவையில் தன்னை ஈடுபடுத்திககொண்டார். தனது நோய் நொடிகளுக்கு அப்பால் அவரின் மக்கள் சேவைகள் என்றும் நீங்கா இடம்பிடித்து இருந்தது. அன்னாரின் இழப்பு குடும்பத்துக்கும் கட்சிக்கும் மக்களுக்கும் பாரிய இழப்பாகும்” என சாணக்கியன் மேலும் கூறியுளளார்.

The post மண்முனை பற்று பிரதேசபை தலைவர் காலமானார் appeared first on V MEDIA.

மட்டக்களப்பு வாகரை பகுதியியில் குளத்தில் குளித்துக்கொண்டிருந்த சிறுவர்கள் மூவர் நேற்று(06.07) நீரில் மூழ்கி இறந்துள்ளனர். ஒரு சிறுவனும் 10 மற்றும் 11 வயதுடைய இரு சிறுமிகளும் காருவாங்கேணி குளத்தில் மூழ்கி இறந்துள்ளனர்.

இறந்த மூன்று சிறார்களினது உடல்களும் மீட்க்கப்பட்டு வைத்தியசாலையில் வைக்கப்பட்டுள்ளன. பொலிஸார் சம்பவம் தொடர்பில் விசாரணைகளை மேற்கொண்டு வருகின்றனர்.

அண்மைக்காலமாக இது போன்ற சம்பவங்கள், விபத்துகள் அதிகரித்து வருகின்றன. சிறுவர்களின் இறப்புகள் அதிகரித்து வருகின்றன. பெற்றோர் பிள்ளைகளின் பாதுகாப்பு தொடர்பில் கவனம் செலுத்தவேண்டியது கட்டாயமாகும்.

The post வாகரையில் சிறுவர்கள் மூவர் பலி appeared first on V MEDIA.

விவேகானந்தா மனித வள மேம்பாட்டு நிலையத்தின் சர்வதேச யோகா தின நிகழ்வு இன்று மட்டக்களப்பில் இடம்பெற்றது. சர்வதேச யோகா தினத்தினை சிறப்பிக்கும் பொருட்டு ராமகிருஸ்ண மிஷன் மட்டக்களப்பு கிளையின் விவேகானந்தா மனித வள மேம்பாட்டு நிலையத்தின் ஏற்பாட்டில் சர்வதேச யோகா தின நிகழ்வுகள் கடந்த (21.06) திகதி மட்டக்களப்பில் இடம் பெற்றது.

ராமகிருஷ்ண மிஷன் மட்டக்களப்பு கிளையின் பொது முகாமையாளர் சுவாமி நீல மாதவானந்தஜீ மஹராஜ் அவர்களது தலைமையில் ராமகிருஷ்ண மிஷன் மட்டக்களப்பு கிளையின் உதவிப்பொது முகாமையாளர் சுவாமி உமாதீஷானந்தஜீ மஹராஜ் அவர்களது ஏற்பாட்டில் சிவானந்தா விளையாட்டு மைதானத்தில் இடம் பெற்ற நிகழ்விற்கு விசேட அதிதியாக ஊவாவெல்லஸ பல்கலைக் கழகத்தின் நூலகர் கலாநிதி ரீ.பிரதீபன் அவர்களும் கௌரவ அதிதிகளாக மட்டக்களப்பு மாநகர சபையின் முதல்வர் சிவம் பாக்கியநாதன், பிரதி முதல்வர் வைரமுத்து தினேஸ்குமார், மட்டக்களப்பு போதனா வைத்தியசாலையின் உளநல மருத்துவர் வைத்தியர் சீ.வாமதேவன் மற்றும் மட்டக்களப்பு மாவட்ட செயலகத்தின் நிர்வாக உத்தியோகத்தரும் மட்டக்களப்பு ராமகிருஷ்ண மிஷன் குருகுல பழைய மாணவர் சங்க தலைவருமாகிய கே.மதிவண்ணன் ஆகியோர் கலந்து சிறப்பித்தனர்.

இதன் போது யோகா கண் காட்சி நிகழ்த்தப்பட்டதுடன், IUYF ஆசிய சம்பியன் சிப் போட்டியில் வெற்றி பெற்றவர்களுக்கான பதக்கங்களும் சான்றிதழ்களும் அதிதிகளினால் வழங்கி வைக்கப்பட்டது.

The post மட்டக்களப்பு ராமகிருஸ்ண மிஷன் நடாத்திய சர்வதேச யோகா தின நிகழ்வு – 2025! appeared first on V MEDIA.

மட்டக்களப்பு மாவட்ட ஒருங்கிணப்புக்குழு கூட்டம் அமைச்சர் சுனில் ஹந்துன்னெத்தி தலைமையில் இன்று புதன்கிமை (11.06) பழைய மாவட்ட செயலக மாநாட்டு மண்டபத்தில் இடம்பெறவுள்ளது.

இம்மாவட்டத்தில் ஒருங்கிணப்புக்குழுவின் புதிய தலைவராக கைத்தொழில் மற்றும் தொழில் முயற்சியான்மை அபிவிருத்தி அமைச்சரும் பாரளுமன்ற உறுப்பினருமாகிய சுனில் ஹந்துன்னெத்தி நியமிக்கப்பட்டதினையடுத்து அவரின் தலைமையில் இடம்பெறும் முதலாவது கூட்டம் குறித்த தினத்தில் ஏற்பாடு செய்யப்பட்டுள்ளது. இக்கூட்டம் நடைபெறுவதற்கு முன்னர் மாவட்டத்தினது நிலைமைகள் தொடர்பாக அரச அதிகாரிகளிடமிருந்து தகவல்களை அறிந்து கொள்ளும் விசேட கூட்டம் ஒன்றினை ஒருங்கிணைப்புத் தலைவர் கொழும்பில் ஏற்பாடு செய்திருந்தார். இக்கூட்டத்திற்கு மாவட்டத்தின் பாரளுமன்ற உறுப்பினர்கள், மாவட்ட அரசாங்க அதிபர் உட்பட 14 பிரதேச செயலாளர்களும் அழைக்கப்பட்டிருந்தனர்.

மாவட்ட அரசாங்க அதிபர் திருமதி. ஜஸ்டினா முரளிதரனின் ஏற்பாட்டில் இன்று புதன்கிழமை இடம்பெறவுள்ள இக்கூட்டத்திற்கு வழமைபோன்று மாவட்ட பாரளுமன்ற உறுப்பினர்கள், அரச திணைக்களங்களின் உயர் அதிகாரிகள், சமுக மட்ட அமைப்புக்களின் பிரதிநிதிகள் கலந்து கொள்வார்கள் என எதிர்பார்க்கப்படுகின்றது.

இக்கூட்டத்தினைத் தொடர்ந்து திராய்மடு புதிய மாவட்ட செயலகத்தில் அமைந்துள்ள மாவட்ட ஒருங்கிணைப்புக் குழுத் தலைவரின் காரியாலயம் திறந்து வைக்கப்படவுள்ளது.

The post அமைச்சர் சுனில் ஹந்துன்நெத்தி தலைமையில் மட்டக்களப்பு மாவட்ட ஒருங்கிணைப்புக்குழுக் கூட்டம் இன்று! appeared first on V MEDIA.