இலங்கை மற்றும் சிம்பாப்வே அணிகளுக்கிடையிலான மூன்றாவதும் இறுதியுமான ஒரு நாள் சர்வதேச போட்டி நேற்று (21//1) நடைபெற்றது. இந்த போட்டியின் நாணய சுழற்ச்சியில் வெற்றி பெற்ற இலங்கை அணி துடுப்பாட்டத்தை தெரிவு செய்தது.
முதலில் துடுப்பாடிய இலங்கை அணி 50 ஓவர்களில் 9 விக்கெட்களை இழந்து 254 ஓட்டங்களை பெற்றது. இதில் பத்தும் நிசங்க 55 ஓட்டங்களையும், சரித் அசலங்க 52 ஓட்டங்களையும், குசல் மெண்டிஸ் 36 ஓட்டங்களையும், சமிக்க கருணாரட்ண 30 ஓட்டங்களையும் பெற்றனர்.
பந்துவீச்சில் ரிச்சர்ட் நகர்வா 2 விக்கெட்களையும், சீன் வில்லியாம்ஸ், ரேயான் புர்ல், தெண்டை சதாரா, வெலிங்டொன் மசகட்சா, பிளெஸ்ஸிங் முசரபாணி ஆகியோர் தலா ஒவ்வொரு விக்கெட்களை கைப்பற்றினார்கள்.
255 என்ற வெற்றி இலக்கோடு துடுப்பாடிய சிம்பாப்வே அணி 24.4 ஓவர்களில் சகல விக்கெட்களையும், இழந்து 70 ஓட்டங்களை பெற்றது. பந்துவீச்சில் ஜப்ரி வண்டெர்சேய் 4 விக்கெட்களையும், துஷ்மந்த சமீர, ரமேஷ் மெண்டிஸ் ஆகியோர் தலா 2 விக்கெட்களையும், சமிக்க கருணாரட்ண, மகேஷ் தீக்ஷன ஆகியோர் தலா ஒவ்வொரு விக்கெட்களை கைப்பற்றினார்கள்.
இலங்கை அணி 184 ஓட்டங்களினால் வெற்றி பெற்றது.
இந்த போட்டியின் நாயகனாக சரித் அசலங்க தெரிவு செய்யப்பட்டார்.
