உலக கிண்ண தொடரின் மூன்றாம் நாள் போட்டிகள் இரண்டு இன்று(19/10) நடைபெற்றன.ஸ்கொட்லாந்து மற்றும் பங்களாதேஷ் அணிகள் இன்றைய போட்டிகளில் வெற்றி பெற்றன.
ஸ்கொட்லாந்த்து மற்றும் பப்புவா நியூகினியா அணிகளுக்கிடையில் நடைபெற்ற முதற் போட்டியில் நாணய சுழற்சியில் வெற்றி பெற்று முதலில் துடுப்பாடிய ஸ்கொட்டலாந்து அணி
20 ஓவர்களில் 9 விக்கெட்களை இழந்து 165 ஓட்டங்களை பெற்றது. இதில் ரிச்சி பெரிங்டன் 70 ஓட்டங்களையும், மத்தியூ க்ரோஸ் 45 ஓட்டங்களையும் பெற்றனர். கபுவா மொரி 4 விக்கெட்களையும், சட் சொப்பர் 3 விக்கெட்களையும் கைப்பற்றினார்கள்.
பதிலுக்கு துடுப்பாடிய பப்புவா நியூகினியா அணி 19.3 ஓவர்களில் சகல விக்கெட்களையும் இழந்து 148 ஓட்டங்களை பெற்றது. இதில் நோர்மன் வனுவா 47 ஓட்டங்களை பெற்றார். பந்துவீச்சில் ஜோஸ் டேவி விக்கெட்களை கைப்பற்றினார்கள்.
பங்களாதேஷ் மற்றும் ஓமான் அணிகளுக்கிடையிலான போட்டியில் நாணய சுழற்சியில் வெற்றி பெற்று முதலில் துடுப்பாடிய பங்களதேஷ் அணி 20 ஓவர்களில் சகல விக்கெட்களையும் இழந்து 153 ஓட்டங்களை பெற்றது. இதில் மொஹமட் நைம் 64 ஓட்டங்களையும், ஷகிப் அல் ஹசன் 42 ஓட்டங்களையும் பெற்றனர்.
பந்துவீச்சில் பிலால் கான், பயாஸ் பட் ஆகியோர் தலா 3 விக்கெட்களையும், கலிமுள்ள 2 விக்கெட்களையும் கைப்பற்றினார்கள்.
பதிலுக்கு துடுப்பாடிய ஓமான் அணி 20 ஓவர்களில் 9 விக்கெட்களை இழந்து 127 ஓட்டங்களை பெற்றது. இதில் ஜதிந்தர் சிங் 40 ஓட்டங்களை பெற்றார். பந்துவீச்சில் முஸ்டபிசூர் ரஹ்மான் 4 விக்கெட்களையும், ஷகிப் அல் ஹசன் 3 விக்கெட்களையும் கைப்பற்றினார்கள்.
நாளையதினம் பிற்பகல் 3.30 இற்கு நம்பிபியா மற்றும் நெதர்லாந்து அணிகளுக்கிடையில் நடைபெறவுள்ள அஅதேவேளை இலங்கை மற்றும் அயர்லாந்து அணிகளுக்கிடையிலானா போட்டி 7.30 இற்கு நடைபெறவுள்ளது.
