இயக்குனர் பாலா நடிகர் சூர்யா ஆகியோர் மீண்டும் படம் ஒன்றில் இணையவுள்ளனர். பாலாவின் திரைப்படங்கள் சூர்யாவுக்கு திரையுலகில் மாற்றங்களை ஏற்படுத்தியிருந்தன.
நந்தா திரைப்படம் மிகப்பெரியளவில் பேசப்பட்டதுடன், பில்ம் பெயர் சிறந்த நடிகருக்கான விருதினை பெற்றுக்கொடுத்தது. அதன் பின்னரே சூர்யாவுக்கு அதிக வெற்றி படங்கள் ஆரம்பித்தன. அதன் பின்னர் பிதா மகன் திரைப்படத்தில் நடித்தார். பில்ம் பெயர் சிறந்த துணை நடிகருக்கான விருதினை பெற்றுக்கொடுத்தது. இந்த இரண்டு திரைப்படங்களும் சூர்யாவுக்கு மிக பெரியளவில் மாற்றங்களை ஏற்படுத்தி கொடுத்தவை.
“என்னைவிட என் மீது அதிக நம்பிக்கை வைத்தவர்…ஒரு புதிய உலகை எனக்கு அறிமுகம் செய்து அடையாளம் தந்தவர்.. 20 ஆண்டுகளுக்கு பின் மீண்டும் அதே ஆர்வத்துடன் அவர் முன் நான்…அப்பா ஆசீர்வதிக்க மீண்டும் ஓர் அழகிய பயணம் என் பாலா அண்ணனுடன்…அனைவரின் அன்பும் ஆதரவும் தொடர வேண்டுகிறேன்”
என சூர்யா பதிவிட்டுள்ளார்.
