ஆசிய கிண்ண கிரிக்கெட் தொடருக்கான இலங்கை அணி இன்று(29.08) இலங்கை கிரிக்கெட்டினால் அறிவிக்கப்பட்டுள்ளது.
இந்த அணியில் உபாதையடைந்துள்ள இலங்கை அணியின் முக்கிய வீரரும், சகலதுறை வீரருமான வனிந்து ஹஸரங்க சேர்த்துக்கொள்ளப்படவில்லை. டில்ஷான் மதுசங்கவும் இறுதி நேரத்தில் உபாதை காரணமாக அணியில் இருந்து நீக்கப்பட்டுள்ளார். ஏற்கனவே வேகப்பந்துவீச்சாளர் துஷ்மாந்த சமீர உபாதை காரணமாக அணியில் இருந்து நீக்கப்பட்டிருந்தார். இந்த மூவரும் இல்லமால் போயுள்ளமை இலங்கை அணியின் பந்துவீச்சில் மிகப்பெரிய பின்னடைவை ஏற்படுத்தியுள்ளது.
வனிந்து ஹஸரங்கவின் இடத்தை டுனித் வெல்லாளகே விளையாடுவார் என நம்பப்படுகிறது.
அணி விபரம்
தஸூன் சாணக்க, டிமுத் கருணாரட்ன, பத்தும் நிஸ்ஸங்க, குஷல் மென்டிஸ், குஷல் பெரேரா, சரித் அசலங்க, தனஞ்சய டி சில்வா, சதீர சமரவிக்ரம, மஹீஸ் தீக்ஷண,கஸூன் ரஜித, டுஷான் ஹேமந்த, பினுர பெர்னாண்டோ, ப்ரமோட் மதுஷான்
இலங்கை அணி நாளை மறுதினம் முதற் போட்டியில் மோதவுள்ளது. பாகிஸ்தான் மற்றும் நேபாள் அணிகளுக்கிடையிலான போட்டியுடன் நாளை ஆசிய கிண்ண கிரிக்கெட் போட்டி தொடர் ஆரம்பிக்கவுள்ளது.