இலங்கை மற்றும் சிம்பாவே அணிகளுக்கிடையில் நேற்று (14.01) முதலாவது T20 போட்டி கொழும்பு ஆர். பிரேமதாச மைதானத்தில் நடைபெற்றது. இந்த போட்டியில் இலங்கை அணி 3 விக்கெட்களினால் வெற்றி பெற்றது.
நாணய சுழற்சியில் வெற்றி பெற்ற இலங்கை அணி களத்தடுப்பை தெரிவு செய்தது.
முதலில் துடுப்பாடிய சிம்பாவே அணி 20 ஓவர்களில் 5 விக்கெட்களை இழந்து 143 ஓட்டங்களை பெற்றது. இதில் சிகந்தர் ரசா 62(42) ஓட்டங்களை பெற்றார். பந்துவீச்சில் மஹீஸ் தீக்ஷண, வனிந்து ஹசரங்க ஆகியோர் தலா `2 விக்கெட்களை கைப்பற்றினார்கள்.
பதிலுக்கு துடுப்பாடிய இலங்கை அணி 20 ஓவர்களில் 7 விக்கெட்களை இழந்து 144 ஓட்டங்களை பெற்றது. இதில் அஞ்சலோ மத்தியூஸ் 46(38) ஓட்டங்களையும் தசுன் ஷாணக்க ஆட்டமிழக்காமல் 26(18) ஓட்டங்களையும் பெற்றனர். பந்துவீச்சில் சிகந்தர் ரசா 3 விக்கெட்களையும், ப்ளெஸ்ஸிங் முஷரபாணி 2 விக்கெட்களையும், ரிச்சர்ட் ங்கரவா, வெலிங்டன் மசகட்ஸா ஆகியோர் தலா ஒவ்வொரு விக்கெட்களை கைப்பற்றினார்கள்.
இந்த போட்டியின் நாயகனாக அஞ்சலோ மத்தியூஸ் தெரிவு செய்யப்பட்டார்.