சிம்பாவே அணியிடம் இலங்கை அணி இரண்டாவது 20-20 போட்டியில் தோல்விடைந்துள்ளது. இறுதி ஓவரில் 20 ஓட்டங்கள் தேவை என்ற நிலையில் அஞ்சலோ மத்தியூஸின் இறுதி ஓவரின் 5 பந்துகளில் 24 ஓட்டங்களை பெற்று சிம்பாவே அணி வெற்றி பெற்றுள்ளது.
முதலில் துடுப்பாடிய இலங்கை அணி ஆரம்ப விக்கெட்களை வேகமாக இழந்தது. சரித் அசலங்க, அஞ்சலோ மத்தியூஸ் பகிர்ந்து கொண்ட 118 ஓட்டங்கள் இலங்கை அணியை மீட்டு எடுத்தது. சரித் அசலங்க 69 (39) ஓட்டங்களையும் அஞ்சலோ மத்தியூஸ் 66 (51) ஓட்டங்களையும் பெற்றனர். இலங்கை அணி 20 ஓவர்களில் 06 விக்கெட்களை இழந்து 173 ஓட்டங்களை பெற்றுக்கொண்டது. பிளெஸ்ஸிங் முஷரபாணி, லூக் ஜொங்வே ஆகியோர் தலா இரண்டு விக்கெட்களை கைப்பற்றினார்கள்.
பதிலுக்கு துடுப்பாடிய சிம்பாவே அணி 19.5 ஓவர்களில் 06 விக்கெட்ளை இழந்து 178 ஓட்டங்களை பெற்று 04 விக்கெட்களினால் வெற்றி பெற்றது. இலங்கை அணிக்கெதிராக சிம்பாவே அணி
பெற்றுக் கொண்ட முதல் வெற்றி இதுவாகும். சிம்பாவே அணியின் துடுப்பாட்டத்தில் க்ரெய்க் எவைன் 70 ஓட்டங்களையும், லூக் ஜொங்வே ஆட்டமிழக்கமால் 25(12) ஓட்டங்களையும் பெற்றனர். மஹீஸ் தீக்ஷண, துஷ்மாந்த சமீர ஆகியோர் தலா 2 விக்கெட்களை கைப்பற்றினார்கள்.
3 போட்டிகளடங்கிய தொடர் 1 -1 என சமநிலையில் காணப்படுகிறது.