தம்புள்ளை சிக்சேர்ஸ் மற்றும் கோல் மார்வல்ஸ் அணிகளுக்கிடையிலான இன்றைய(09.07) இரண்டாவது போட்டி கண்டி தம்புள்ளை ரங்கிரி சர்வதேச கிரிக்கெட் மைதானத்தில் நடைபெற்று வருகிறது. இந்தப் போட்டியில் நாணய சுழற்சியில் வெற்றி பெற்ற கோல் மார்வல்ஸ் அணி பந்துவீச்சை தெரிவு செய்தது.
ஆரம்பம் முதலே தடுமாறிய தம்புள்ளை சிக்சேர்ஸ் அணி 20 ஓவர்களில் 08 விக்கெட்ளை இழந்து 160 ஓட்டங்களை பெற்றது. இதில் சமிந்து விஜயசிங்க 56(34)ஓட்டங்களை பெற்றார். இறுதி நேரத்தில் அதிரடி துடுப்பாட்டத்தின் மூலம் தம்புள்ளை அணியை மீட்டு எடுத்தார். 20 வயதான இவர் இந்த LPL தொடரில் திறமையை வெளிக்காட்டிய இளையயவராக தன்னை இனம் காட்டியுள்ளார். லஹிரு உதார 26(17) ஓட்டங்களையும், குஷல் பெரேரா 17(12) ஓட்டங்களையும், ரீஷா ஹென்றிக்ஸ் 16(13) ஓட்டங்களையும், டுஸான் ஹேமந்த 15(13) ஓட்டங்களையும் பெற்றனர்.
பந்துவீச்சில் டுவைன் பிரட்ரோரியஸ் 4 ஓவர்களில் 29 ஓட்டங்களை வழங்கி 01 விக்கெட்டை கைப்பற்றினார். கவிந்து நதீஷான் 4 ஓவர்களில் 16 ஓட்டங்களை வழங்கி 03 விக்கெட்களை கைப்பற்றினார். ஷகூர் கான் 4 ஓவர்கள் பந்துவீசி 52 ஓட்டங்களை வழங்கி 1 விக்கெட்டை கைப்பற்றினார். இசுரு உதான 3 ஓவர்களில் 16 ஓட்டங்களை வழங்கி 02 விக்கெட்களை கைப்பற்றினார். இதன் மூலம் இந்த தொடரில் கூடுதலான விக்கெட்களை கைப்பற்றியுளார். 10 விக்கெட்ளை அவர் வீழ்த்தியுள்ளார்.
கோல் மார்வல்ஸ் அணி 4 போட்டிகளில் 3 வெற்றிகளோடு 6 புள்ளிகளைப் பெற்று முதலாமிடத்தில் காணப்படுகிறது தம்புள்ளை சிக்சர்ஸ் அணி 4 போட்டிகளில் 1 வெற்றியோடு ஐந்தாமிடத்தில் காணப்படுகிறது. இரு அணிகளும் இந்த தொடரில் முதற் தடவையாக மோதுகின்றன.
அணி விபரம்
தம்புள்ள சிக்சேர்ஸ் – நுவனிது பெர்னாண்டோ, குஷல் ஜனித் பெரேரா, மொஹமட் நபி, மார்க் சப்மன், சமிந்து விக்ரம்சிங்கே, துஷான் ஹேமந்த, டில்ஷான் மதுசங்க , ரீஷா ஹென்றிக்ஸ்,லஹிரு உதார, நுவான் பிரதீப், நுவான் துசார
காலி அணி மாற்றங்களின்றி கடந்த போட்டியில் விளையாடிய அணியோடு விளையாடுகிறது. முஸ்டபைசூர் ரஹ்மானுக்கு பதிலாக நுவான் துசார தம்புள்ளை அணியில் விளையாடுகிறார்.
கோல் மார்வல்ஸ் – பானுக்க ராஜபக்ஷ, நிரோஷன் டிக்வெல்ல, மஹீஸ் தீக்ஷண, ரிம் ஷெய்பேர்ட், அலெக்ஸ் ஹேல்ஸ், ஜனித் லியனகே, டுவைன் ப்ரட்டோரியஸ், ஷஹான் ஆராச்சிகே, ஷகூர் கான், , இசுரு உதான,கவிந்து நதீஷான்