இலங்கை, நியூசிலாந்து அணிகளுக்கிடையில் தம்புள்ளை, ரங்கிரி மைதானத்தில் நடைபெற்ற முதலாவது 20-20 போட்டியில் இலங்கை அணி 4 விக்கெட்களினால் வெற்றி பெற்றுள்ளது. இந்தப் போட்டியில் முதலில் துடுப்பாடிய நியூசிலாந்து அணி 19.3 ஓவர்களில் சகல விக்ட்களையும் இழந்து 135 ஓட்டங்களை பெற்றது. இதில் மிக்கேல் பிரேஸ்வெல் 27 ஓட்டங்களையும், ஷக்காரி போக்ஸ் ஆட்டமிழக்கமால் 27 ஓட்டங்களையும் பெற்றனர். வில் ஜங் 19 ஓட்டங்கள். இலங்கை அணியின் பந்துவீச்சில் டுனித் வெல்லலாகே 03 விக்கெட்களையும்(3.3 – 20), வனிந்து ஹசரங்க(4-20), நுவான் துசார(3-14), மதீச பத்திரன(3-25) ஆகியோர் தலா இரண்டு விக்கெட்களையும் கைப்பற்றினார்கள்.
பதிலுக்கு துடுப்பாடிய இலங்கை அணி 19 ஓவர்களில் 6 விக்கெட்களை இழந்து 140 ஓட்டங்களை பெற்றது. சரித் அசலங்க ஆட்டமிழக்காமல் 35 ஓட்டங்களையும், குஷல் பெரேரா, கமிந்து மென்டிஸ் ஆகியோர் தலா 23 ஓட்டங்களையும், வனிந்து ஹசரங்க 22 ஓட்டங்களையும் பெற்றனர். பந்துவீச்சில் ஷக்காரி போக்ஸ் நியூசிலாந்து அணி சார்பாக 3 விக்கெட்களை(3-20) கைப்பற்றினார்.
இன்று இரு அணிகளுக்குமான இரண்டாவது போட்டி நடைபெறவுள்ளது.