நாட்டின் சில பகுதிகளில் இன்றைய தினம் (22/12) மின் வெட்டு இடம்பெறுமென இலங்கை மின்சார சபை அறிவித்துள்ளது.
நுரைச்சோலை மின்னுற்பத்தி நிலையத்திலுள்ள மின் பிறப்பாக்கியொன்று மீண்டும் பழுதடைந்துள்ளமையின் காரணமாக, இவ்வாறு மின் விநியோகம் தடைப்படுமென தெரிவிக்கப்பட்டுள்ளது.
கடந்த வாரங்களிலும் இதேபோன்று நாடளாவிய ரீதியில் மின் விநியோகத்தடை இடம்பெற்றிருந்தமை சுட்டிக்காட்டத்தக்கது. அதற்கு இலங்கை மின்சார சபையின் சிரேஷ்ட மின் பொறியிலாளர் சங்கத்தினர், வேணுமென்றே மின் விநியோகத்தில் தடை ஏற்படுத்துவதாக குற்றம் சுமத்தியிருந்தனர்.
இந்நிலையில் இலங்கை மின்சார சபையின் மின் பொறியிலாளர் சங்கத்தினருக்கும், சிரேஷ்ட மின் பொறியிலாளர் சங்கத்தினருக்கும் இடையில் கடும் வாக்குவாதம் இடம்பெற்றது. அதனை தொடர்ந்து அதுதொடர்பில் ஆராய நிபுணர் குழுவொன்று நியமிக்கப்பட்டிருந்தது. எனினும் அக்குழுவின் அறிக்கைகள் இதுவரை சமர்ப்பிக்கப்படவில்லை.
