2024 ஆம் ஆண்டு தமிழ் புத்தாண்டு வாக்கிய பஞ்சாங்கத்தின் படி இம்மாதம் 13 ஆம் திகதி இரவு 8 மணி 15 நிமிடத்துக்கு பிறக்கின்றது. இதன் காரணமாக எப்போது இறை வழிபாட்டில் ஈடுபடுவது மற்றும் கொண்டாட்டங்களில் ஈடுபடுவது என்பது தொடர்பில் குழப்ப நிலை ஏற்பட்டுள்ளது.

இந்த விடயம் தொடர்பில் வவுனியா, குடியிப்பு பிள்ளையார் ஆலய பிரதம குருவும், விநாயகர் சோதிட நிலைய குருவுமான சிவஸ்ரீ கந்த.கணேசதாச குருக்கள் வி மீடியாவுக்கு விளக்கமளித்துள்ளார்.

வருடப் பிறப்பு நிகழ்வது பங்குனி மாதம் 31 ஆம் திகதி. சூரிய உதயத்தின் பின்னரே தமிழ் மரபு முறைப்படி மறு நாள் உதயம். இருப்பினும் விஷ புண்ணிய காலம் 13 ஆம் திகதி பிற்பகல் 4.15 முதல் நள்ளிரவு 12.15 மணிவரை காணப்படுவதனால் அந்த நேரத்தில் மருத்து நீர் வைத்து ஸ்நானம் செய்து இறை வழிபாடுகளை செய்வதே மிகச் சிறந்தது. அதன் பின்னர் மறு நாள் ஏனைய கொண்டாட்டங்களில் ஈடுபடலாம்.

மேலதிக விபரங்கள் கீழுள்ளன.

The post குரோதி வருட பிறப்பும் கொண்டாட்ட விபரங்களும் appeared first on V MEDIA.

காதல் வாழ்க்கை மிகவும் அழகானது. எல்லார் வாழ்க்கையிலும் இன்பம் துன்பம் வருவது இயல்பானது ஆனால் உறவு வாழ்க்கையில், அது கடமைகள் மற்றும் பொறுப்புகளுடன் வருகிறது. இது காதலர்களிடையே சிக்கலை ஏற்படுத்தலாம்.

காதல் வாழ்க்கை வெற்றி பெறனும் அப்டினா நம்பிக்கை, பொறுமை இதெல்லாம் விட அதிகமா அர்பணிப்பும் விட்டுக்கொடுப்பதும் மிகவும் அவசியமானது

ஒரு அன்பு புதிதாக கிடைக்கும் போது மனநிறைவு, சந்தோஷம் கிடைக்கிறது அதுவே காலப்போக்கில் புதிய உறவின் உற்சாகமும் புதுமையும் மங்கலாம்.இது மனநிறைவு அல்லது ஒருவரையொருவர் சாதாரணமாக எடுத்துக் கொள்ளும் உணர்வுக்கு வழிவகுக்கிறது.

எப்போதுமே ஒரு காதல் உறவு நிலைக்கனும் அப்டினா நீங்க சில முயற்சிகள் எடுக்கனும்

தொடர்பு தடைகள் ,எந்தவொரு ஆரோக்கியமான உறவையும் பராமரிக்க பயனுள்ள தகவல்தொடர்பு முக்கியமானது. இருப்பினும், காலப்போக்கில், தம்பதிகளிடையே தவறான புரிதல்கள் மற்றும் தவறான தகவல்தொடர்புகள் ஏற்படலாம். இது அவர்கள் தொடர்ந்து இணைந்திருப்பதை கடினமாக்குகிறது.

வேறுபாடுகளை நிர்வகித்தல் ,வேறுபாடுகள் ஆரம்பத்தில்ஒரு உறவில் உற்சாகத்தையும் சூழ்ச்சியையும் சேர்க்கும் அதே வேளை, காலப்போக்கில் மோதல் மற்றும் பதற்றத்தின் ஆதாரங்களாகவும் மாறும். வேறுபாடுகளை நிர்வகிப்பதற்கு இருவரிடையே புரிந்துணர்வு அவசியம்.

வெளிப்புற அழுத்தங்கள் வேலை அழுத்தம், நிதி கவலைகள் மற்றும் குடும்ப பொறுப்புகள் போன்ற வெளிப்புற காரணிகள் சில நேரங்களில் ஒரு நபரின் வாழ்க்கையில் மையமாக இருக்கலாம். இது ஒரு உறவில் சிரமத்தை ஏற்படுத்தலாம், இது கூட்டாளர்களுக்கு இடையேயான பிணைப்பை முன்னுரிமைப்படுத்துவது மற்றும் வளர்ப்பது சவாலா

உணர்ச்சிகரமான சம்பவங்கள் கடந்த கால அனுபவங்கள் மற்றும் தீர்க்கப்படாத பிரச்சினைகள் உறவை எதிர்மறையாக பாதிக்கும். சில நேரங்களில், இது அவர்களின் நெருக்கம் மற்றும் தொடர்பைத் தடுக்கக்கூடிய உணர்ச்சித் தடைகள் மற்றும் இருவரிடையேயானநம்பிக்கை சிக்கல்களுக்கு வழிவகுக்கும்.

உணர்ச்சிகரமான சம்பவங்கள் கடந்த கால அனுபவங்கள் மற்றும் தீர்க்கப்படாத பிரச்சினைகள் உறவை எதிர்மறையாக பாதிக்கும். சில நேரங்களில், இது அவர்களின் நெருக்கம் மற்றும் தொடர்பைத் துண்டிக்கக்கவும் கூடும்.

உங்க காதல்ல விரிசல் ஏற்பட்டாலும் பிரியாம இருக்க என்ன பண்ணனும் தெரியுமா?

பல சவால்கள் இருந்தபோதிலும், நனவான முயற்சி, பயனுள்ள தொடர்பு, பரஸ்பர மரியாதை மற்றும் ஒரு ஜோடியாகஒன்றாக வளர மற்றும் உருவாக விருப்பம் ஆகியவற்றால் காதலில் இருப்பது சாத்தியமாகும்.

உறவுகள் வளர நேரம் எடுப்பது மட்டுமல்லாமல், முன்னேற்றத்தில் இருக்கும் வேலையும் கூட என்பதை கவனத்தில் கொள்ள வேண்டும். இருப்பினும், உங்கள் அன்புக்குரியவருடன் ஒரு அழகான உறவை வளர்ப்பது ஒரு அழகான உணர்வு மற்றும் மகிழ்ச்சியை உங்களுக்கு கொடுக்கும்.

The post காதலிப்பதை விட காதல் வாழ்க்கையில் இருப்பது ரொம்ப கஷ்டமாம்… appeared first on V MEDIA.

சுபகிருது தமிழ் வருட ராசிபலன் ரிஷப ராசி – 14.4.22 முதல் 13.4.23 வரை

எல்லோரையும் நேசிக்கும் ரிஷப ராசி அன்பர்களே!

சந்திரன் 4-ம் வீட்டில் அமர்ந்திருக்கும் நேரத்தில், சுபகிருது தமிழ்ப் புத்தாண்டு பிறக்கிறது. உங்களின் வருமானம் உயரும். வாய்ப்பு வசதிகள் கூடும். புதிய சிந்தனைகள் உதயமாகும்.

வருங்காலத் திட்டங்கள் நிறைவேறும். சாதுர்யமான பேச்சாலும், சமயோஜித புத்தியாலும் பழைய பிரச்னைகளைத் தீர்ப்பீர்கள். சிலருக்குக் குழந்தை பாக்கியம் கிடைக்கும். பிள்ளைகளால் உறவினர்கள் மத்தியில் அந்தஸ்து உயரும்.

கடன் பிரச்னையில் ஒரு பகுதி தீரும். வீட்டிற்குத் தேவையான அடிப்படைத் தேவைகளைப் பூர்த்தி செய்யும் அளவிற்குப் பண வரவு உண்டு. புத்தாண்டு பிறக்கும் நேரத்தில் உங்கள் ராசிநாதனான சுக்ரன் 10-ம் வீட்டில் பலமாக இருப்பதால், புத்துணர்ச்சியுடன் காணப்படுவீர்கள். புது முயற்சிகள் வெற்றியடையும். பழைய கடன் தீரும். குடும்ப வருமானம் உயரும்.

சுபகிருது ஆண்டு முழுக்க சனிபகவான் பாக்கிய ஸ்தானமான 9-ம் வீட்டில் நிற்பதால் தன்னம்பிக்கை அதிகமாகும். தோல்வி மனப்பான்மையிலிருந்து விடுபடுவீர்கள். குறைந்த வட்டிக்குக் கடன் பெற்று, அதிக வட்டிக் கடனை தீர்ப்பீர்கள். வேற்று மொழியினரால் சில உதவிகள் கிடைக்கும். ஆனால் செலவுகளைக் குறைக்க முடியாமல் திணறுவீர்கள். கடந்த கால இழப்புகளை நினைத்து அவ்வப்போது கொஞ்சம் டென்ஷனாவீர்கள். `நல்ல வாய்ப்புகளைப் பயன்படுத்தாமல் விட்டுவிட்டோமே’ என்றெல்லாம் வருத்தப்படுவீர்கள்.

புத்தாண்டில் கிரகங்களும் பலன்களும்:

வருடம் முடியும் வரை உங்கள் ராசியை விட்டு ராகு விலகி, 12-ம் வீட்டிலும், கேது 6-ம் வீட்டிலும் அமர்வதால் பெரிய நோய் இருப்பதைப் போன்ற பிரம்மையிலிருந்து விடுபடுவீர்கள். எதையோ இழந்ததைப் போல் முக வாட்டத்துடன் காணப்பட்டீர்களே! இனி முகம் மலரும். எதிர்பார்த்து ஏமாந்த தொகைகளெல்லாம் கைக்கு வரும். வாழ்க்கைத் துணைவருடனான மோதல்கள் நீங்கும்.

அவரின் ஆரோக்கியம் சீராகும். திருமணத் தடைகள் நீங்கும். சுப நிகழ்ச்சிகளால் வீடு களைகட்டும். சிலருக்குக் குழந்தைப் பாக்கியம் கிடைக்கும். ஷேர் மூலம் பணம் வரும். கோயில் கும்பாபிஷேகத்தை முன்னின்று நடத்துவீர்கள். மனக்கசப்பால் விலகியிருந்த வாழ்க்கைத் துணைவர் வழி உறவினர்கள் வலிய வந்துப் பேசுவார்கள்.

குரு உங்கள் ராசிக்கு லாப வீட்டில் அமர்வதால் திடீர் யோகம், அதிர்ஷ்டம் உண்டாகும். திருமணம்,புதுமனை புகுவிழா போன்ற சுப நிகழ்ச்சிகளை முன்னின்று நடத்துவீர்கள். அடுத்தடுத்த சுப நிகழ்ச்சிகளால் வீடு களைக்கட்டும். தினந்தோறும் எதிர்பார்த்து ஏமாந்த தொகை கைக்கு வரும். நல்லவர்களின் நட்பு கிடைக்கும். அவர்களின் ஆலோசனையால் நீங்கள் புதிய பாதையில் செல்வீர்கள். கணவன்-மனைவிக்குள் மனம்விட்டுப் பேசுவீர்கள். இருவரும் கலந்தாலோசித்து செலவுகளைக் குறைக்க திட்ட மிடுவீர்கள்.

19.10.2022 முதல் 12.11.2022 வரை சுக்ரன் 6-ல் அமர்வதால், இந்தக் காலக்கட்டத்தில் வீடு, வாகனப் பராமரிப்பு செலவுகள் வந்து போகும். இருமல், சளி தொந்தரவு வந்து நீங்கும்.

வியாபாரிகளுக்கு…

சோர்வு நீங்கும்; உற்சாகம் அதிகரிக்கும். ஆனி, ஆடி மாதங்களில் இரட்டிப்பு லாபம் உண்டு. புது முகவர் எடுப்பீர்கள். கணிசமாக ஆதாயம் உண்டாகும். பழைய பாக்கிகளை வசூலிப்பதில் கடுமை காட்ட வேண்டாம். கொடுக்கல்-வாங்கலில் கவனம் தேவை.

புதியவர்களை நம்பி பெரிய முடிவுகள் எடுக்கவேண்டாம். வேலையாட்களிடம் தொழில் ரகசியங்களைப் பகிரவேண்டாம். கூட்டுத்தொழிலில் பங்குதாரர்கள் உங்களைக் கோபப்படுத்தும்படி பேசினாலும், அவசரப்பட்டு வார்த்தைகளை விட வேண்டாம். தை, மாசி, பங்குனி மாதங்களில் புது ஒப்பத்தங்கள் கையெழுத்தாகும். மதிப்பு – மரியாதை கூடும். இரும்பு, கெமிக்கல், ரியல்எஸ்டேட் வகைகளால் லாபம் அடைவீர்கள்.

உத்தியோகஸ்தர்களுக்கு…

வெகுநாட்களாக எதிர்பார்த்தும் வராமல் போன பதவியுயர்வு ஆனி, ஆடி மாதங்களில் கிடைக்கும். அவ்வப்போது `உழைப்புக்கான அங்கீகாரம் கிடைக்கவில்லையே’ என்று ஆதங்கப்படுவீர்கள். எனினும் சம்பளம், சலுகைகள் உயரும். கணினித் துறையினருக்கு மேலதிகாரியுடன் மனஸ்தாபங்கள் வரக்கூடும். உடன் பணி புரிபவர்களை விமர்சித்துப் பேசவேண்டாம். மாசி, பங்குனி மாதங்களில் புதிய வாய்ப்புகள் வரும். எனினும் ஆராய்ந்து ஏற்றுக் கொள்வது நல்லது.

மொத்தத்தில் இந்தப் புத்தாண்டு சிறுசிறு பிரச்னைகளைக் கொடுத்தாலும், காரிய வெற்றியைப் பெற்றுத் தருவதாகவும் உங்களைச் சாதிக்கவைப்பதாகவும் அமையும்.

The post சித்திரை புதுவருட ராசி பலன்கள் – 2022 – ரிஷபம் appeared first on V MEDIA.

சுபகிருது தமிழ் வருட ராசிபலன் மேஷ ராசி – 14.4.22 முதல் 13.4.23 வரை

சுயமரியாதை மிகுந்த மேஷ ராசி அன்பர்களே!

சுபகிருது புத்தாண்டு பிறக்கும்போது, சுக்கிரன் உங்களின் ராசிக்கு லாப வீட்டில் பலம் பெற்றிருக்கிறார். ஆகவே, துவண்டுபோயிருந்த நீங்கள் உற்சாகம் அடைவீர்கள். பணவரவு திருப்திகரமாக இருக்கும்.

உங்களுக்கு 5-வது ராசியில் இந்தப் புத்தாண்டு பிறப்பதால் பிள்ளைகளின் பிடிவாதம் தளரும். மகனுக்கு வேலை கிடைக்கும். மகளுக்கு உடனே திருமணம் முடியும். எல்லோரிடமும் எல்லாவற்றையும் சொல்லி ஏமாந்தீர்களே… இனி, யாரிடம் என்ன பேச வேண்டும் என்ற தெளிவு பிறக்கும்.

புத்தாண்டில் கிரகங்களும் பலன்களும்:

வருடம் முடியும் வரை ராசிக்குள் ராகுவும், ராசிக்கு 7-ம் வீட்டில் கேதுவும் அமர்வதால் ஆரோக்கியத்தில் அக்கறை காட்டுங்கள். யோகா, தியானப் பயிற்சியில் ஈடுபடுவது நல்லது. முன்கோபத்தைக் குறையுங்கள். மின்சாரம், நெருப்பு ஆகிவற்றைக் கவனமாகக் கையாளுங்கள். மருத்துவரின் ஆலோசனையின்றி எந்த மருந்தையும் உட்கொள்ள வேண்டாம். யாருக்காகவும் பிணை, சாட்சி கையெழுத்திட வேண்டாம். வாழ்க்கைத் துணைவருடன் வீண் ஈகோ பிரச்னைகள் வேண்டாம்.

12-ம் வீட்டில் குரு அமர்வதால் எதிர்பாராத பயணங்கள் அதிகரிக்கும். கனவுத் தொல்லை, தூக்கமின்மை வந்து செல்லும். `எவ்வளவு பணம் வந்தாலும் எடுத்து வைக்க முடியவில்லையே’ என ஆதங்கப்படுவீர்கள். பண முதலீடு, வட்டி தொழில் செய்பவர்கள் தகுந்த ஆதாரம் இல்லாமல் யாருக்கும் பணம் வழங்க வேண்டாம். பிள்ளைகளின் உயர்கல்வி, உத்தியோகம் பொருட்டு அவர்களைப் பிரிய வேண்டிய சூழ்நிலை உருவாகும். கர்ப்பிணிகள் மருத்துவரின் ஆலோசனைக்கேற்ப உணவு முறைகளை அமைத்துக்கொள்வது நல்லது.

மேஷம்
25.9.22 முதல் 19.10.22 வரை சுக்ரன் 6-ல் மறைவதால் கணவன்- மனைவிக்குள் கருத்துமோதல், வாகன விபத்து வந்து நீங்கும். தங்க நகைகள் தொலைந்து போகாமல் பார்த்துக்கொள்ளுங்கள்.

சுபகிருது ஆண்டு முழுவதும் சனி பகவான் 10-ம் வீட்டிலேயே அமர்வதால் எதையும் சாதிக்கும் துணிச்சல் வரும். வெளி வட்டாரத்தில் செல்வாக்கு கூடும். உங்களைப் புகழ்வதைப் போல் இகழ்ந்தவர்களை எல்லாம் ஓரங்கட்டுவீர்கள். அயல்நாடு செல்லும் வாய்ப்பு வரும்.

உத்தியோகஸ்தர்களுக்கு…

அடிக்கடி இடமாற்றம் வந்துபோகும். மேலதிகாரி உங்கள் திறமையைக் குறைத்து மதிப்பிடுவார். மறைமுக அவமானங்கள் ஏற்படக்கூடும்.

உத்தியோகஸ்தர்களே! உங்களைக் குறை கூறுவதற்கென்றே ஒருசிலர் இருப்பார்கள். அவர்களின் கருத்தைக் காதில் வாங்கிக்கொள்ளாமல் கடமையைச் செய்யுங்கள். மேலிடத்திலிருந்து நெருக்கடி அதிகரிக்கும். கணினித் துறையினர் புதிய வாய்ப்புகளை யோசித்து ஏற்கவும்.

வியாபாரிகளுக்கு…

தொழிலில் ஏற்ற – இறக்கங்கள் இருக்கவே செய்யும். போட்டியாளர்களுக்கு ஈடுகொடுக்க முடியாமல் திணறுவீர்கள். வாடிக்கையாளர்களின் தேவையறிந்து விற்பனை செய்யுங்கள். கூட்டுத் தொழிலில், பங்குதாரர்கள் கடுமையாக பேசினாலும் நீங்கள் கனிவாகப் பேசுங்கள். வைகாசி, தை மாதங்களில் திடீர் லாபம் உண்டாகும். புது ஒப்பந்தங்கள் கையெழுத்து ஆகும். காணி விற்பனை துறை, கம்ப்யூட்டர், ஏற்றுமதி-இறக்குமதி வகைகளால் பெரும் லாபம் அடைவீர்கள்.

மொத்தத்தில் இந்தப் புத்தாண்டு ஒருபுறம் அலைச்சல்-செலவுகளைக் கொடுத்தாலும், மறுபுறம் உங்களை முன்னேற்றப் பாதையில் அழைத்துச்செல்வதாக அமையும்.

The post சித்திரை புதுவருட ராசி பலன்கள் – 2022 – மேஷம் appeared first on V MEDIA.

குடியரசுகள் ஆரம்பிக்கப்பட்டதைத் தொடர்ந்து அரசின் உரித்துரிமை மக்களுக்கே சொந்தமானதெனும் எண்ணக்கரு வளர்ச்சியடைந்தது. அரசும் அரச நிறுவனங்களும் பராமரிக்கப்படுவது பொதுமக்களின் வரிப்பணத்திலிருந்து ஆகும். எனவே பொதுமக்களின் நிதியிலிருந்து அரசு மேற்கொள்ளும் நடவடிக்கைகள் தொடர்பான தகவல்களை அறிந்துகொள்ளும் உரிமை பொதுமக்களிடம் காணப்படல் வேண்டுமென்பது அடிப்படையான எண்ணக்கரு ஆகும்.

இந்த உரிமையை சிறந்த முறையில் பேணிப் பாதுகாப்பதற்கு மூவகையான அடிப்படைத் தேவைகள் குறித்து கவனம் செலுத்தப்படல் வேண்டும்.

தகவல்களுக்கு அணுகுதல்

இதன் மூலம் கருதப்படுவது யாதெனில் மக்களுக்குத் தேவையான தகவல்களை தடையின்றி பெற்றுக்கொள்வதற்கான ஆற்றல் ஆகும். தகவல்களின் கிடைப்பனவு மற்றும் தகவல்களைப் பெற்றுக்கொள்ளும்  ஊடகங்கள் தடையின்றி சமூகத்தில் நடைமுறைப்படுத்தப்படலே இதன் கருத்து ஆகும். விசேடமாக வெகுஜன ஊடகங்கள் தணிக்கை அல்லது தடையின்றி  சுதந்திரமாகவும் தலையீடுகள் அற்ற விதமாகவும் செயற்பட வேண்டுமென்ற விடயம் முக்கியத்துவம் பெறுகிறது.

தகவல்களை வெளிப்படுத்துதல் தொடர்பில் அரச நிறுவனங்களின் பொறுப்பு

மக்களுக்கு முக்கியத்துவம் வாய்ந்த சகல தகவல்களையும் பெற்றுக்கொள்ளக்கூடிய இலகுவான ஊடகங்கள் மூலம் மக்களுக்கு வழங்குவதற்கான பொறுப்பு அரச நிறுவனங்களிடம் காணப்படல் வேண்டும். மக்களுக்கு கிடைப்பனவாகவுள்ள ஊடகங்களினூடாக மக்கள் எழிதாகப் புரிந்துகொள்ளக் கூடியவாறு ஏற்புடைய தகவல்களை வழங்குதல் அரசின் பொறுப்பு ஆகும்.

தகவல்களைச் சமர்ப்பிப்பதற்கான பொறுப்பு

குறித்த நபர்கள் தொடர்பான தகவல்கள் கோரப்படும் சந்தர்ப்பத்தில் குறித்த அத்தகவல்களை வழங்குவதற்கான கடப்பாட்டினை இது குறிக்கின்றது. அரச இரகசியங்கள் போன்ற தகவல்களை ஒருசில வரையறைகளுக்கு உட்பட்டு அரச நிறுவனங்களிலிருந்து கோருவதற்கான உரிமை மக்களிடம் காணப்படல் வேண்டும். மக்களுக்கு ஏற்புடைய தனிப்பட்ட ரீதியான தகவல்களையும் மக்களின் வரிப்பணத்திலிருந்து மேற்கொள்ளப்படும் செயற்பாடுகள் தொடர்பான தகவல்களையும் மக்களுக்கு வழங்கும் பொறுப்பினை அரச அலுவலர்கள் கொண்டுள்ளனர். இத்தகவல்களை தாமதமின்றி சரியானவாறு பெற்றுக்கொள்ளல் மக்களது உரிமை ஆகும்.

அரச அலுவலர்களுக்கான உதவி

தகவல் அறியும் உரிமை ஆணைக்குழு

அறை எண் 203, பண்டாரநாயக்கா சர்வதேச மாநாட்டு மண்டபம், பூதஹலோக மாவத்தை, கொழும்பு 07.

+94 11 269 1625

நிதி மற்றும் வெகுசன ஊடக அமைச்சு

163, கிருளபன மாவத்தை, பொல்ஹேன்கொட, கொழும்பு 05.

+94 11 251 3459, +94 11 251 3460, +94 11 251 2321, +94 11 251 3498

பிரசைகளுக்கான உதவி

தகவல் அறியும் உரிமை ஆணைக்குழு

அறை எண் 203, பண்டாரநாயக்கா சர்வதேச மாநாட்டு மண்டபம், பூதஹலோக மாவத்தை, கொழும்பு 07.

+94 11 269 1625

நிதி மற்றும் வெகுசன ஊடக அமைச்சு

163, கிருளபன மாவத்தை, பொல்ஹேன்கொட, கொழும்பு – 05

+94 11 251 5700

Fax : 11 251 5701

இலங்கை பத்திரிகை நிறுவனங்கள்

Home

இலங்கைapd; சர்வதேச வெளிப்படைத்தன்மை

ENVIHOME

The post RTI சம்பந்தமான தகவல்கள் appeared first on V MEDIA.

பாராளுமன்ற உறுப்பினரும், ஜனாதிபதி சட்டத்தரணியுமான M.A சுமந்திரன் வயலில் ஏர் பிடித்து உளுததும், நெல் எறிந்த புகைப்படங்களும் சமூக வலைத்தளங்களில் பகிரப்பட்டு வந்தன. இது போலியான வயல் விதைப்பு எனவும், போலி நாடகம் எனவும், புகைப்படத்துக்காக செய்தவை என்றும் கூட பல கருத்தோட்டங்கள் சமூக வலைத்தளப் பரப்பில் பகிரப்பட்டன.

இந்த விடயங்கள் தொடர்பில் முழுமையாக ஆராய்ந்து நடந்த சம்பவங்களை வி தமிழ் தெளிவுபடுத்துகிறது.

“இந்த புகைப்படங்களை பார்த்ததுமே வயல் விதைப்பின் சம்பிரதாயபூர்வமான ஆரம்பம் என ஊகிக்க முடிந்தது. நானும் ஒரு விவசாயி என்ற அடிப்படையில் கடந்த வருடம் முதல் முறையாக வயலில் இறங்கி வயல் விதைத்து ஏதோ முடிந்ததை செய்தேன்.

அந்த அனுபவம் இந்த படங்களை பார்த்ததும், எனக்கு என்னுடைய ஆரம்பத்தை நினைவு படுத்தியது. நான் எடுத்த புகைப்படங்களும் இதே போன்று நகைச்சுவையாகவே இருக்கும்.”

பாரளுமன்ற உறுப்பினர் சுமந்திரன் யாரோ ஒருவருடைய அழைப்பையேற்று, நாள் விதைப்பு ஒன்றை செய்திருக்கிறார் என ஊகிக்க முடிந்தது. ஆனால் அது அவருடைய சொந்த வயலின் நாள் விதைப்பு என்பதும், முதற்தடவையாக அவர் விவசாயத்தில் களமிறங்கியுள்ளார் என்பதும் இந்த விடயங்கள் தொடர்பில் ஆராய்ந்த போது கிடைத்த தகல்வகள்.

பாரளுமன்ற உறுப்பினர் சுமந்திரனுடைய பூர்வீகக் காணிகளில் தானே முதற் தடவையாக விவசாயத்தை ஆரம்பித்துள்ளார். இது ஒரு நல்ல ஆரம்பம் மற்றும் முன்னுதாரணமும் ஆகும். அத்தோடு இவற்றை
அவருடைய ஜனாதிபதி சட்டத்தரணி நிலையிலிருந்து பார்க்கும் போது விவசாயத்தில் ஈடுபடுவது, முயற்சித்து பார்ப்பது என்பது நல்ல முயற்சி. அதைவிட தற்காலத்தில் விவசாயிகள் மனமுடைந்து, சோர்ந்து போயுள்ள நிலையில் அவர்களை உற்சாகப்படுத்தும் முயற்சியும் கூட.

கொழும்பு, ரோயல் கல்லூரியில் படித்து, ஜனாதிபதி சட்டத்தரணியாக செயற்படும் ஒருவர், பாராளுமன்ற உறுப்பினர், தமிழ் தேசிய கூட்டமைப்பின் பேச்சாளர் என பல பதவிகளில் இருக்கின்ற போதும் விவசாயத்தில் தனது காலை பதிப்பது தமிழ் மக்களின் பூர்வீக தொழிலுக்குள் மீண்டும் பலரை உள்நோக்கி இழுக்கும் செயற்பாடாகவே கருதலாம். அத்தோடு, இவரை பின்பற்றி பலர் விவசாய களத்தில் இறங்கும் வாய்ப்புகளுமுள்ளன.

இந்த புகைப்பட விடயங்களில் இருக்கும் அம்சங்கள் பலருக்கு நகைச்சுவையாக தென்பட்டாலும், புகைப்பட சூட்டிங் போன்று தென்பட்டாலும் அதிலுள்ள விடயங்களை உற்று நோக்கி பார்க்க வேண்டும். பச்சையாக தெரிவதெல்லாம் நெற்கதிர்தான் எனும் முடிவுக்கும் வர முடியாது.

ஒரு சிறந்த விவசாயியின் வழிநடத்தலிலேயே இந்த நாள் விதைச்சல் நிகழ்வு நடந்துள்ளது. நாள் விதைச்சலை ஏர்பூட்டி உழுது, பொங்கல் பொங்கி அனைவருக்கும் பகிர்ந்தளித்து வெள்ளாண்மையினை ஆரம்பிப்பது மரபு. அதனை ஒரு தீவிர விவசாயின் ஆலோசனையோடு, வழிநடத்தலோடு செய்திருக்கிறார். எனவே சமூக வலைத்தளங்களில் கூறப்படுவது போல போலியான சம்பவங்கள் நடந்திருக்க வாய்ப்பில்லை.

இன்று அரிசி விலையேற்றம் பற்றி பேசும் பலர் தங்கள் சொந்த நெல் வயல்களில் பயிர்செய்கையில் ஈடுபடாமல் குத்தகை எனவும் பெயரில் பணத்தை வாங்கி கொண்டிருக்கிறார்கள். விவசாயத்தில் தமிழ் மக்கள் அனைவரும் களமிறங்கும் பட்சத்தில் முதலாவது அடிப்படை தேவையான உணவுக்கான தன்னிறைவு பொருளாதரம் பூர்த்தியாகும்.

வட பகுதியில் விளையும் நெல்லுக்கு, பொலநறுவையில் விலை தீர்மானிக்கப்படுகிறது. எங்கள் அரிசி எங்கள் மண்ணிலிருந்து போய், மீண்டும் பிறிதொருவர் நிர்ணயித்த விலையோடு அரிசியாக வருகிறது. எந்தவொரு விவசாயியும், அரிசியினையும், அரிசி மாவினையும் விலை கொடுத்த வாங்க மாட்டான்.

ஓரு வருட உணவுக்கான அரிசி வீட்டில் மூட்டை கட்டியபடி இருக்கும்,. என்ன கஷ்டம் வந்தாலும் சம்பலும், சோறும், பாலும், தயிரும் என யாரிடமும் கையேந்தாமல் வாழ பழகியவன் விவசாயி. இப்போது இந்த நிலை மாறிப்போய்விட்டது.

ஆக சுமந்திரனின் இந்த விவசாய ஆரம்பத்தை, கேலியாக பார்க்காமல், நல்ல முறையில் பார்த்தால் நல்ல ஆரம்பமே. பழக்கமில்லத ஒன்றை செய்தால் எல்லாம் கேலியாகத்தான் இருக்கும். போக போக எல்லாவற்றையும் பழகலாம். சமூக வலைத்தளங்களில் மாத்திரமே விவசாயம் செய்து உண்பவர்களுக்கு இது தெரிந்திருக்க நியாயமும் இல்லை.

விவசாயிகளின் ஒரு அடையாளமாக, தன் பூர்வீகத்தின் ஒரு அடையாளமாக, தமிழர்களின் ஒரு அடையாளமாக அவர் தன்னை வெளிக்காட்டியது பாராட்டத்தக்கதே தவிர கேலிக்குரியதல்ல.

எனவே எல்லாவற்றையும் நேர்மறையாக பார்க்கின்ற தன்மையோடு பார்க்கும் எமது தமிழரின் குணவியல்பு மாறவேண்டும். அனைத்தையும் யதார்த்தமாக பார்க்க ஆரம்பித்தால் முன்னேற்றமும், வெற்றியும் எமக்கு கிடைக்கும்.

ச.விமல்
பணிப்பாளர்- வி தமிழ்
ஊடகவியலாளர்/அறிவிப்பாளர்

The post சுமந்திரனின் வயல் விதைப்பு – சம்பிரதாயபூர்வ ஆரம்பம் appeared first on V MEDIA.

• பேராசிரியர் ப.புஸ்பரட்ணம்-

பொலநறுவை – மட்டக்களப்பு பிரதான வீதியுடன் இணைந்திருக்கும் மன்னம்பிட்டிப் பிரதேசம் என்பது வரலாற்று முக்கியத்துவம் வாய்ந்த ஒரு இடமாகும். வரலாற்றுத் தொடக்க காலத்தில் இருந்து கிழக்கிலங்கைக்கு உட்பட்டிருந்த இப்பாரம்பரிய பிரதேசமானது, பிரித்தானியர் ஆட்சிக் காலத்தில் இருந்து நிர்வாக வசதிக்காக பொலநறுவை மாவட்டத்துடன் இணைக்கப்பட்டுள்ளது.

இப்பிரதேச எல்லைக்குள் முக்துக்கல், சமணன்பிட்டி, தம்பன்கடவை, கருப்பளை கண்டக்காடு, சொரிவில், திரிகோணமடு, கல்லூர், பிள்ளையாரடி ஆகிய பழம்பெரும் தமிழ்க் கிராமங்கள் காணப்படுகின்றன. மக்கள் வாழாத இக்கிராமங்கள் சிலவற்றின் ஒதுக்குப்புறங்களில் கைவிடப்பட்ட வயல் நிலங்கள், காடுகள், சிறு மலைகள், ஆதிகால மக்கள் வாழ்ந்த கற்குகைள் என்பன காணப்படுகின்றன.

இவ்வாதாரங்கள் இக்கிராமங்களுக்கு தொன்மையான தொடர்ச்சியான வரலாற்று மரபு இருப்பதை உறுதி செய்வதாக உள்ளன. இந்த உண்மையை இக்கிரமங்களில் ஆங்காங்கே காணப்படுகின்றன இந்து, பௌத்த ஆலயங்கள், ஆலய எச்சங்கள் மேலும் உறுதி செய்கின்றன. அவ்வாறான வரலாற்றுப் பழைமைவாய்ந்த ஆலயங்களில் ஒன்றே தற்காலத்திலும் வழிபாட்டிலிருந்து வரும் தம்பன்கடுவையில் உள்ள சித்திரவேலாயுதர் கோவிலாகும்.

இவ்வாலயம் தோன்றிய காலத்தை உறுதி செய்யக்கூடிய நம்பகரமான ஆதாரங்கள் எவையும் இதுவரை கிடைக்கவில்லை. ஆயினும் அப்பிரதேச மக்களிடையே நிலவிவரும் வாய்மொழி வரலாற்றுக் கதைகளில் இருந்து இவ்வாலயம் முன்பொரு காலத்தில் ஆகம மரபு சாராத கிராமிய ஆலயமாக இருந்துள்ளமை தெரிகின்றது. வேல் சின்னத்தை கொண்டிருந்த இவ்வாலயம் காலப்போக்கில் ஆகம மரபில் கற்கள் கொண்டு கட்டப்பட்ட ஆலயமாக வளர்ந்துள்ளதை உறுதிப்படுத்த முடிகின்றது.

அண்மைகாலங்களில் இவ்வாலயக் கட்டமைப்பில் மேலும் விரிவாக்கம் செய்யப்பட்டு மிகப் பெரிய ஆலயமாக மீள் உருவாக்கம் செய்யப்பட்டு வருகின்றது. இந்த மீள் உருவாக்கப்பணிகளின் போது கிடைத்த பழைய ஆலயத்தின் கட்டிடப்பாகங்களும், சில வழிபாட்டுச் சின்னங்களும் புதிய ஆலயத்தில் வைத்துக் கட்டப்படாது அவை ஆலயத்தின் ஒரு பகுதியில் வைத்துப் பாதுகாக்கப்பட்டு வருகின்றன. அவற்றுள் ஒன்றே பழைய ஆலயத்தின் மூலஸ்தானத்தில் வைக்கப்பட்டிருந்த செப்பு பட்டயத்துடன் கூடிய அலங்காரத் தூணாகும்.

இந்நிலையில் மன்னம்பிட்டி பிரதேசத்தில் காணப்படும் தொல்லியல், வரலாற்றுச் சின்னங்களை தேடிக் கண்டறிந்து அவற்றைப் பதிவு செய்து வரும் இப்பிரதேசத்திற்குரிய வரலாற்று ஆர்வலர் திரு. நகுலேஸ்வரன் பிரவின் என்பவர், இவ்வாலயத்தில் காணப்படும் செப்பு பட்டயத்தின் புகைப்படப் பிரதியொன்றை முன்னாள் சக்தி அலைவரிசையின் பிரதானி திருமதி. உமாச்சந்திரா பிரகாஷ் அவர்கள் ஊடாக எனக்கு அனுப்பி வைத்தார்.

இச்செப்பு பட்டயம் ஏறத்தாழ ஐந்தடி நீளமான தூணில் பொருத்தப்பட்டுள்ளது. தூணின் தொடக்கத்திலும், முடிவிலும் அரைவட்ட தாமரை வடிவம் புடைப்புச் சிற்பமாக வடிக்கப்பட்டுள்ளது. தூணின் நடுப்பகுதில் முழுவடிவத்தில் வடிவமைக்கப்பட்ட தாமரை புடைப்புச் சிற்பத்திற்கு வலப்பக்கமாக தெலுங்கு மொழியிலும், இடப்பக்கமாக தமிழ் மொழியிலும் சாசனங்கள் எழுதப்பட்டுள்ளன.

சாசனம் அக்கால மொழிவழக்கில் பின்வருமாறு எழுதப்பட்டுள்ளது:
(1) திருமுருக்கர் ஆலியம் ஆரு
(2) முக சுவாமி மூலஸ்த்
(3) தானம் வெங்கப்படி
(4) பலபேர் செத்து யா
(5) சக தற்மம்”

என முடிகின்றது. தெலுங்கு வரிவடிவத்திலும் தெலுங்கு மொழியிலும் எழுதப்பட்ட சாசனத்தைப் படிப்பதற்கு அம்மொழியில் புலமையுடைய அறிஞர்களான பேராசிரியர் வை. சுப்பராயலு, பேராசிரியர் பொ. இரகுபதி, கலாநிதி சு.இராஜகோபால் ஆகியோருக்கு சாசனத்தின் புகைப்படத்தை அனுப்பி வைத்திருந்தேன்.

அம்மூவரும் தமிழ்ச் சாசனத்தில் சொல்லப்பட்ட செய்தியையே பெரும்பாலும் அக்கால மொழிநடைக்கு ஏற்ப தெலுங்கு மொழியிலும் எழுதப்பட்டுள்ளதை உறுதிப்படுத்தியுள்ளனர். அதன் வாசகம் பின்வருமாறு எழுதப்பட்டுள்ளது:
(1) திருமுருகா ஆலயம் ஆரு
(2) முகசுவாமி மூலஸ்த்
(3) தானம் வெங்கலப்படி
(4) பலபேர் சேர்த்து யா
(5). சக தற்மம்”
என முடிகின்றது.

இரு மொழிச் சாசனங்களும் சொல்லும் செய்தி தம்பன் கடுவையில் உள்ள சித்திரவேலாயுத கோவில் கற்பக்கிரகத்தில் உள்ள மூலஸ்தானத்திற்கு வெங்கலப் படியை அமைப்பதற்கு பலரும் ஒன்று சேர்ந்து மக்களிடம் இரந்து (யாகசம் செய்து) பெற்றதை தானமாக வழங்கியது பற்றிக் கூறுகின்றன.

பேராசிரியர் இரகுபதி அவர்கள் தமிழில் உள்ள சாசனத்தின் தொடக்க நிலை வரிவடிவங்களில் புள்ளியிடாமலும், தொடர்ந்து வரும் வரிவடிவங்களில் புள்ளியிடப்பட்டும் சாசனம் எழுதப்பட்டிருப்பதால் இச்சாசனம் எழுதப்பட்ட காலம் 18 ஆம் நூற்றாண்டு அல்லது 19 ஆம் நூற்றாண்டின் முற்பகுதியாக இருக்கலாம் எனக் கருதுகின்றார்.

இக்காலப் பகுதியில் மட்டக்களப்பு தேசத்துக் கோயில்களின் வரலாறு கூறும் கல்வெட்டுக்கள் சில பொறிக்கப்பட்டதற்கு ஆதாரங்கள் காணப்படுகின்றன. அவை பெரும்பாலும் தமிழில் எழுதப்பட்டவை. ஆனால் தம்பன்கடவை சித்திரவேலாயுதர் ஆலயத்து செப்புபட்டயத்தில் தமிழோடு தெலுங்கு மொழியிலும் எழுதப்பட்டுள்ளமை புதிய வரலாற்றுச் செய்தியாகக் காணப்படுகின்றது. இதற்கான காரணங்கள் வரலாற்று ரீதியாக நோக்கப்படவேண்டியவை.

15ஆம் நூற்றாண்டிலிருந்து மட்டக்களப்பு தேசம் பெரும்பாலும் கண்டியரசின் ஆதிக்கத்திற்கு உட்பட்ட பிராந்தியமாகவே இருந்துள்ளது. இவ்வரசின் ஆதிகம் அநுராதபுரம், பொலநறுவை இராசதானியின் எல்லை வரை பரந்திருந்தது.

கண்டியின் கடைசி சிங்கள மன்னன் ஸ்ரீவீரபராக்கிரம நரேந்திர சிங்கனுக்குப் பின்னர் அவ்வரசில் ஆட்சி புரிந்த ஸ்ரீவிஜயராஜசிங்கன் (1739- 1747), கீர்த்தி ஸ்ரீஇராஜசிங்கன் (1747-1782), ராஜாதிராஜசிங்கன் 1782-1798), ஸ்ரீவிக்கிரம ராஜசிங்கன் (1798- 1815) ஆகியோர் தமிழக மதுரை நாயக்க வம்சத்தை சேர்ந்தவர்கள்.

இவர்களின் ஆட்சி மொழி தமிழக இருப்பினும் ஆட்சியாளர்கள், அதிகாரிகள் என்பவர்களில் தாய் மொழி தெலுங்காகவும் இருந்துள்ளது. இதனால் இவ்வரச அதிகாரிகளின் பங்களிப்பால் தம்பன்கடவை சித்தியவேலாயுதர் ஆலயத்து வெண்கலப்படி அமைக்கப்பட்டிருக்கலாம் எனக் கூறுவதற்கும் இடமுண்டு.

ஆனால் ஆலயத்தில் உள்ள செப்பு பட்டயம் அவ்வாலய வெண்கலப் படியானது பலர் ஒன்று கூடி பல இடங்களுக்கு சென்று மக்களிடம் இரந்து (யாசகம் பெற்று) பெற்ற நிதி உதவியைக் கொண்டே வெண்கலப் படி அமைக்கப்பட்டதாகக் கூறுவதால் இப்பணியைக் கண்டி ஆட்சியாளர்களுடன் தொடர்புபடுத்துவது பொருத்தமாகத் தோன்றவில்லை.

ஆனால் இலங்கையில் கண்டி இராசதானிக்கு முன்னரே தெலுங்கைத் தாய் மொழியாகக் கொண்ட மக்களும் வாழ்ந்ததற்கு ஆதாரங்கள் காணப்படுகின்றன. சிறப்பாக யாழ்ப்பாண இராசதானி காலத்தில் இருந்த படைப்பிரிவுகளில் சுதேச தமிழ்ப்படை வீரர்களுடன் பிறநாட்டுப் படைவீரர்களும் இணைந்து பணியாற்றியமைக்குப் பல சான்றாதாரங்கள் காணப்படுகின்றன.

அவர்களுள் தென்னிந்திய கன்னட, தெலுங்குப் படைவீரர்கள் சிறப்பாகக் குறிப்பிடத்தக்கனர். இவ்வரசின் வீழ்ச்சியைத் தொடர்ந்து இப்படை வீரர்களில் ஒரு பிரிவினர் தமிழ் பேசும் மக்களாக இங்கேயே நிரந்தரமாகத் தங்கியுள்ளனர். இவர்களில் சிலர் தமிழர்களுடன் இணைந்து வட இலங்கையில் உள்ள ஆலயங்கள் சிலவற்றில் பண்டாரம் என்ற பெயரில் அவ்வாலயங்களை மேற்பார்வை செய்பவர்களாகவும், பூசகர்களாகவும், மாலைகட்டுபவர்களாகவும் கடமையாற்றி வருகின்றனர்.

இவர்களை கோயில் பண்டாரம் என்ற பெயரில் தனியொரு சமூகமாகவும் அழைக்கப்படுகின்றது. அவர்களின் வழிவந்தவர்கள் தற்காலத்தில் மொழியால் தமிழ்ச் சமூகங்களுடன் இரண்டறக் கலந்திருந்தாலும் பண்பாட்டால் சில தனித்துவமான அம்சங்களுடன் யாழ்ப்பாணத்தின் சில ஊர்களில் வாழ்ந்து வருவதைக் காணமுடிகின்றது. இது கிழக்கிலங்கைக்கும் பொருந்தும்.

கிழக்கிலங்கையில் அதிலும் குறிப்பாக மட்டக்களப்பின் வரலாற்றுப் பழமைவாய்ந்த ஆலயங்களின் தோற்றப் பின்னணிகள், மக்களின் சமய நம்பிக்கைகள், சடங்குகள், கிரிகை முறைகள், வழிபாட்டு மரபுகள் என்பவை சில தனித்துவமான அம்சங்களைக் கொண்டவை.

இங்கு தோன்றிய பாசுபத சமயத்திற்கு தொன்மையான, தொடர்ச்சியான வரலாறு உண்டு. இவ்வாலயங்களில் நீண்ட காலமாக பிராமணர்கள் அல்லாதவர்களே பூஜைசெய்து வந்துள்ளனர். இதற்கு கோணேஸ்வரர் கல்வெட்டே சிறந்த ஆதாரமாகக் காணப்படுகின்றது. மேலும் இங்கிருக்கும் ஆலயங்களை நிர்வகிப்பவர்கள், மேற்பார்வை செய்பவர்கள் பொதுவாக வண்ணக்கர் என்றே அழைக்கப்படுகின்றனர்.

இம்மரபு 2200 ஆண்டுகளுக்கு முன்பிருந்து தோன்றி வளர்ந்ததை அண்மையில் மட்டக்களப்பில் கண்டுபிடிக்கப்பட்ட பிராமி எழுத்துப் பொறித்த மட்பாண்டச் சாசனமும் உறுதிப்படுத்துகின்றது. இந்நிலையில் மட்டகளப்பு பூர்வசரித்திரம் என்ற மூல நூலில் இங்குள்ள ஆலயங்களில் பணி செய்த சமூகங்களில் ஒன்றாக பண்டாரத்தையும் குறிப்பிடுகின்றது.

அப்பண்டாரங்களில் தெலுங்கைத் தாய் மொழியாகக் கொண்டவர்களும் இருந்திருக்க வாய்ப்புண்டு. ஆயினும் அதை உறுதிபடுத்த மேலும் ஆய்வுகள் முன்னெடுக்கப்பட வேண்டும். இருப்பினும் இப்பிரதேசத்தில் தெலுங்கைத் தாய்மொழியாகக் கொண்ட சில சமூகங்கள் நீண்ட காலமாக வாழ்ந்து வருவதற்கு சில ஆதாரங்கள் காணப்படுகின்றன.

மட்டகளப்பு தேசத்து வாய்மொழி வரலாற்றுக் கதைகள் அப்பிரதேசத்தில் தோன்றிய புராதன ஆலயங்கள் சிலவற்றை அங்கு வாழ்ந்து வரும் வேடர் அல்லது பழங்குடி மக்களுடன் தொடர்புடுத்திக் கூறுகின்றன. நீண்டகாலமாக ஏனைய சமூகங்களில் இருந்து விலகி காடுகளிலும், மலைகளிலும், இயற்கையான குகைகளிலும் வாழ்ந்த இம்மக்களில் ஒரு பிரிவினர் அண்மைக்காலத்தில் நடைபெற்ற யுத்தங்களுக்கு அஞ்சி நகரங்களை நோக்கி இடம்பெயர்ந்த போது ஏனைய மக்கள் தொடர்ந்தும் தமது பூர்வீக இடங்களிலேயே வாழ்ந்து வருகின்றனர்.

இங்குள்ள இம்மக்களின் தனித்துவமான வாழ்வியல் அம்சங்கள் பற்றி அண்மையில் விரிவாக ஆராய்ந்த பேராசிரியர் கா.குகபாலன் அம்மக்களின் பேச்சு மொழியில் உள்ள பல சொற்களைப் புரிந்து கொள்வதற்காக அம்மொழியைப் பதிவு செய்து தமிழக அறிஞர்களான பேராசிரியர் வை.சுப்பராயலு, பேராசிரியர் விஜயவேணுகோபால் ஆகியோருக்கு அனுப்பி வைத்தார்.

அம்மொழிப் பதிவை விரிவாக ஆராய்ந்த இரு அறிஞர்களும் அம்மொழியில் பெரும்பாலும் தெலுங்கு மொழிச் சொற்களே காணப்படுவதாக அடையாளப்படுத்தியிருந்தமை இவ்விடத்தில் சிறப்பாகக் குறிப்பிடத்தக்கது.

2017 ஆம் ஆண்டுகாலப் பகுதியில் இப்பழங்குடி மக்கள் வாழ்ந்து வரும் மட்டக்களப்பின் வாகரை போன்ற இடங்களில் நாம் களவாய்வு மேற்கொண்ட போது அம்மக்கள் சிறு குடிசைகளிலும், குகைளிலும் வாழ்ந்து வருவதைக் காணமுடிந்தது. இந்நிலையில் தமிழர்கள் பெரும்பான்மையாக வாழ்ந்து வரும் மன்னம்பிட்டி தம்பன்கடுவையில் பண்டைய குடியிருப்புகள், வயல் நிலங்கள் இருந்த இடங்கள் அண்மைக்காலங்களில் கைவிடப்பட்டு அவ்விடங்களின் ஒருபகுதி காடுகள், மலைகள், குகைகள் என்பவற்றைக் கொண்ட பிரதேசமாகக் காணப்படுகின்றது.

அத்துடன் அங்குள்ள குகைகளில் செயற்கையான சில மாற்றங்களைச் செய்து அண்மைக்காலம் வரை பழங்குடி மக்கள் வாழ்ந்ததற்கான ஆதாரங்கள் காணப்படுவதுடன், அச்சமூகத்தினரைச் சார்ந்த சில குடும்பங்கள் தற்காலத்திலும் வாழ்ந்து வருவதாக அறிய முடிகின்றது.

இதனால் அவர்களின் தாய் மொழி தெலுங்காக இருந்திருக்கலாம். இவ்வரலாற்றுப் பின்னணியில் இங்கிருக்கும் சித்திரவேலாயுதர் ஆலயத்தில் காணப்படும் தெலுங்கு மொழிச் சாசனத்தை இங்கு வாழ்ந்த, வாழ்ந்து வருகின்ற பழங்குடி மக்களுடனும் தொடர்புபடுத்திப் பார்க்கவும் இடமுண்டு. இருப்பினும் இக்கருத்தை உறுதிப்படுத்த மேலும் ஆய்வுகள் செய்யப்படுவது அவசியமாகும்.

கட்டுரையாக்கம்
பேராசிரியர் பரமு புஸ்பரட்ணம்
தலைவர் – வரலாற்றுத்துறை
யாழ்ப்பாணப் பல்கலைக்கழகம்

The post மன்னம்பிட்டி கிராமத்தில் தமிழ், தெலுங்கு மொழிச் செப்பு பட்டயம் கண்டுபிடிப்பு – கட்டுரை appeared first on V MEDIA.

நிவேதிதா சிவசோதி

குடும்ப வன்முறைகள் அதிகரித்து வருவதை காணமுடிகிறது. குடும்பங்கள் அன்பால் கட்டியமைக்கப்பட்டதா என்பதை விட பொருளாதாரத்தால் கட்டியமைக்கப்பட்டிருக்கிறது என்பதே பொருத்தம். குடும்பத்தின் பொருளாதாரத்தில் ஆதிக்கம் செலுத்தும் நபர் குடும்ப முடிவுகளிலும் ஆதிக்கம் செலுத்துபவராக இருப்பார்.

ஆண்களின் ஆதிக்கம் குடும்பத்தில் அதிகமாக ஒரு காலகட்டத்தில் இருந்ததற்கும் இன்று அது ஒப்பீட்டளவில் இல்லாமல் போனதற்கும் இதுவும் ஒரு காரணம். தங்கி வாழல் என்னும் முறைமை குறைந்து வரும் ஒரு காலகட்டத்தில் ஆண்கள் குடும்பங்களிடம் செலுத்தி வந்த செல்வாக்கும் குறைந்துதான் வருகிறது.

இலங்கையில் ஒரே நாளில் இரண்டு மரணங்கள் நிகழ்ந்திருந்தது. இரண்டுமே குடும்ப வன்முறை தொடர்பானது. கொடுமைக்கார கணவனுடன் (Abusive husband) உடன் வாழ இனியும் திராணியில்லாத, சட்டப்படி பிரிந்துவிடவும் வழி இல்லாத வலிகளிற்கு பின்னான கொலை அவை இரண்டும். ஒரு பெண் குடும்ப வன்முறையால் பாதிக்கப்பட்டு கணவனால் கொடுமைப்படுத்தப்பட்டால் சட்டத்திடம் தீர்வுகள் இருந்தும் அதை பெற்றுக்கொள்ள அத்தனை போராட வேண்டி இருக்கிறது.

குடித்து விட்டு மண்வெட்டியால் மனைவியின் தலையை காயப்படுத்திய கணவனுடன் சேர்ந்து எப்படியாவது வாழவைத்துவிடவே நீதிவான்களும் முயல்கிறார்கள். கணவன் மனைவியை அடிப்பது சாதாரணமாக கொள்ளப்பட வேண்டும் என்று பொலிஸ்மா அதிபரே ஒரு நேர்காணலில் சொல்லி இருந்தார்.

திருமணத்தை ஒரு சமூக கட்டமைப்பாக கொள்ளாது, அது புனிதமான உறவு என்று கலாச்சாரத்துடன் முடிச்சுப்போட்டு சரியான நீதியைப்பெற முடியாமல் கொடுமைப்படுத்தும் கணவன்மாருடன் வாழவே அறிவுரை சொல்லும் சமூகத்தில் இப்படியான கொடூரங்கள் நடக்காமல் என்ன செய்யும்?

கணவன் மனைவி நகைச்சுவைகள் நிறைய கடந்திருக்கிறேன். ஆனால் இந்த மரணங்களை வைத்தும் “நல்ல வேளை எனக்கு திருமணம் ஆகவில்லை” , “நல்ல வேளை என் வீட்டில் கத்தி இல்லை, கம்பில்லை” போன்ற போஸ்டுகளை பார்க்க முடிந்தது.

ஒரு கொலைக்கான பின்னணி ஆராயப்படாமல், அதன் பின் இருந்த வலி, கொடுமைகள், உடல் உளவியல் சிக்கல்கள் எதையும் அறிந்துகொள்ளாமல் எல்லாமே நகைச்சுவையாய் மாறிக்கொண்டு போவது வேதனையாகவே இருக்கிறது.

திருமணம் எந்தப் புனிதமும் இல்லாத ஒரு வசதிக்கான, அங்கீகாரத்திற்கான ஏற்பாடுதானே அன்றி ஒரு கொடுமையான வாழ்வை சகித்துக்கொண்டு வாழவேண்டும் என்ற கற்பிதங்களை கலாச்சாரம் என்று தூக்கித்திரியவே தேவையில்லை.

கணவன் மனைவியை அடிப்பதற்கெல்லாம் விவாகரத்தா, அதற்கெல்லாம பிரிவாஎன்று வியாக்கியானம் கதைக்கும் உரிமையும் ஒருவருக்கும் இல்லை. சட்டம் சரியான தீர்வுகளை கொடுக்க தாமதிக்கும் ஒவ்வொரு தருணமும் இங்கு இப்படியான சம்பவங்களை தவிர்க்கவே முடியாது.

இங்கு நடந்திருப்பது தேவையில்லாத புனிதப்படுத்தல்களிற்கான பிரதிபலன். அனைத்தையும் நகைச்சுவையாகவே கடந்துவிடும் மனநிலை சரியானதா என்றே தெரியவில்லை. ஒரு வன்முறையாளருடன் வாழும் நபர் அதில் இருந்து பிரிந்து செல்ல முடியாத நிலையில் இருந்தால் சட்டமே ஒரு தீர்வாக அமையவேண்டும். இங்கு அதுவும் தோற்றுப்போவதுதான் பிரச்சினை.

தனியாக வாழும் ஏற்பாடுகள் இல்லாமல், பொருளாதார திடம் இல்லாமல் ஆணோ பெண்ணோ திருமணங்கள் பற்றி சிந்திக்கும்போது இன்னும் கொஞ்சம் அதிகமாகவே சிந்தித்து முடிவுகளை எடுக்கலாம்.

–நிவேதிதா சிவசோதி-
சட்ட கல்லூரி மாணவி

The post ஆதிக்க மனப்பான்மையே குடும்ப பிரச்சினைக்கு காரணம் appeared first on V MEDIA.

கடவுச் சீட்டு என்பது பெரிய சவால்தான்… நாடு விட்டு நாடு பயணமாகும்போது, துருவித் துருவி கேள்வி கேட்பார்கள்… என்னடா இவன் லண்டனுக்கு போகிறானே என்பது போல, கடவுச் சீட்டை புரட்டி புரட்டிப் பார்ப்பார்கள். சில சமயங்களில் இடக்கு மடக்காக பல கேள்விகளையும் கேட்பார்கள். (எனக்கு சுவிஸ் கடவுச் சீட்டு கிடைத்தபின்பு முழுக் கோலமுமே மாறி விட்டது..)

பயணத்தில் இந்தச் சிக்கல் இருந்தாலும், வெளிநாடுகளில் இலங்கைத் தமிழராக இருப்பவர்கள், சவால்களை எதிர்கொண்டு வாழக் கற்றுள்ளார்கள்..வீடிருப்பவனுக்கு ஒரு வீட்டைக் கட்ட, வாங்க தேடுதல் என்பது இல்லை. ஆனால் வீடில்லாதவன் நிலை வேறு. நாடில்லாதவன் என்ற முறையில் பல இன்னல்களுக்கு முகம் கொடுத்தவனுக்கு, சவால்களை சமாளிப்பது ,மிகக் கடினமான ஒன்றல்ல.… நல்ல உழைப்பாளிகள் , மொழியைக் கற்கும் ஆர்வமுள்ளவர்கள், நேர்மையானவர்கள், பொறுப்பானவர்கள் என்று ஐரோப்பிய நாடுகளில் இலங்கைத் தமிழர்கள் பெயர் எடுத்திருப்பதன் காரணம் இதுதான்..அங்கு மொழியைப் படித்து, ஒரு கடையையும் திறந்து, ஒரு முதலாளியாக செயற்படுவது, பெருஞ் சவால்கள் நிறைந்தது.. நான் பயணஞ் செய்த ஐரோப்பிய,அமெரிக்க நாடுகளிலெல்லாம் பல கடின உழைப்பாளிகளைச் சந்தித்து மனம் பூரித்தேன்….

The post இலங்கை தமிழராக இருப்பதால், பிற நாடுகளில் நீங்கள் எதிர்நோக்கும் சவால்கள் யாவை? appeared first on V MEDIA.

[forminator_form id=”388″]1. சர்க்கரை வியாதிக்கு தினமும் காலையில் வெறும் வயிற்றில் சிறிது வெந்தயத்தை வாயில் போட்டு விழுங்க வேண்டும்.

2. பாகற்காயை கழுவி, வட்டவட்டமாக நறுக்கி விதையை நீக்கி, நிழலில் காய வைத்து, மிக்ஸியில் அடித்து பொடியாக்கி பாட்டிலில் அடைத்து வைத்துக் கொண்டு தினமும் 1 தேக்கரண்டி சாப்பிட்டால் சர்க்கரை நோய் கட்டுப்படும்.

* சர்க்கரை வியாதிக்கு முருங்கை கீரையும், குறிஞ்சாக் கீரையும் சர்க்கரை வியாதிக்கு நல்ல மருந்தாகும்.

3. மாங்கொட்டையின் பருப்பை உலர்த்தி, நன்றாகப் பொடி செய்து, தேன் சேர்த்து சாப்பிட்டு வந்தால், வயிற்றிலுள்ள நாக்குப் பூச்சிகள் மலத்துடன் வெளி வந்துவிடும். மூல நோயும் குணமாகும். மாதவிடாய் அதிகமாக போவதும் நின்று விடும்.

* கொசுக்களை விரட்ட மாம்பூக்களைப் பொடி செய்து, சாம்பிராணி போல புகைபோட்டால் கொசுக்கள் ஓடி விடும்.

4. இஞ்சியை கற்கண்டுடன் சேர்த்துச் சாப்பிடுவதால் சர்க்கரை நோய் கட்டுப்படும்.

5. இஞ்சி சாற்றையும் வெங்காயச் சாற்றையும் சமமாகக் கலந்து குடித்தால் வாந்தி நிற்கும்.

* அஜீரணத்துக் இஞ்சி சாற்றை தொப்புளைச் சுற்றித் தடவலாம்.

6. கொத்துமல்லி தழையை அரைத்து சர்க்கரை போட்டு பால் சேர்த்து தினம் 100 கிராம் சாப்பிட மன நோய் நீங்கும்.

7. மல்லி நீரால் கண்களைக் கழுவ கண்கள் பளிச்சிடும். மல்லிநீரை அருந்துவதன் மூலம் தாகம் தணியும், பல் வலி, ஈறு வீக்கம் ஆகியவை கட்டுப்படும்.

8. மல்லி விதை எண்ணெய் சுளுக்கு நீக்கியாகப் பயன்படும்.

9. பூண்டைச் சேர்த்து எந்த வகை உணவு சாப்பிட்டாலும் வாயுத் தொல்லை, வயிற்று உப்புசம் குறையும். இதனை தேங்காய் எண்ணெய் விட்டு காய்ச்சி, அதைத் தேய்த்தால் வாத வலி போகும்.

10. பூண்டுத் தழையை உப்பிட்டு அரைத்து சாற்றைப் பிழிந்து சுளுக்குக்குத் தடவ, சுளுக்கு விட்டுப் போகும்.

11. சிரங்கு தொல்லைக்கு 100மி.லி., தேங்காய் எண்ணெய்யில் 5 வெற்றிலைகளைப் போட்டு நன்றாகக் காய்ச்சி அந்த எண்ணெயைத் தடவ நல்ல குணம் கிடைக்கும்.

12. தினமும் ஒரு கைப்பிடி அளவு கொத்த மல்லிக்கீரையை மண்ணில்லாமல் சுத்தம் செய்து, பச்சையாகவே மென்று சாப்பிட்டு வர கண் பார்வை தெளிவாகும். பித்தமும் நீங்கும்.

13. இரவின் பூவன் பழத்தை செங்குத்து வாக்கில் இரண்டாகப் பிளந்து, அதில் சீரகத்தை வைத்து மூடி வைத்து, அதிகாலையில் வெறும் வயிற்றில் சாப்பிட்டு வர மூலவியாதி முச்சு காட்டாது.

14. சீரகத்தை நல்லெண்ணையில் காய்ச்சி தலையில் தேய்த்து குளித்து வந்தால், தலை பாரம், பித்த மயக்கம் நீங்கும்.

15. வாழைப்பூவை இடித்து சாறு பிழிந்து பசுமோர் கலந்து அருந்திவர வயிற்று வலி தீரும்.

16. பச்சைக் கற்பூரத்துடன் புதினா இலைச் சாறை கலந்து மூட்டு வலி உள்ள இடத்தில் தடவி வர மூட்டு வலி குணமாகும்.

17. தோலில் உள்ள கரும்புள்ளிகளின் மேல் தக்காளிப் பழத்தைத் துண்டாக்கிக் தேயுங்கள். அதில் உள்ள அமிலம் கரும்புள்ளிகளைக் கரைத்துவிடும்.

18. கருவுற்ற மகளிர் நெல்லிக்காய், முருங்கைக் கீரை, முள்ளங்கி ஆகியவற்றை உணவில் சேர்த்துக் கொண்டால் கை, கால், முகம், பாதம் வீக்கம் வராது. குழந்தைப் பேறு எளிதாக அமையும்.

19. தக்காளி, கோஸ், கேரட் ஆகியவற்றை சாப்பிட்டால் முக சுருக்கம் நீங்கும்.

20. கசகசாவை நைசாக அரைத்து குழந்தையின் தொப்புள் சுற்றி தடவினால் குழந்தையின் அழுகை நின்றுவிடும்.

21. மெலிந்த உடல் பெருக்க கற்கண்டை வெண்ணெயுடன் சேர்த்து நாற்பது நாட்கள் சாப்பிட மெலிந்த உடல் பருக்கும்.

22. தொண்டை கட்டிக்கொண்டு குரல் எழாமல் சிரமப்படுபவர்கள் கற்பூர வல்லியை சாறெடுத்து பனங்கற்கண்டு சேர்த்துப் பருக சரியாகும்.

23. வெள்ளை வெங்காயத்தை நெய்யில் வதக்கி, பனங்கற்கண்டு சேர்த்து காலை, மாலை ஒரு தேக் கரண்டி சாப்பிட, வயிற்றின் சுற்றளவு குறையும்.

24. மிளகாயுடன் பத்து துளசி இலைகளை சேர்த்து சாப்பிட சளி போகும்.

25. சுக்கை நீர் விட்டு அரைத்து கொதிக்க வைத்து மூட்டுகளில் தடவ மூட்டுவலி குறையும்.

26. துவரம் பருப்பை வேகவைத்த தண்ணீரை டம்ளர் எடுத்து, சிறிது வெல்லம் சேர்த்து ஏழு நாட்கள் சாப்பிட பூச்சிகள் வெளியேறும்.

27. கருணைக் கிழங்கை தொடர்ந்து வாரம் இரு முறை உணவுடன் சேர்த்து சாப்பிட மூலம் தீரும்.

28. இஞ்சி சாறு எலுமிச்சை சாற்றை தண்ணிரில் கலந்து காலையில் அருந்த பித்தம் குணமாகும்.

* எலுமிச்சை சாறைத் தினமும் பருகி வந்தால் காலரா அண்டாது.

29. சாப்பிடும் முன் இளநீர் அருந்தினால் பசிக்காது. சாப்பிட்டபின் அருந்தினால் பித்தம் நீங்கும் மலச்சிக்கல் தீரும். நாள் பட்ட இளநீரை குடித்தால் சளி ஏற்படும்.

30. வயிற்றுவலியா? ஒரு டம்ளர் கொதிநீரில் 1 டேபிள் ஸ்பூன் தேனைக் கலந்து குடித்தால் 1/4 மணி நேரத்தில் வலி பறந்துவிடும்.

31. காய்ச்சிய பசும்பாலில் மஞ்சள், மிளகுப் பொடி பனங்கற்கண்டு சேர்த்து இரவில் அருந்தினால் இருமல் குணமாகும்.

* கற்கண்டுடன் ஜீரகம் சேர்த்து சாப்பிட்டு வந்தாலும் குணம் தெரியும்.

32. உடல் அசதியா? முருங்கை இலை ஈர்க்குகளை நறுக்கி மிளகு ரசத்தில் போட்டுக் கொதிக்க வைத்து உணவுடன் சேர்த்துக் கொண்டால் குணமாகும்.

33. காலையில் இருமல் வந்தால் கடுகை பட்டுப்போல் கரைத்து தேனில் 1 சிட்டிகை கலந்து 2 வேளை சாப்பிட குணமாகும்.

34. ஒரு தேக்கரண்டி தேனில் 5 மிளகு பொடியை குழைந்து சாப்பிட்டு வந்தால் மறதி மறைந்துவிடும்.

35. இருமலால் தொல்லைக்கு உலர்ந்த திராட்சையை பாலில் இட்டு காய்ச்சி குடித்து வந்தால் நீங்கும்.

* ஒரு சிட்டிகை மஞ்சள் மற்றும் மிளகுப்பொடியை தேனில் குழைத்து சாப்பிட்டு வந்தாலும் குணமாகும்.

36. சளித் தொல்லையா? 1 வெற்றிலை, 3 மிளகு, 5 துளசி இலையை சேர்த்து மென்று விழுங்கவும்

37. மிளகுபொடி, சுக்குப்பொடி, தண்ணீரில் போட்டு கஷாயமாக்கி பாலும், வெல்லமும் சேர்த்து பருகினால் உடம்பு வலி தீரும்.

38. சுத்தமான வெள்ளாட்டுப் பாலில் ஒரு கரண்டி இஞ்சிச் சாற்றை கலந்து கொடுத்தால் குழந்தைகளுக்கு சளித்தொல்லை இருக்காது.

39. முள்ளங்கிக் கிழங்கின் சாறோடு மருதாணி வேரை இடித்து சேகரித்த சாற்றையும் சேர்த்து துளிகளாக காதில் விட்டுவர காது வலி குணம் தெரியும்.

40. வாழை மரத்துக் கிழங்கை இடித்து எடுத்து சாற்றை சற்று சூடாக்கி துளிகளாக காதில்விட்டால் காது வலிக்கு நல்ல பலனைத் தரும்.

41. தும்பைப்பூ, சுக்கு, காயம் இவற்றை எடுத்து நைத்து கடுகு எண்ணெயில் போட்டு காய்ச்சி காதில் சில துளிகள் விட்டால் காதுவலி குணமாகும்.

42. மாதுளம் பழத்தின் ரசத்தை சூடாக்கி இளம் சூடாக இருக்கும்போது சில துளிகள் காதில்விட வலி குறையும்.

43. சுக்கு, மிளகு, திப்பிலி, இலவங்கப்பட்டை, சதகுப்பை, காயம், அதிவிடயம் ஆகிய சரக்குகளை சமஅளவு எடுத்து அரைத்து சிறிதளவு நல்லெண்ணெயையும் காடியையும் அதனுடன் சேர்த்து காய்ச்சி, அந்த எண்ணெயை காதில் சில துளிகள் விட்டு வந்தால் காது இரைச்சல் அகலும்.

44. தேவதாரு, கோஷ்டம், சிற்றாமல்லி, முன்னை, பேராமல்லி முதலியவற்றை தனித்தனியாக இடித்து நல்லெண்ணெய் விட்டுக் காய்ச்சி, ஆறவைத்து ஒவ்வொரு தைலத்திலும் ஒவ்வொரு துளி கலந்து காதிலே விட்டு பஞ்சடைத்து வந்தால், காதில் ஏற்படும் வலியுடன் ஒழுக்கு இருந்தால் குணமாகும்.

45. ரோஜாமொக்கு, சுக்கு, ஏலக்காய், கொத்துமல்லி வகைக்கு 5 கிராம் எடுத்து இளவறுப்பாக வறுத்து அம்மியில் வைத்து பெரும் பருக்கையாக உடைத்து வைத்துக் கொண்டு காலை, மாலை சாப்பிட்டு வந்தால் தேக உஷ்ணம் சமப்படும்.

46. நிம்மதியான உறக்கத்தைப் பெற ஒரு தேக்கரண்டி கசகசாவை எடுத்து இரண்டு முந்திரி பருப்பு சேர்த்து அரைத்து பசும்பாலில் கலந்து காய்ச்சி சிறிது கற்கண்டும் சேர்த்து பருகினால் நிம்மதியான உறக்கத்தைப் பெறலாம்.

47. சூட்டினால் ஏற்படும் வலியாக இருந்தால் தொப்புளைச்சுற்றி ஒரு ஸ்பூன் விளக்கெண்ணெய் அல்லது நல்லெண்ணெய் தடவி தொப்புளுக்குள்ளும் விடலாம்.

48. வயிற்று எரிச்சல் சுக்குத்தூளை கரும்புச் சாற்றுடன் கலந்து சாப்பிட, வயிற்று எரிச்சல் தீரும்.

49. ஜலதோஷத்தினால் தொண்டை கட்டிக் கொண்டால் மிளகைப் பொடி செய்து, ஒரு ஸ்பூன் நெய்யை சூடு செய்து அதில மிளகுப் பொடியை சேர்த்துக் குடித்தால் தொண்டைக் கட்டு விலகும்.

50. வெள்ளரிக்காய் விதையை அரைத்து அத்துடன் ஐந்து பங்கு நீர் சேர்த்து கரைத்து வடிகட்டி சர்க்கரை சேர்த்துக் கொடுக்க நீரடைப்பு, நீர் எரிச்சல் ஆகியவை போகும். பசி கொடுக்கும் ஆற்றலும் வெள்ளரிக் காய்க்கு உண்டு.

51. பெருங்காயத்தை நீரில் கரைத்து ஒரு சங்களவு எடுத்து சிறிது ஓமத்தையும் சேர்த்துக் கொடுக்க குழந்தைகளுக்கு உண்டாகும் மாந்தம், வயிற்றுப் பொருமல் போகும்.

52. மிளகையும் எருக்கம்பூவையும் சம எடை எடுத்து நன்றாக அரைத்து பனை வெல்லம் கூட்டி சிறு குளுகை செய்து சாப்பிட்டால் இழுப்பு நோய் குணமாகும்.

53. சீரகத்துடன் மிளகைச் சேர்த்துச் சாப்பிட அஜீரணம் போகும். சீரகத்துடன் கற்கண்டு சேர்த்து சுவைத்துச் சாப்பிடுதல் சிறுநீர் எரிச்சல் நீங்கும்.

54. சீரகத்தை அரைத்து எலுமிச்சை சாற்றுடன் கலந்துகொடுக்க கர்ப்பிணிகளின் வாந்தி நிற்கும்.

55. வெங்காயத்தை உப்புடன் கூட்டிச் சாப்பிட வயிற்று வலி நீங்கும்.

56. வெங்காயத்துடன் சிறிது ஓமத்தைச் சேர்த்து வேக வைத்து குடிநீர் செய்து குடிக்க நீர்த்தாரை சம்பந்தப்பட்ட கோளாறுகள் நீங்கும்.

57. மஞ்சள் நீரை அருந்த காமாலை கட்டுப்படும்.

58. மஞ்சள் நீரில் ஒரு சிறிய வெள்ளைத் துணியை நனைத்து நிழலில் உலர்த்தி வைத்துக் கொண்டு கண் நோய் உள்ளவர்கள் கண்களை துடைத்துக் கொண்டால் கண் சிவப்பு, கண் அருகல், கண்வலி, கண்ணில் நீர் கோர்த்தல் ஆகியவை தணியும்.

* சிறந்த கிருமிக் கொல்லி, மணத்திற்காகவும் நிறத்திற்காகவும் உணவில் சேர்க்கப்படுகிறது.

59. ஏலக்காய் விதையை பனை வெல்லத்துடன் சேர்த்து இடித்துச் சாப்பிட்டால் வாயில் நீர் ஊறுதல், தாகம், வியர்வையுடன் கூடிய தலைவலி, மிகுந்த வறட்சி, கபம் முதலியன கட்டுப்படும்.

60. ஏலக்காய் எண்ணெய்யை தலைவலி மருந்துடன் சேர்த்து சுளுக்கு, அடிபட்டவீக்கம் முதலானவற்றின் மீது தேய்க்க வலி நீங்கும்.

61. இலவங்கத்தை (கிராம்பு)நீர் விட்டு அரைத்து நெற்றியிலும், மூக்கின் மீதும் இட்டால் தலை பாரம் குணமாகும். இதை அனலில் வதக்கி வாயில் இட்டு சுவைத்தால் தொண்டைப் புண் ஆறும். பற்களின் ஈறு கெட்டிப்படும். தேனில் இழைத்துச் சாப்பிட்டால் உடல் வெப்பத்தைத் தடுக்கும். புண்ணில் சீழ் பிடிப்பதையும் கை, கால் நடுக்கத்தையும் இலவங்க எண்ணெய் தீர்க்கும்.

62. சோம்பை (பெருஞ்சீரகம்) லேசாக வறுத்து பொடித்து இரண்டு கிராம் அளவில் எடுத்து சர்க்கரை சேர்த்து தினம் இரண்டு வேளை சாப்பிட வயிற்று வலி, வயிற்று உப்புசம், செரியாமை, இரைப்பு முதலியன நீங்கும். இதன் சூரணம் வியர்வையை உண்டாக்கி சிறு நீரை அதிகப்படுத்தும்.

63. அரிசி அல்லது ஜவ்வரிசிக் கஞ்சியுடன் வெந்தயத்தைச் சேர்த்து காய்ச்சிக் கொடுக்க தாய்ப்பால் நன்றாகச் சுரக்கும்.

64. வெந்தயத்தை ஊர வைத்து தலையில் தேய்த்துக் குளித்தால் தலை முடி நன்றாக வளரும்.

* வெந்தயக் கீரை அஜீரணக் கோளாறை நீக்கும்.

65. தினமும் இரவில் ஒரு கைப்பிடி வெந்தயத்தை ஊற வைத்து காலையில் வெறும் வயிற்றில் சாப்பிட்டு வர ரத்தத்தில் சர்க்கரையின் அளவு கட்டுப்பாட்டுக்குள் வரும்.

66. வயிறு இதமாக புழுங்கலரிசி நொய்க்கஞ்சியுடன் வெந்தயம் கால் ஸ்பூன் சேர்த்து, மோருடன் கலந்து காலையில் 2 கப் குடித்தால் வயிறு இதமாகும்.

67. பன்னீரில் ஏலக்காய், தேன் கலந்து குடிப்பது மூளைக்குப் புத்துணர்ச்சி தரும்.

68. வெள்ளரிப் பிஞ்சு, இளநீர், மோர், நீராகாரம், லெமன், ஜூஸ் ஆகியவை சிறுநீரகத்தை குளுமைப்படுத்தும்.

69. பெருங்காயம் கசப்பும், காரமும் கலந்த சுவை கொண்டது பெருங்காயம். வாதத்தையும், கபத்தையும் இது கட்டுக்குள் வைக்கும். அதிகமாகச் சாப்பிட்டால் பித்தம் கூடும். சுவை சேர்க்க மட்டுமின்றி, உணவு செரிக்கவும் இது உதவும்.

70. 1 டேபிள் ஸ்பூன் ஓமத்தை மிக்ஸியில் போட்டு நைஸாகப் பொடியுங்கள். பிறகு அதனுடன் 1 டேபிள் ஸ்பூன் வெல்லத்தைச் சேர்த்து அரையுங்கள் (வெல்லத்தின் நீர்ப் பசையே இதற்குப் போதும். தண்ணீர் சேர்க்க தேவையில்லை) இந்த பேஸ்ட்டை கரப்பான், சிரங்கு ஆகியவற்றால் வந்த தழும்புகள் மீது பூசி, பத்து நிமிடங்கள் ஊற வைத்துத் குளித்தால் தழும்புகள் மறையும்.

The post பாட்டி வைத்தியங்கள் appeared first on V MEDIA.