IPL 2022 – சென்னையை இலகுவாக வென்ற கொல்கொத்தா

IPL 2022 கிரிக்கெட் தொடரின் முதலாவது போட்டியில் சென்னை சுப்பர் கிங்ஸ் மற்றும் கொல்கொத்தா நைட் ரைடர்ஸ் அணிகளுக்கிடையிலான போட்டி இன்று மும்பை வங்கடே மைதானத்தில் நடைபெற்றது. இந்தப் போட்டியில் கொல்கொத்தா நைட் ரைடர்ஸ் அணி இலகுவான வெற்றியினை பெற்றுக் கொண்டது.

நாணய சுழற்சியில் வெற்றி பெற்ற கொல்கொத்தா நைட் ரைடர்ஸ் அணி களத்தடுப்பை தெரிவு செய்தது. முதலில் துடுப்பாடிய சென்னை சுப்பர் கிங்ஸ் அணி ஆரம்பத்தில் விக்கெட்களை இழந்து தடுமாறி 131 ஓட்டங்களை பெற்றது. சென்னை சுப்பர் கிங்ஸ் அணியின் துடுப்பாட்டத்தில் முன்னாள் தலைவர் டோனியும், இன்னாள் தலைவர் ஜடேஜாவும் இணைந்து சிறப்பாக துடுப்பாடி ஓரளவு பலமான நிலைக்கு அணியினை எடுத்து சென்றனர்.

கொல்கொத்தா அணியின் பந்துவீச்சில் அனைவரும் சிறப்பாக செயற்பட்டனர். துடுப்பாட்டத்தில் வெங்கடேஷ் ஐயர், அஜிங்கையா ரெஹானே ஆகியோரின் ஆரம்பம் சிறப்பாக அமைய கொல்கொத்தா அணி வெற்றியினை இலகுவாக பெற்றுக் கொண்டது. கொல்கொத்தா அணியின் துடுப்பாட்ட வீரர்கள் அனைவருமே சராசரியாக துடுப்பாடி அணிக்கு வெற்றியினை பெற்றுக் கொடுத்துள்ளனர்.

முழுமையான ஸ்கோர் விபரம்