பிரபாத் சாதனை. இலங்கை ஆதிக்கம்.

(ச.விமல் – காலி சர்வதேச மைதானத்திலிருத்து)

இலங்கை, பாகிஸ்தான் அணிகளுக்கிடையிலான முதலாவது டெஸ்ட் போட்டியின் இரண்டாம் நாள் ஆட்டம் இன்று காலை 10.30 இற்கு ஆரம்பமாகியது. மழை காரணமாக 30 நிமிடங்கள் தாமதமாகவே போட்டி ஆரம்பித்தது.

கடும் வெயில் ஏற்பட்டுள்ள நிலையில், மீண்டும் மழை குறுக்கிடுவதற்க்கான வாய்ப்புகள் குறைவாகவே காணப்படுகின்றன.

நேற்று பாகிஸ்தானின் இரண்டு விக்கெட்களை வேகமாக கைப்பற்றிய இலங்கை அணி இன்றும் மேலும் 05 விக்கெட்களை கைப்பற்றி ஆதிக்கம் செலுத்தி வருகிறது. இரண்டாம் நாள் மதியபோசன வேளையில் பாகிஸ்தான் 46 ஓவர்களில் 07 விக்கெட்களை இழந்து 104 ஓட்டங்களை பெற்றுள்ளது.

பிரபாத் ஜெயசூரியா மிக அபாரமாக பந்துவீசி வருகிறார். இந்தப் போட்டியிலும் ஐந்து விக்கெட்களை கைப்பற்றியுள்ளார். தொடர்ச்சியான மூன்றாவது 5 விக்கெட் பெறுதியாக அவருக்கு இது அமைந்துள்ளது.

இலங்கை அணி சார்பாக அறிமுக வீரர் ஒருவர் மூன்று இன்னிங்சிலும் 5 விக்க்கெட்களை கைப்பற்றியது இதுவே முதற் தடவையாகும். இலங்கை அணி சார்பாக முரளிதரன், ரங்கன ஹேரத் ஆகியோர் மட்டுமே மூன்று இன்னிங்சில் ஐந்து விக்கெட்களை கைப்பற்றிய பந்துவீச்சாளர்கள்.

பாகிஸ்தான் அணியின் துடுப்பாட்ட வீரர்கள், பிரபாத் ஜயசூரியாவின் பந்துவீச்சுக்கு தடுமாறியுள்ள நிலையில் பாகிஸ்தான் அணியின் தலைவர் பாபர் அசாம் நிதானமாக தொடர்ந்தும் துடுப்பாடி வருகிறார்.

மதியபோசனம் 12.30 இற்கு விடப்பட்டுள்ளது. தேனீர் இடைவேளை 3.30 இற்கும் எடுக்கப்படவுள்ளது. போட்டி நிறைவடையும் நேரம் மாலை 5.30. இன்றைய 90 ஓவர்கள் கணக்கின் படி போட்டி தாமதம் ஆகலாம்.

ஸ்கோர் விபரம்