இலங்கை கிரிக்கெட் இன்று இலங்கையிலுள்ள 19 வயதுக்கு உட்பட்ட போட்டிகளில் விளையாடும் 325 பாடசாலைகளுக்கு கிரிக்கெட் கடின பந்துகளை கையளித்தது. தற்போது நடைபெற்று வரும் 19 வயதுக்கு உட்பட்ட போட்டிகளுக்காக பதிவு செய்து விளையாடும் பாடசாலைகளுக்கு, இலங்கை பாடசாலை கிரிக்கெட் சம்மேளனத்துடன் இணைந்து இந்த பந்துகளை விநியோகம் செய்யும் நிகழ்வினை நடத்தியுள்ளன.
19 வயதுக்கு உட்பட்ட முதலாம், இரண்டாம், மூன்றாம் பிரிவுகளில் விளையாடும் அணிகளுக்காக 7680 பந்துகள் வழங்கி வைக்கப்பட்டுள்ளன. இம்மாதம் 05 ஆம் திகதி ஆரம்பித்த 50 ஓவர்கள் தொடர் 5 ஆம் திகதி நவம்பர் மாதம் வரை நடைபெறவுள்ளன. சாதரண தர பரீட்சசைகள் நிறைவடைந்த பின்னர் 20 ஆம் திகதி இரண்டு நாட்கள் போட்டி தொடர் ஆரம்பிக்கவுள்ளது.
முதற் கட்டமாக பந்துகள் வழங்கும் நிகழ்வு இலங்கை கிரிக்கெட், இலங்கை பாடசாலை கிரிக்கெட் சம்மேளனம், விளையாட்டு துறை அமைச்சு ஆகியவற்றின் அதிகாரிகள் லும்பினி கல்லூரியில் நடைபெற்ற இந்த நிகழ்வில் கலந்து கொண்டு பாடசாலைகளுக்கான பந்துகளை வழங்கி வைத்தனர்.