காலி அணிக்கு முதல் வெற்றி

காலி க்ளாடியேற்றஸ் மற்றும் கொழும்பு கிங்ஸ் அணிகளுக்கிடையில் கண்டி பல்லேகல சர்வதேச கிரிக்கெட் மைதானத்தில் நடைபெற்ற லங்கா பிரீமியர் லீக் கிரிக்கெட் தொடரின் இன்றைய முதற் போட்டியில் காலி அணி இலகுவாக 25 ஓட்டங்களினால் வெற்றியினை பெற்றுக்கொண்டது.

பெறுவதற்கு கடினமான ஓட்ட இலக்கான 175 ஓட்டங்களை நோக்கி துடுப்பாடிய கொழும்பு ஸ்டார்ஸ் அணி ஆரம்பம் முதலே விக்கெட்களை வேகமாக இழந்தமையினால் அதிகளவில் ஓட்டங்கள பெற முடியவில்லை.

20 ஓவர்களில் 07 விக்கெட்களை இழந்து 149 ஓட்டங்களை பெற்றது.

ஆரம்ப துடுப்பாட்ட வீரர் நிரோஷன் டிக்வெல்ல நிலைத்து நின்று துடுப்பாடினார். ஆரம்பத்தில் வேகமாகவும் அடித்தாடினர். விக்கெட்கள் வீழத்தப்பட்டமையினால் அவரின் துடுப்பாட்டமும் மெதுவானது. அரைச் சதத்தை பூர்த்தி செய்து வேகமாக அடித்தாட முயற்சித்த போதும் அணியை வெற்றிக்கு அழைத்து செல்ல முடியவில்லை. ரவி போபரா, டிக்வெல்ல ஆகியோர் மத்திய வரிசையில் நல்ல இணைப்பாட்டம் ஒன்றை மேற்கொண்டனர். ஆனலும் நிரோஷன் டிக்வெல்ல உபாதையடைந்து மைதானத்தை விட்டு வெளியேறினார். அது கொழும்பு அணிக்கு மேலும் பின்னடைவை வழங்கியது. இறுதி ஓவரில் மீண்டும் துடுப்பாட வந்த போதும் வெற்றியினை பெற முடியவில்லை. ரவி போபரா இறுதி நேரத்தில் அதிரடி துடுப்பாட்டம் நிகழ்த்தி போராடினர்.

காலி அணியின் பந்துவீச்சில் நுவான் துஷார மிகவும் அபாரமாக ஆரம்பத்தில் பந்து வீசினார். அதன் பின்னர் இப்திகார் அஹமட் விக்கெட்களை தகர்த்து கொடுத்தார்.

ஆரம்பத்தில் விக்கெட்டுகளை தகர்த்தமையினால் கொழும்பு அணிக்கு அழுத்தம் வழங்கி அவர்களது ஓட்ட எண்ணிக்கையினை கட்டுப்படுத்துவது காலி அணிக்கு இலகுவாக அமைந்தது.

நாணய சுழற்சியில் வெற்றி பெற்று முதலில் துடிப்பாடிய கோல் க்ளாடியேற்றஸ் அணி சிறப்பான ஆரம்ப துடுப்பாட்டம் மூலம் பலமான ஓட்ட எண்ணிக்கையினை பெற்றுக் கொண்டது. 20 ஓவர்களில் 06 விக்கெட்களை இழந்து 174 ஓட்டங்களை பெற்றுக்கொண்டது.

குஷல் மென்டிஸ், தனுக்க டபாரே ஆகியோர் 75 ஓட்டங்களை ஆரம்ப இணைப்பாட்டமாக பகிர்ந்து கொண்டனர். ஆரம்ப விக்கெட்கள் வீழ்த்தப்பட்டதும் காலி அணியின் ஓட்ட வேகம் குறைவடைந்தது. நவோட் பரனவித்தாரன, ஜெப்ரி வண்டர்சை ஆகியோர் விக்கெட்களை தகர்த்து ஓட்டங்களை கட்டுப்படுத்தினர்.
மத்திய வரிசையில் லஹிரு உதான, நுவனிது பெர்னாண்டோ ஆகியோரது இணைப்பாட்டம் வீழ்ந்த ஓட்ட வேகத்தை உயர்த்த உதவியது.

கோல் கிளாடியேட்டர்ஸ்

குஷல் மென்டிஸ், நுவனிது பெர்னாண்டோ, அஸாம் கான் , இப்திகார் அஹமட், இமாட் வசீம், நுவான் துஷார, நுவான் பிரதீப், வஹாப் ரியாஸ், தனுக்க டாபரே, லஹிரு உதான, லக்ஷன் சன்டகன்

கொழும்பு ஸ்டார்ஸ்

அஞ்சலோ மத்தியூஸ், நிரோஷன் டிக்வெல்ல, நவோட் பரணவித்தாரன, சரித் அசலங்க, ரவி போபரா, டினேஷ் சந்திமால், கரீம் ஜனட், டொமினிக் ட்ரேக்ஸ், சுரங்க லக்மால், ஜெப்ரி வண்டர்சை, நவீன் உல் ஹக்