உலக கிண்ண 20-20தொடரில் பங்குபற்றுவதற்காக இலங்கை கிரிக்கெட் அணி ஓமானுக்கு புறப்பட்டு சென்றுள்ளது. உலககிண்ண தொடரில் நான்கு தெரிவுகாண் போட்டிகளில் விளையாடி தகுதி பெற்றாலே இறுதி தொடரில் விளையாட முடியும் என்ற நிலையில் இலங்கை அணியின் உலககிண்ண பயணம் ஆரம்பமாகியுள்ளது.
ஓமான் அணியுடன் 07ம் திகதி மற்றும் 09 ஆம் திகதிகளில் பயிற்சி போட்டிகளில் விளையாடவுள்ளது அதன் பின்னர், 12 ஆம் திகதி பங்களாதேஷ் அணியுடனும், 14 ஆம் திகதி பப்புவா நியூகினியா ஆகிய அணிகளுடன், சர்வதேச கிரிக்கெட் பேரவையினால் ஒழுங்கு செய்யப்பட்ட இரண்டு பயிற்சிப் போட்டிகளில் ஐக்கிய அரபு இராட்ச்சியத்தில் இலங்கை அணி விளையாடவுள்ளது.
உலக கிண்ண தெரிவுகாண் போட்டி தொடரின் முதற் போட்டியில் 18 ஆம் திகதி நமீபியா அணியுடன் விளையாடவுள்ளது. 20 ஆம் அயர்லாந்து திகதி அணியுடனும், 22ஆம் திகதி நெதர்லாந்து அணியுடனும், இலங்கை அணி விளையாடவுள்ளது.
இன்று புறப்பட்ட இந்த அணியில் சில மாற்றங்கள் செய்யப்பட்டுள்ளன. ஆரம்பத்தில் அறிவிக்கப்பட்ட அணியில் சேர்க்கப்படாத மினூட் பானுக, லக்ஷான் சன்டக்கென், அஷென் பண்டார, பத்தும் நிசங்க, ரமேஷ் மென்டிஸ் ஆகியோர் அணியில் இணைக்கப்பட்டுள்ளனர். ஆனால் இவர்கள் உலககிண்ண அணிக்குள் சேர்க்கப்படவில்லை. உபாதை காரணமாக உலக கிண்ண அணியில் சேர்க்கப்பட்டிருந்த லஹிரு மதுசங்க அணியோடு செல்லவில்லை. அவரின் இடத்துக்கு இந்த ஐந்து வீரர்களில் ஒருவர் மீள் நிரப்புகை செய்யப்படுவார்.
இலங்கை அணி விபரம்
உலக கிண்ண அணியில் உள்ள வீரர்கள்
தஸூன் சாணாக்க(தலைவர்) , தனஞ்செய டி சில்வா, குசல் ஜெனித் பெரேரா, டினேஷ் சந்திமால், அவிஷ்க பெர்னாண்டோ, பானுக்க ராஜபக்ஷ, சரித் அசலங்க, வனிது ஹசரங்க, கமிந்து மென்டிஸ், சமிக்க கருணாரட்ன, நுவான் பிரதீப், டுஸ்மாந்த சமீர, பிரவீன் ஜெயவிக்ரம
அணியோடு பயணிக்கும் மற்றைய வீரர்கள்
மினூட் பானுக, லக்ஷான் சன்டக்கென், அஷென் பண்டார, பத்தும் நிசங்க, ரமேஷ் மென்டிஸ்
உலககிண்ண தொடருக்காக அணியில் உள்ள மேலதிக வீரர்கள்
லஹிரு குமார, பினூர பெர்னாண்டோ, அகில தனஞ்செய, புளின தரங்க
