தமிழில் பொழுதுபோக்கு திரைப்படமான இயக்குநர் பொன்ராம் இயக்கத்தில் சிவகார்த்திகேயன், ஸ்ரீதிவ்யா, சத்தியராஜ் மற்றும் சூரி நடிப்பில் 2013ம் ஆண்டு வெளிவந்த வருத்தப்படாத வாலிபர் சங்கம் திரைப்படம் வயது வேறுபாடின்றி பலரது வரவேற்பையும் பெற்றிருந்தது.
இது தொடர்பில் தற்போது டாக்டர் திரைப்படத்தை நடித்துள்ள சிவகார்த்திகேயனிடம், வருத்தப்படாத வாலிபர்சங்கம் பாகம் -2 தொடர்பில் கேட்டிருந்த வேளை அது ஒரு பொழுதுபோக்கு திரைப்படம் அதன் இரண்டாம் பாகம் வெளிவராது எனக் குறிப்பிட்டிருந்தார்.
இந்நிலையில் இயக்குநர் பொன்ராம் தனது டுவிட்டர் பக்கத்தில் வருத்தப்படாத வாலிபர் சங்கம்-2 வெளிவருவது உறுதியெனவும் சிவகார்த்திகேயன் தற்போது முதிர்ச்சியடைந்த நடிகராக மாறிவிட்டதனால் வளர்ந்து வரும் இளம் கதாநாயகரை வைத்து இரண்டாம் பாகத்தினை எடுக்கவுள்ளதாக தெரிவித்துள்ளார்.