ஹப்புத்தளையில் எரிபொருள் பவுசர் கவிழ்ந்து விபத்து!

ஹப்புத்தளை – பத்கொட பிரதேசத்தில் எரிபொருள் பவுசர் ஒன்று குன்றின் மீது கவிழ்ந்து விபத்துக்குள்ளாகியுள்ளது.

சம்பவத்தில் காயமடைந்த சாரதி மற்றும் உதவியாளர் ஹப்புத்தளை வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது.

இன்று (06.05) அதிகாலை 33,000 லீற்றர் எரிபொருளை ஏற்றிச் சென்ற இந்த பவுசர் வீதியை விட்டு விலகி பாறையில் மோதி பள்ளத்தில் விழுந்துள்ளது.

இந்த விபத்தில் வீடொன்றின் மீது கவிழ்ந்து விபத்துக்குள்ளானதில் அந்த வீடும் பலத்த சேதமடைந்துள்ளதாகவும் தெரிவிக்கப்பட்டுள்ளது.

விபத்தில் சிக்கிய பவுசரில் இருந்து கசியும் எரிபொருளை சேமிக்க
பிரதேசவாசிகள் அந்த இடத்திற்கு வந்துள்ளதாகவும் தெரிவிக்கப்பட்டுள்ளது.