கொடிகாமம் நோக்கி பயணித்த பேருந்து விபத்து!

யாழ்ப்பாணம் – கண்டி நெடுஞ்சாலையில் தனியார் பேருந்து ஒன்றுடன், ஹயஸ் ரக வாகனம் ஒன்று இன்று (06.25) மோதி விபத்துக்குள்ளாகியதில் பலர் காயமடைந்துள்ளனர்.

இந்த விபத்தில் காயமடைந்த பலர் சாவகச்சேரி ஆதார வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளார்.

யாழ்ப்பாணத்தில் இருந்து கொடிகாமம் நோக்கி பயணித்த தனியார் பேருந்தும் கிளிநொச்சியில் இருந்து யாழ்ப்பாணம் நோக்கி பயணித்த ஹயஸ் வாகனமும் மோதியே இந்த அனர்த்தம் நேர்ந்துள்ளது.

விபத்து குறித்து மேலதிக விசாரணைகளை பொலிஸார் மேற்கொண்டு வருகின்றனர்.