கொழும்பு ஸ்ட்ரைக்கர்ஸ் மற்றும் தம்புள்ள ஓரா அணிகளுக்கு இடையிலான லங்கா பிரீமியர் லீக் கிரிக்கெட் போட்டி தொடரின் ஐந்தாம் நாளின் முதற் போட்டியில் தம்புள்ள அணி 10 ஓட்டங்களினால் வெற்றி பெற்றுள்ளது. விறு விறுப்பான போட்டியில் 193 ஓட்டங்களுடன் என்ற வெற்றியிலக்குடன் துடுப்பாடிய கொழும்பு அணி 20 ஓவர்களில் 04 விக்கெட்களை இழந்து 182 ஓட்டங்களை பெற்றது.
பெறுவதற்கு கடினமான வெற்றி இலக்குடன் துடுப்பாட்டத்தை ஆரம்பித்த கொழும்பு அணியின் முதல் விக்கெட் வேகமாக வீழ்த்தப்பட பாபர் அஸாம், பத்தும் நிஸ்ஸங்க ஆகியோர் 62 ஓட்டங்களை இணைப்பாட்டமாக பகிர்ந்து வெற்றி வாய்ப்பே உருவாக்கிய வேளையில் பாபர் அஸாம் ஆட்டமிழந்தார். கமிந்து மென்டிஸ் வெற்றிக்கு போராடிய போதும் வெற்றி பெறும் வாய்ப்பு கிடைக்கவில்லை.
துடுப்பாட்டத்தில் பாபர் அஸாம் 41 ஓட்டங்களையும், கமிந்து மென்டிஸ் 56 ஓட்டங்களையும், பத்தும் நிஸ்ஸங்க 22 ஓட்டங்களையும் பெற்றனர்.
பந்துவீச்சில் நூர் அஹமட் 2 விக்கெட்களை கைப்பற்றினார்.
கண்டி பல்லேகல கிரிக்கெட் மைதானத்தில் நடைபெற்ற இந்தப் போட்டியில் நாணய சுழற்சியில் வெற்றி பெற்ற கொழும்பு அணி களத்தடுப்பை தெரிவு செய்தது.
முதலில் துடுப்பெடுத்தாடிய தம்புள்ளை அணி, குஷல் மென்டிஸ், சதீர சமரவிக்ரம ஆகியோரது 120 ஓட்ட சத இணைப்பட்டதோடு, வெற்றிபெற கூடிய ஓட்ட எண்ணிக்கையாக 20 ஓவர்களில் 6 விக்கட்டுகளை இழந்து, 192 ஓட்டங்களை பெற்றது. இதில் குஷல் மென்டிஸ் 87 ஓட்டங்களையும், சதீர சமரவிக்ரம 59 ஓட்டங்களையும் பெற்றுக்கொண்டனர்.
பந்து வீச்சில் கொழும்பு அணி சார்பாக, மதீஷ பத்திரன சிறப்பாக பந்து வீசி 3 விக்கட்டுகளை கைப்பற்றினார். நஸீம் ஷா 2 விக்கட்டுகளை கைப்பற்றினார்.
இந்த வெற்றியின் மூலமா தம்புள்ள அணி தமது இரண்டாவது வெற்றியினை பதிவு செய்துள்ளனர். இரண்டு போட்டிகளில் தோல்வியினை சந்தித்துள்ளனர்.