கொழும்புக்கு எதிராக காலி அபார துடுப்பாட்டம்.

லங்கா பிரீமியர் லீக் கிரிக்கெட் தொடரின் கோல் டைட்டன்ஸ் மற்றும் கொழும்பு ஸ்ட்ரைக்கேர்ஸ் அணிகளுக்கிடையிலான போட்டி கண்டி, பல்லேகல சர்வதேசக் கிரிக்கெட் மைதானத்தில் நடைபெற்று வருகிறது. நாணய சுழற்சியில் வெற்றி பெற்ற கொழும்பு அணி களத்தடுப்பை தெரிவு செய்தது.

முதலில் துடுப்பாடிய காலி அணியின் துடுப்பாட்டம் மிக அபாரமாக அமைந்தது. குறிப்பாக ஆரம்ப துடுப்பாட்ட வீரர் ஷெவோன் டானியல் மிக அபாரமாக துடுப்பாடினார். அவரோடு ஆரம்ப துடுப்பாட்ட வீரராக களமிறங்கிய லசித் க்ரூஸ்புல்லே சிறந்த ஆரம்பம் ஒன்றை வழங்கினார். இருவரும் 87 ஓட்டங்களை இணைப்பாட்டமாக பகிர்ந்துகொண்டனர். இணைப்பாட்டம் முறியடிக்கப்பட்டதனை தொடர்ந்து காலி அணிக்கு இறுக்கமான நிலை ஏற்பட்டது.

பானுக்க ராஜபக்ஷ, ரிம் ஷெபேர்ட் ஆகியோர் இணைந்து நிதானமான துடுப்பாட்டத்தை மேற்கொண்டு பின்னர் வேகத்தை அதிகரித்தனர். இருவரும் 87 ஓட்டங்களை இணைப்பாட்டமாக பகிர்ந்தனர். இதன் காரணமாக வெற்றி பெறக்கூடிய இலக்கொன்றை காலி அணி பெற்றுக் கொண்டது. 20 ஓவர்களில் 02 விக்கெட்களை இழந்து 188 ஓட்டங்களை காலி அணி பெற்றுள்ளது.

கொழும்பு அணி இன்று வெற்றி பெறும் பட்சத்தில் சகல அணிகளும் 4 போட்டிகளில் விளையாடி தலா 4 புள்ளிகளை பெற்றுள்ள நிலை ஏற்படும். காலி அணி வெற்றி பெறும் பட்சத்தில் 6 புள்ளிகளுடன் முதலிடத்தை பெறும்.

அணி விபரம்

கோல் டைட்டன்ஸ்: ஷெவோன் டானியல், லசித் குரூஸ்புல்லே, பானுக ராஜபக்ச, டிம் செய்பேர்ட்(wk), ஷகிப் அல் ஹசன், தசுன் ஷானக (c), தப்ரைஸ் ஷம்சி, கசுன் ராஜித, அகில தனஞ்சய, மினோட் பானுக்க

கொழும்பு ஸ்ட்ரைக்கேர்ஸ் : நிரோஷன் டிக்வெல்ல (c), பாபர் அசாம், பத்தும் நிஸ்ஸங்க, நுவனிது பெர்னாண்டோ, சாமிக்க கருணாரட்ன, ரமேஷ் மென்டிஸ், மொஹமட் நவாஸ், நசீம் ஷா, மதீஷ பத்திரன, இசுரு உதான, லக்ஷன் சன்டக்கான்