முதலிடத்தை தனதாக்கிய தம்புள்ளை

தம்புள்ளை மற்றும் காலி அணிகளுக்கிடையில் கொழும்பு ஆர்.பிரேமதாச மைதானத்தில் நடைபெற்ற லங்கா பிரீமியர் லீக் கிரிக்கெட் தொடரின் இன்றைய போட்டியில் தம்புள்ளை அணி சிறப்பான பந்துவீச்சு மற்றும் துடுப்பாட்டம் மூலம் காலி அணியை வெற்றி பெற்றுள்ளது. ஆரம்பத்தில் பந்துவீச்சில் காலி அணியை கட்டுப்படுத்திய தம்புள்ளை அணி துடுப்பாட்டத்தில் நிதானமான ஆரம்பத்தை எடுத்து பின்னர் சராசரியான வேகத்துடன் சென்று போட்டியை வெற்றி பெற்றார்கள். அவிஷ்க பெர்னாண்டோவின் சிறந்த ஆரம்பம் மற்றும் துடுப்பாட்டம் தம்புள்ளை அணியின் வெற்றிக்கு கைகொடுத்தது.

134 ஓட்டங்கள் என்ற வெற்றியிலக்குடன் துடுப்பாடிய தம்புள்ளை அணி ஓவர்களில் விக்கெட்களை இழந்து ஓட்டங்களை பெற்றது. துடுப்பாட்டத்தில் அவிஷ்க பெர்னாண்டோ, குஷல் மென்டிஸ் ஜோடி நல்ல ஆரம்பத்தை நிதானமாக பெற்றுக் கொடுத்தது. இருப்பினும் உபாதையிலிருந்து மீண்டு வந்து விளையாடிய லஹிரு குமார இணைப்பாட்டத்தை முறியடித்தார். லஹிரு குமாராவின் மீள் வருகை சிறப்பாக அமைந்தது.

நாணய சுழற்சியில் வெற்றி பெற்ற தம்புள்ளை ஓரா அணி களத்தடுப்பை தெரிவு செய்தது. முதலில் துடுப்பாடிய காலி அணி 20 ஓவர்களில் 09 விக்கெட்களை இழந்து 133 ஓட்டங்களை பெற்றுள்ளது. ஆரம்ப விக்கெட்கள் வேகமாக வீழ்த்தப்பட்ட தடுமாறிப்போனது காலி அணி. மத்திய வரிசையில் தஸூன் சானக பெற்றுக் கொடுத்த ஓட்டங்கள் இந்த சராசரி ஓட்ட எண்ணிக்கையை பெற முடிந்தது.

தம்புள்ளை அணி சார்பாக பந்துவீசிய சகலரும் விக்கெட்களை கைப்பற்றினார்கள். பினுர பெர்னாண்டோ மிகவும் சிறப்பாக அதிக ஓட்டங்களை வழங்காமல் இறுக்கமாக பந்துவீசினார்.

கோல் டைட்டன்ஸ் அணி இறுதி இடத்தில காணப்படுகின்றது. இவ்வாறான நிலையில் இன்றைய போட்டி காலி அணிக்கு முக்கியத்துவம் வாய்ந்ததாக அமையவுள்ளது. தம்புள்ளை அணி இரண்டாமிடத்தில் காணப்படுகிறது.

அணி விபரம்

தம்புள்ளை ஓரா : குசல் மென்டிஸ் (wk & c), அவிஷ்க பெர்னாண்டோ, குசல் பெரேரா, சதீர சமரவிக்ரம, பென் மக்டெமோட், தனஞ்சய டி சில்வா, ஹெய்டன் கெர், பினுர பெர்னாண்டோ, நூர் அஹமட் , ஹசன் அலி, துஷான் ஹேமந்த

கோல் டைட்டன்ஸ்: ஷெவோன் டானியல், சாட் பௌஸ், டிம் செய்பேர்ட்(wk), ஷகிப் அல் ஹசன், சொஹான் டி லிவேரா, தசுன் ஷானக (c), லஹிரு சமரகோன், ரிச்சட் ங்கவரா, கசுன் ராஜித, லஹிரு குமார,

அஷான் பிரியரஞ்சன்