கண்டி அணி போராடக்கூடிய இலக்கை அடைந்தது.

லங்கா பிரீமியர் லீக் கிரிக்கெட் போட்டி தொடரின் இறுதிப்போட்டிக்கு இரண்டாவது அணியை தெரிவு செய்யும் போட்டி கொழும்பு ஆர்.பிரேமதாச மைதானத்தில் பி-லவ் கண்டி, கோல் டைட்டன்ஸ் அணிகளுக்கிடையில் நடைபெற்று வருகிறது.

இந்தப் போட்டியில் நாணய சுழற்சியில் வெற்றி பெற்று துடுப்பாடிய கண்டி அணி 20 ஓவர்களில் 07 விக்கெட்களை இழந்து 157 ஓட்டங்களை பெற்றுள்ளது.

கண்டி அணியின் ஆரம்ப விக்கட்கள் வேகமாக தளர்க்கப்பட அதிரடி நிகழ்த்தும் கண்டி சோர்ந்து போனது. மூன்று விக்கெட் இணைப்பாட்டமாக வனிந்து ஹஸரங்க, டினேஷ் சந்திமால் இணைந்து அணியின் துடுப்பாட்டத்தை ஸ்திர நிலைக்கு எடுத்து சென்றனர். ஒன்பதாவது ஓவரில் வனிந்துவுக்கு ஏற்பட்ட தசை பிடிப்பும் சிறிதளவு பின்னடைவை ஏற்படடுத்தியது. இருப்பினும் உபாதையோடு அதிரடி நிகழ்த்தி அணியின் ஓட்ட எண்ணிக்கையினை உயர்த்தினார். இருவரும் இணைந்து 72 ஓட்டங்களை இணைப்பாட்டமாக பெற்ற வேளையில் வனிந்து ஆட்டமிழந்தார். தொடர்ந்து அஞ்சலோ மத்தியூசும் சிறப்பாக துடுப்பாட கண்டி அணி போராடக் கூடிய இலக்கை தொட்டுள்ளது. இருப்பினும் இதனை வெற்றி பெறக்கூடிய இலக்காக எடுத்துக்கொள்ள முடியாது.

பந்துவீச்சில் லஹிரு குமார சிறந்த ஆரம்பம் ஒன்றை வழங்கினார். சொனால் டினுஷ இணைப்பாட்டங்களை முறியடித்துக் கொடுத்தார்.

இன்று வெற்றி பெறுமணி நாளைய தினம் நடைபெறவுள்ள தம்புள்ளை ஓரா அணியுடனான இறுதிப் போட்டியில் மோதவுள்ளது.