LPL இறுதிப் போட்டி. தம்புள்ளை துடுப்பாட்ட நிறைவில் இரு அணிகளுக்கும் வாய்ப்பு.

லங்கா பிரீமியர் லீக் கிரிக்கட் தொடரின் இறுதிப் போட்டி கொழும்பு ஆர்.பிரேமதாச மைதானத்தில் பி-லவ் கண்டி மற்றும் தம்புள்ளை ஓரா ஆகிய அணிகளுக்கிடையில் நடைபெற்று வருகிறது. அரங்கு நிறைந்த பார்வையளர்களுக்கு மத்தியில் நடைபெற்று வரும் போட்டியில் நாணய சுழற்சியில் வெற்றி பெற்ற துடுப்பாடிய தம்புள்ளை அணி 20 ஓவர்களில் 147 ஓட்டங்களை பெற்றுள்ளது.

ஆரம்பத்திலேயே அவிஷ்க பெர்னாண்டோவின் விக்கெட்டினை இழந்த தம்புள்ளை அணி தடுமாறியது. குஷல் மென்டிஸ், சதீர சமரவிக்ரம ஆகியோர் இணைந்து நிதானமான இணைப்பாடம் ஒன்றை ஏற்படுத்தி ஓட்ட எண்ணிக்கையினை உயர்த்தினர். இருவரும் 57 ஓட்டங்களை பகிர்ந்த நிலையில் சத்துரங்க டி சில்வா இணைப்பாட்டத்தை முறியடித்து இருவரையும் ஆட்டமிழக்க செய்தார். அதன் பின்னர் குஷல் பெரேரா, தனஞ்சய டி சில்வா இருவரும் மீண்டும் நிதானமான இணைப்பாட்டம் ஒன்றை உருவாக்கி பின்னர் அதிரடியாக ஓட்ட எண்ணிக்கையினை உயர்த்தினர். 63 ஓட்டங்களை நான்காவது விக்கெட் இணைப்பாட்டமாக இருவரும் பகிர்ந்தனர்.

பெறப்பட்டுள்ள இந்த இலக்கு தம்புள்ளை அணி வெற்றி பெறுவதற்கு போதுமானதல்ல. ஆனாலும் போராடாலாம்.

இன்றைய போட்டியை பார்வையிட ஜனாதிபதி ரணில் விசக்ரமசிங்க மைதானத்துக்கு வருகை தந்துள்ளார்.

இந்த இரு அணிகளும் முதற் தடவையாக இறுதிப் போட்டிக்கு தெரிவான நிலையில் புதிய LPL சம்பியன் இன்று தெரிவு செய்யப்படவுள்ளது.
தொடரில் மிகவும் சிறப்பாக விளையாடிய வனிந்து ஹசரங்க உபாதை காரணமாக இன்றைய போட்டியில் விளையாடவிலை. அஞ்சலோ மத்தியூஸ் கண்டி அணிக்கு தலைமை தாங்குகிறார்.

அணி விபரம்

பி-லவ் கண்டி
மொஹமட் ஹரிஸ், தினேஷ் சந்திமால், அஞ்சலோ மத்யூஸ், ஆஷிப் அலி, சத்துரங்க டி சில்வா, லஹிரு மதுசங்க, முஜீப் உர் ரஹ்மான், மொஹமட் ஹஸ்னைன், கமிந்து மென்டிஸ், அஷேன் பண்டார, நுவான் பிரதீப்

தம்புள்ளை ஓரா

அவிஷ்க பெர்னாண்டோ, குசல் மென்டிஸ், சதீர சமரவிக்ரம, குசல் பெரேரா, தனஞ்சய டி சில்வா, பினுர பெர்னாண்டோ, ஹெய்டன் கெர், நூர் அஹமட், துஷான் ஹேமந்த, அலெக்ஸ் ரோஸ், ப்ரமோட் மதுஷான்