இலங்கை மகளிர் கிரிக்கெட் அணி ஆசிய விளையாட்டுப் போட்டிகளுக்கான கிரிக்கெட் போட்டி தொடரில் பங்குபற்ற இன்று(19.09) மாலை சீனா நோக்கி பயணமாகியுள்ளது.
இலங்கை கிரிக்கெட் தலைமையகத்தில் நடைபெற்ற மும்மத வழிபாடுகளின் பின்னர் இலங்கை அணி கிளம்பி சென்றது. இலங்கை மகளிர் அணி தங்கப்பதக்கம் வெல்லும் வாய்ப்புகளை கொண்ட அணியாக இந்த தொடருக்கு சென்றுள்ளது. இந்தியா மகளிர் அணியே பலமான மற்றுமொரு அணியாக இந்த தொடரில் களமிறங்குகிறது.
20-20 போட்டிகளில் இலங்கை மகளிர் அணி இங்கிலாந்து மகளிர் அணியினை அவர்கள் நாட்டில் வெற்றி பெற்று பலமாக நாடு திரும்பியிருந்தனர். இதன் காரணமாக இந்தியா அணியை வெற்றி பெறும் வாய்ப்புகள் காணப்படுகின்றன.
அணி விபரம்
1.) சாமரி அத்தப்பத்து – தலைவி
2.) ஹர்ஷிதா சமரவிக்ரம
3.) விஷ்மி குணரத்ன
4.) நிலக்ஷி டி சில்வா
5.) கவீஷா தில்ஹாரி
6.) இமேஷா டுலானி
7.) அனுஷ்கா சஞ்சீவனி
8.) ஓஷதி ரணசிங்க
9.) சுகந்திகா குமாரி
10.)இனோகா ரணவீர
11.)உதேசிகா பிரபோதனி
12.)ஹாசினி பெரேரா
13.)கௌசினி நுதயங்கன
14.)அச்சினி குலசூரிய
15.)இனோஷி பெர்னாண்டோ