கேன் வில்லியம்சனின் வருகையும் நியூசிலாந்து அணியின் தொடரும் வெற்றிகளும்

நியூசிலாந்து மற்றும் பங்களாதேஷ் அணிகளுக்கிடையிலான உலகக்கிண்ண தொடரின் பதினோராவது போட்டியில் நியூசிலாந்து அணி 08 விக்கெட்களினால் வெற்றி பெற்றது. முதல் சுற்றின் மூன்றாம் கட்டப் போட்டியின் முதற் போட்டியாக இந்தப் போட்டி நடைபெற்றது. இந்த வெற்றியின் மூலம் மூன்று தொடர்ச்சியான வெற்றிகளை நியூசிலாந்து பெற்று முதலிடத்தை பெற்றுள்ளது.

சென்னை சேப்பாக்கம் மைதானத்தில் நடைபெற்ற இந்தப் போட்டியில் நாணய சுழற்சியில் வெற்றி பெற்ற நியூசிலாந்து அணி களத்தடுப்பை தெரிவு செய்தது.

பங்களாதேஷ் அணியின் துடுப்பாட்ட வேளையில் ஆரம்பம் முதல் அபாரமாக பந்துவீசிய நியூசிலாந்து அணியின் பந்துவீச்சாளர்கள் பங்களாதேஷ் அணியின் விக்கெட்களை கைப்பற்றினார்கள். நான்கு விக்கெட்களை இழந்து தடுமாறிய பங்களாதேஷ் அணிக்கு முஸ்பிகீர் ரஹீம், ஷகிப் அல் ஹசன் ஆகியோர் 96 ஓட்ட இணைப்பாட்டத்தை பெற்று அணியை ஓரளவு தூக்கி நிறுத்தினார்கள். அவர்களது இணைப்பாட்டம் முறியடிக்கப்பட மீண்டும் விக்கெட்கள் வீழந்தன.

ரஹீம் அரைச்சதத்தை பூர்த்தி செய்தார். ஷகிப் அல் ஹசன் அரைச்சதத்தை பூர்த்தி செய்யாமல் ஆட்டமிழந்தார். பின் வரிசை துடுப்பாட்ட வீரர்கள் பெற்றுக் கொடுத்த ஓட்டங்கள் மூலம் பங்களாதேஷ் அணி ஓரளவு சிறந்த ஓட்ட எண்ணிக்கையை பெற்றது. மஹமதுல்லா இறுதி வரை தனித்து நின்று போராடி ஓட்ட எண்ணிக்கையினை உயர்திக் கொடுத்தார். லொக்கி பெர்குசன், ரென்ட் பௌல்ட் ஆகியோர் விக்கெட்களை கைப்பற்றினார்கள்.

பங்களாதேஷ் அணி 50 ஓவர்களில் 09 விக்கெட்களை இழந்து ஓட்டங்களை பெற்றுக் கொண்டது. இந்த இலக்கை நியூசிலாந்து அணி நிதானமாக துடுப்பாடி பெற்றுக் கொண்டது. ஆரம்ப விக்கெட்டாக கடந்த போட்டிகளில் சிறப்பாக விளையாடிய ரச்சின் ரவீந்திர வேகமாக ஆட்டமிழந்தார். அதன் பின்னர் ஜோடி சேர்ந்த கேன் வில்லியம்சன், டெவொன் கொன்வே ஜோடி 80 ஓட்டங்களை பகிர்ந்தனர். அதன் பின்னர் வில்லியம்சனுடன் இணைந்த டரில் மிச்செல் சத இணைப்பாட்டத்தை பூர்த்தி செய்தனர். அதன் பின்னர் நியூசிலாந்து அணியின் வெற்றி இலகுவானது. கேன் வில்லியம்சன் துடுப்பாட்டத்தை இடை நிறுத்தி மைதானத்தை விட்டு உபாதை காரணமாக வெளியேறினார். டரில் மிச்சல் தொடர்ந்தும் சிறப்பாக துடுப்பாடி வெற்றியை பெற்றுக் கொடுத்தார்.

பங்களாதேஷ் அணியின் பந்துவீச்சில் யாரும் சொல்லக்கூடிய அளவில் சிறப்பாக பந்துவீசவில்லை.