நெதர்லாந்து சிறந்த துடுப்பாட்டம்

தென்னாபிரிக்கா மற்றும் நெதர்லாந்து அணிகளுக்கிடையிலான உலகக்கிண்ண தொடரின் பதினைந்தாவது போட்டி, இந்தியாவின் ஹிமாச்சல் பிரதேச தர்மசாலா மைதானத்தில் நடைபெற்று வருகிறது.

நாணய சுழற்சியில் வெற்றி பெற்ற தென்னாபிரிக்கா அணி களத்தடுப்பைதெரிவு செய்தது. மழை காரணமாக 43 ஓவர்களாக போட்டி மாற்றப்பட்டது. நெதர்லாந்து அணி சிறந்த துடுப்பாட்டத்தை வெளிப்படுத்தியுள்ளது.

ஆரம்ப விக்கெட்கள் வேகமாக வீழ்த்தப்பட்ட நிலையிலும் இறுதி நேர துடுப்பாட்ட வீரர்கள் சிறப்பாக துடுப்பாடி இந்த ஓட்ட எண்ணிக்கையினை பெற்றனர். குறிப்பாக அணியின் தலைவர் ஸ்கொட் எட்வெர்ட்ஸ் ஏழாமிலக்கத்தில் சிறப்பாக துடுப்பாடி 78 ஓட்டங்களை ஆட்டமிழக்காமல் பெற்றார். சராசரியான இணைப்பாட்டஙகள் மூலம் ஓட்ட எண்ணிக்கை உயர்ந்தது. எட்டாவது விக்கெட் இணைப்பாட்டம் 64 ஓட்டங்களையும், ஒன்பதாவது விக்கெட் இணைப்பாட்டம் முறியடிக்கப்படாத 41 ஓட்டங்களை பெற்றுக் கொடுத்தது.

தென்னாபிரிக்கா அணி சார்பாக மார்க்கோ ஜனேசன் இறுக்கமாக பந்துவீசினார். கேஷவ் மஹாராஜ் ஓட்டங்களை அதிகமாக வழங்கவில்லை. ஏனையவர்கள் விக்கெட்களை கைப்பற்றிய போதும் ஓட்டங்களை அதிகமாக வழங்கியிருந்தனர்.

இரண்டு போட்டிகளிலும் வெற்றி பெற்றுள்ள தென்னாபிரிக்கா அணி 4 புள்ளிகளைப் பெற்று மூன்றாமிடத்தில் காணப்படுகிறது. இன்று வெற்றி பெற்றால் முதலிடத்தை பெறும் வாய்ப்பு அதிகமாக காணப்படுகிறது.

நெதர்லாந்து விளையாடிய இரண்டு போட்டிகளிலும் தோல்வியை சந்தித்துள்ளது. இலங்கை மற்றும் நெதர்லாந்து ஆகிய அணிகளே விளையாடிய போட்டிகள் இரண்டிலும் தோல்விகளை சந்தித்துள்ளன.

அணி விபரம்

ஸ்கொட் எட்வேர்ட்ஸ் (தலைவர்), மக்ஸ் ஓ டொவ்ட், பஸ் டி லீட், விக்ரம் சிங், தேஜா நிடமனுரு, போல் வான் மீகெரென், கொலின் அக்கர்மன், ரோலோஃப் வன் டெர் மேர்வ், லோகன் வன் பீக், ஆர்யன் டட், ஷகிப் சுல்பிகார்.