வெங்கட் பிரபு இயக்கத்தில் சிம்பு நடிப்பில் உருவாகி இருக்கும் படம் மாநாடு.
வி ஹவுஸ் புரொடக்ஷன்ஸ் சார்பில் சுரேஷ் காமாட்சி அதிக பொருட்செலவில் இப்படத்தை தயாரித்துள்ளார்.
இப்படத்தின் படப்பிடிப்புகள், பின்னணி வேலைகள் முடிந்து ரிலீசுக்கு தயாராகி உள்ளது. இதற்கு முன் ரிலீஸூக்கான திகதி அறிவிக்கப்பட்டு தள்ளிபோனது. இறுதியாக இத்திரைப்படம் இன்று ரிலீசாக இருப்பதாக அறிவித்து அதற்கான ஏற்பாடுகள் தீவிரமாக நடைபெற்று வந்தன.
இந்நிலையில், மாநாடு திரைப்படம் இன்று வெளியாகாது என்று தயாரிப்பாளர் சுரேஷ் காமாட்சி அறிவித்திருந்தார். அதன்பிறகு சிம்பு குடும்பத்தினர் சிக்கலை தீர்க்க முடிவு செய்து, பல கட்ட பேச்சு வார்த்தைக்கு பிறகு திட்டமிட்டபடி மாநாடு இன்று வெளியாகும் என அறிவிக்கப்பட்டது.
ஆனால், தியேட்டர்களில்; காலை 5 மணி காட்சி இரத்தானது. இதனால் இரசிகர்கள் அதிர்ச்சி அடைந்தனர். அதன்பின்னர் காலை 8 மணிக்கு மாநாடு படம் திரையரங்குகளில் வெளியானது. பெரும் எதிர்பார்ப்பில் இருந்த மாநாடு படம் வெளியானதால் அவரது இரசிகர்கள் உற்சாகத்தில் உள்ளனர்.
