இலங்கையின், 2024ம் ஆண்டிற்கான மேஜர் கிளப் டி20 தொடரை Nondescripts Cricket Club(NCC) அணி கைப்பற்றிக் கொண்டது. Bloomfield Cricket and Athletic Club அணிக்கு எதிரான இறுதிப் போட்டியில் அபார வெற்றியீட்டியதன் ஊடாக நிரோஷன் டிக்வெல்ல தலைமையிலான NCC அணி சாம்பியன்களானது.
கொழும்பில் இன்று(28.06) நடைபெற்ற இந்த இறுதிப் போட்டியின் நாணய சுழற்சியில் வெற்றி பெற்ற NCC அணி களத்தடுப்பை தெரிவு செய்தது.
அதன்படி, முதலில் துடுப்பெடுத்தாடிய Bloomfield அணி 10.1 ஓவர்களில் சகல விக்கெட்டுக்களையும் இழந்து 54 ஓட்டங்களை மாத்திரம் பெற்றுக்கொண்டது. NCC அணி சார்பில் பந்துவீச்சில் லசித் எம்புல்தெனிய 3 விக்கெட்டுக்களையும், சாமிக்க கருணாரத்ன, மதீஷ பத்திரன ஆகியோர் தலா 2 விக்கெட்டுக்களையும் கைப்பற்றினர்.
55 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய NCC அணி 5.5 ஓவர்களில் 2 விக்கெட்டுக்களை இழந்து வெற்றியிலக்கை கடந்தது. NCC அணி சார்பில் பத்தும் நிசங்க 18 ஓட்டங்களையும், அணித் தலைவர் நிரோஷன் டிக்வெல்ல 15 ஓட்டங்களையும் பெற்றுக்கொண்டனர். Bloomfield அணி சார்பில் ரவிந்து பெர்னாண்டோ 2 விக்கெட்டுக்களை கைப்பற்றினார்.
இதன்படி, Bloomfield இறுதிப்போட்டியில் 8 விக்கெட்டுக்களினால் அபார வெற்றியீட்டி 2024ம் ஆண்டிற்கான மேஜர் கிளப் டி20 தொடரின் சாம்பியன் பட்டத்தை சுவீகரித்தது. இறுதிப் போட்டியின் ஆட்ட நாயகனாக லசித் எம்புல்தெனிய தெரிவு செய்யப்பட்டார்.
தொடரின் ஆட்ட நாயகனாக NCC அணியின் சாமிக்க கருணாரத்னவும், தொடரின் சிறந்த துடுப்பாட்ட வீரராக Ace Capital அணியின் பவன்த வீரசிங்கவும், சிறந்த பந்துவீச்சாளராக Colts CC அணியின் அகில தனஞ்சயவும் தெரிவு செய்யப்பட்டனர்.