இந்திய கிரிக்கெட் அணி ஜூலை மற்றும் ஆகஸ்ட் மாதங்களில் இலங்கைக்கு சுற்றுப்பயணம் மேற்கொள்ளவுள்ளதாக ஶ்ரீ லங்கா கிரிக்கெட் அறிவித்துள்ளது.
இதன்போது, இலங்கை மற்றும் இந்திய அணிகள் 3 போட்டிகள் கொண்ட டி20 தொடரிலும், 3 போட்டிகள் கொண்ட சர்வதேச ஒருநாள் போட்டித் தொடரிலும் பங்கேற்கவுள்ளன.
தொடர்களில் பங்கேற்கவுள்ள இந்திய குழாம் எதிர்வரும் 22ம் திகதி இலங்கைக்கு வருகைத்தரவுள்ளது.
இரு அணிகளுக்கும் இடையிலான டி20த் தொடர் கண்டி, பல்லேகலவில் எதிர்வரும் 26ம் திகதியும், சர்வதேச ஒருநாள் போட்டித் தொடர் கொழும்பில் எதிர்வரும் ஆகஸ்ட் மாதம் 1ம் திகதியும் ஆரம்பமாகவுள்ளது.
