இலங்கை, தென்னாபிரிக்கா அணிகளுக்கிடையிலான மூன்றாவதும், இறுதியுமான ஒரு நாள் சர்வதேசப் போட்டி இன்று கொழும்பில் இலங்கை நேரப்படி 2.30 மணிக்கு ஆரம்பிக்கவுள்ளது. இரண்டு அணிகளும் தலா ஒவ்வொரு போட்டிகளில் வெற்றி பெற்று தொடரில் சமநிலையில் காணப்படுவதனால் இன்றைய போட்டி இரு அணிகளுக்கும் முக்கியத்துவம் வாய்ந்தவையாக அமையவுள்ளது. இரு அணிகளும் இன்றைய தினம் மாற்றங்களின்றி கடந்த போட்டியில் விளையாடிய அணிகளோடு விளையாடும் என்றே எதிர்பார்க்கப்படுகிறது. இலங்கை அணி கடந்த போட்டியில் துடுப்பாட்டத்தில் சறுக்கியது போல இந்தப்போட்டியில் சறுக்காமல் சரியாக துடுப்பாடினால் வெற்றி பெறும் வாய்ப்புகள் அதிகமுள்ளன.
இன்று போட்டி நடைபெறும் நேரப்பகுதியில் மழை பெய்வதற்கான வாய்ப்புகள் குறைவாக காணபப்டுகின்றன. முழுமையான போட்டியினை பார்க்க கூடிய வாய்ப்புகள் அதிகம் கிடைக்கும்.
போட்டி ஆரம்பமாகும் நேரத்திலிருந்து எமது இணையத்தில் போட்டியினை முழுமையாக பார்வையிடலாம்.
