பாரிஸ் ஒலிம்பிக்கில் மகளிருக்கான 800 மீட்டர் ஓட்டத்தின் அரையிறுதி சுற்றுக்குள் நுழைவதற்கான Repechage சுற்றில் இலங்கையின் தருஷி கருணாரத்ன ஏழாவது இடத்தைப் பெற்றுக் கொண்ட நிலையில் அரையிறுதி சுற்றுக்கு தகுதி பெறும் வாய்ப்பை இழந்தார்.
இன்று(03.08) நடைபெற்ற இந்த போட்டியை 2:06.66 நிமிடங்களில் தருஷி நிறைவு செய்தார். போட்டியில் முதல் இடத்தை ஜேர்மனியின் மஜ்தி கோல்பெர்க்(Majtie Kolberg), 2ம் இடத்தை கென்யாவின் விவியன் செபெட் கிப்ரோடிச்(Vivian Chebet Kiprotich), 3ம் இடத்தை லோரியா இபர்சபால்(Lorea Ibarzabal) ஆகியோர் பெற்றுக் கொண்டனர்.
தருஷி நேற்று(02.08) நடைபெற்ற மகளிருக்கான 800 மீட்டர் ஓட்டத்தில் ஆரம்ப சுற்றின் போட்டியை(Heat 6) 2:07:26 நிமிடங்களில் நிறைவு செய்து 8வது இடத்தைப் பெற்றுக் கொண்ட நிலையில், அரையிறுதி சுற்றுக்குள் நுழைவதற்கான Repechage சுற்று இன்று(03.08) நடைபெற்றது.
தருஷி இன்றைய ஓட்டத்தில் 7ம் இடத்தை பெற்றுக் கொண்ட போதும், நேற்றைய போட்டியை விட குறைந்தளவு நேரத்தில் இன்றைய ஓட்டத்தை நிறைவு செய்திருந்தார்.