கட்டுநாயக்கவில் கொள்கலன் ஒன்றில் கணினி உதிரிப்பாகங்களில் மறைத்து வைக்கப்பட்டிருந்த 05 கிலோ கிராமிற்கும் அதிக நிறையுடை ஐஸ் ரக போதைப்பொருள் கண்டுபிடிக்கப்பட்டுள்ளது.
விசேட அதிரடிப்படையினரால் இன்று (07.08) மேற்கொள்ளப்பட்ட சுற்றிவளைப்பின் போது அவை கண்டுபிடிக்கப்பட்டுள்ளதாக பொலிஸ் ஊடகப் பேச்சாளர் கூறியுள்ளார்.
இவற்றின் மதிப்பு ஐந்து கோடியே பதினொரு இலட்சத்து இருபதாயிரம் ரூபா என சுங்க அதிகாரிகள் தெரிவித்துள்ளனர்.
டுபாயில் இருந்து விமான அஞ்சல் பொதி சேவையின் ஊடாக கட்டுநாயக்க விமான நிலையத்தில் உள்ள தனியார் களஞ்சியசாலைக்கு 63 கணினி சாதனங்களுடன் பொதிகளுடன் அனுப்பப்பட்டுள்ளதாக தெரிவிக்கப்படுகின்றது.