அவுஸ்ரேலிய சுற்றுப்பயணத்திற்கான 19 வயதிற்குட்பட்ட இலங்கை பெண்கள் குழாம் அறிவிக்கப்பட்டுள்ளது.
19 வயதிற்குட்பட்ட பெண்கள் அவுஸ்ரேலியா, நியூசிலாந்து மற்றும் இலங்கை அணிகளை உள்ளடக்கிய மும்முனைத் தொடர் அவுஸ்ரேலியாவில் எதிர்வரும் 20ம் திகதி ஆரம்பமாகவுள்ளது.
இந்த தொடருக்கான 16 பேர் கொண்ட குழாமை விளையாட்டு, இளைஞர் விவகார அமைச்சின் ஒப்புதலுடன் ஶ்ரீலங்கா கிரிக்கெட் தெரிவுக் குழு அறிவித்துள்ளது.
19 வயதிற்குட்பட்ட இலங்கை பெண்கள் அணிக்கு மானுதி நாணயக்கார தலைவியாகவும், ரஷ்மிகா செவ்வந்தி உபதலைவியாகவும் நியமிக்கப்பட்டுள்ளார்.
இந்த தொடரின் போது இலங்கை அணி டி20 மற்றும் சர்வதேச ஒருநாள் போட்டித் தொடர்களில் பங்கேற்கவுள்ளது.
