தண்டகாரண்யம் – மீண்டும் இணையும் அட்டக்கத்தி தினேஷ், ரஞ்சித் கூட்டணி

இயக்குனர் பா.ரஞ்சித் இயக்கத்தில் 2012ஆம் ஆண்டு வெளியாகிய அட்டக்கத்தி திரைப்படத்தின் மூலம் தமிழ் சினிமாவில் கதாநாயகனாக தினேஷ் அறிமுகமாகியிருந்தார்.

முதல் படத்திலேயே தனது நடிப்பின் மூலம் இரசிகர்கள் மனதில் நிலையான இடம் பிடித்த இவர்
குக்கூ, விசாரணை, கபாலி, இரண்டாம் உலகப்போரின் கடைசி குண்டு, லப்பர் பந்து போன்ற திரைப்படங்களிலும் தனது நடிப்புத்திறனை காண்பித்துள்ளார்.

இவர் நடிப்பில் அண்மையில் வெளியாகியுள்ள ‘லப்பர் பந்து’ திரைப்படம் சிறப்பான விமர்சனத்தினை பெற்று வரும் நிலையில்,
இயக்குனர் அதியன் அதிரையின் இயக்கத்தில் பா.ரஞ்சித் தயாரிப்பில் ‘தண்டகாரண்யம்’ எனும் திரைப்படத்தில் நடிக்கவுள்ளார்.

இத்திரைப்படத்தின் முதல் பார்வை இன்று (27.09) வெளியிடப்படும் என்று திரைப்படத்தின் தயாரிப்பாளர் பா.ரஞ்சித் தனது எக்ஸ் (X) வலைத்தளத்தில் அறிவித்துள்ளார்.

இயக்குனர் அதியன் அதிரை இயக்கிய முதலாவது திரைப்படமான ‘இரண்டாம் உலகப்போரின் கடைசி குண்டு’ திரைப்படத்தில் தினேஷ் கதாநாயகனாக நடித்திருந்தார்.

அந்த திரைப்படம் இரசிகர்கள் மத்தியில் சிறந்த விமர்சனத்தினை பெற்றிருந்ததோடு சர்வதேச திரைப்பட விழாக்களிலும் திரையிடப்பட்டிருந்தது.

அதே கூட்டணி மீண்டும் இணைகின்ற இந்த திரைப்படம் சிறந்த படைப்பாக இருக்கும் என்று எதிர்ப்பார்க்கப்படுகின்றது.