மலேசியாவில் நடைபெற்று வரும் சர்வதேசக் கிரிக்கெட் பேரவையின் 20-20 உலகக்கிண்ண தொடரில் இலங்கை அணி விளையாடிய இரண்டாவது போட்டியில் வெற்றி பெற்றுள்ளது. மேற்கிந்திய தீவுகள் 19 வயதுக்குட்பட்ட அணியை 81 ஓட்டங்களினால் வெற்றி பெற்றது.
முதலில் துடுப்பாடிய இலங்கை 19 வயதுக்குட்பட்ட அணி 20 ஓவர்களில் 5 விக்கெட்ளை இழந்து 166 ஓட்டங்களை பெற்றுள்ளது. மநுதி நாணயக்கார 41 ஓட்டங்களையும், சஞ்சனா காவிந்தி 39 ஓட்டங்களையும் பெற்றனர். பதிலுக்கு துடுப்பாடிய மேற்கிந்திய தீவுகள் 19 வயதுக்குட்பட்ட அணி 19.4 ஓவர்களில் சகல விக்கெட்களையும் இழந்து 83 ஓட்டங்களை பெற்றுக்கொண்டது. இலங்கை அணி சார்பாக சமோதி பிரபாதா 3 விக்கெட்களையும், லிமன்ஷா திலகரட்ண, அஷேனி தலைகுனே ஆகியோர் தலா 2 விக்கெட்ளையும் கைப்பற்றினார்கள்.
இந்த வெற்றியின் மூலம் அடுத்த சுற்று வாய்ப்பை இலங்கை அணி பெற்றுள்ளது. இந்தியா அணியுடன் அடுத்த போட்டி இலங்கை அணிக்கு நடைபெறவுள்ளது.