இலங்கை மற்றும் அவுஸ்திரேலியா அணிகளுக்கிடையிலான வோர்ன் -முரளி கிண்ண முதலாவது டெஸ்ட் போட்டி காலி சர்வதேசக் கிரிக்கெட் மைதானத்தில் நடைபெற்று வருகிறது.
நாணய சுழற்சியில் வெற்றி பெற்று முதலில் துடுப்பாடி வரும் அவுஸ்திரேலியா அணி மிக சிறப்பாக துடுப்பாடி பலமான நிலையை அடைந்துள்ளது. முதல் நாள் மழை காரணமாக குறித்த நேரத்துக்கு முன்னதாக நிறைவுக்கு வந்தது. ஆட்டநேர முடிவில் 81.1 ஓவர்களில் 02 விக்கெட்களை இழந்து 320 ஓட்டங்களை பெற்றுள்ளது.
ஆரம்ப விக்கெட் இணைப்பாட்டமாக உஸ்மான் காவாஜா, டிரவிஸ் ஹெட் இணைந்து 92 ஓட்டங்களை பெற்றனர். டிரவிஸ் ஹெட் அதிரடியாக துடுப்பாடி 40 பந்துகளில் 57 ஓட்டங்களை பெற்றுக்கொண்டார். மார்னஸ் லபுஷேன் 20 ஓட்டங்களுடன் ஆட்டமிழந்தார். அதன் பின் ஜோடி சேர்ந்த உஸ்மான் காவாஜா, ஸ்டீவன் ஸ்மித் இணைந்து 195 ஓட்டங்களை பெற்றுக்கொண்டனர். இதில் உஸ்மான் காவாஜா ஆட்டமிழக்காமல் 147 ஓட்டங்களையும், ஸ்டீவன் ஸ்மித் ஆட்டமிழக்கமால் 104 ஓட்டங்களையும் பெற்றுள்ளனர்.
ஸ்டீவன் ஸ்மித் 10,000 ஓட்டங்களை இன்று கடந்தார். டெஸ்ட் போட்டிகளில் 10,000 ஓட்டங்களை கடந்த பதினைந்தாவது வீரராகவும், அவுஸ்திரேலியாவின் பத்தினைந்தாவது வீரராகவும் தனது பெயரை பதிவு செய்துள்ளார். உஸ்மான் காவாஜா தனது 16 ஆவது சதத்தை பூர்த்தி செய்தார். ஸ்மித் 35 ஆவது சதத்தை பூர்த்தி செய்தார்.
இலங்கை அணியின் பந்துவீச்சில் பிரபாத் ஜெயசூர்யா, நிஷான் பீரிஸ் ஆகியோர் தலா ஒவ்வொரு விக்கெட்களை கைப்பற்றினார்கள்.
இரண்டு ஆட்டமிழப்புக்களை நடுவர்கள் வழங்காத நிலையில், அவற்றை இலங்கை அணியும் மீள் பரிசீலனை செய்யாமை இலங்கைக்கு பாதிப்பாக அமைந்தது. ஐந்தாவது ஓவரில் டிரவிஸ் ஹெட்ட்டின் ஆட்டமிழப்பு மற்றும் காவஜா-ஸ்மித் இணைப்பாட்ட வேளையில் மேலுமொரு ஆட்டமிழப்பு என்பன இவ்வாறு தவறவிடப்பட்டன,
அணி விபரம்
அவுஸ்திரேலியா : 1 உஸ்மான் காவாஜா 2 டிரவிஸ் ஹெட் 3 மார்னஸ் லபுஷேன் 4 ஸ்டீவன் ஸ்மித் (தலைவர்) 5 ஜோஷ் இங்கிலிஸ் 6 பியூ வெப்ஸ்டர் 7 அலெக்ஸ் கேரி 8 மிட்செல் ஸ்டார்க் 9 மத்யூ குஹ்ன்மென் 10 நேதன் லியோன் 11 ட்ரொட் மேர்பி
இலங்கை : 1 டிமுத் கருணாரட்ன, 2 ஓஷத பெர்னாண்டோ, 3 டினேஷ் சந்திமால், 4 அஞ்சலோ மத்தியூஸ், 5 கமிந்து மென்டிஸ், 6 தனஞ்சய டி சில்வா (தலைவர்), 7 குசல் மென்டிஸ், 8 பிரபாத் ஜெயசூர்யா, 9 நிஷான் பீரிஸ், 9 ஜெப்ரி வன்டர்ஷே 11 அசித்த பெர்னாண்டோ