நுரைச்சோலை மின்னுற்பத்தி நிலையத்தில் மின் பிறப்பாக்கிகள் இரண்டு மீண்டும் செயலிழந்துள்ளதாக தெரியவந்துள்ளது.
இதனால் எதிர்வரும் நாட்களிலும் நாட்டின் சில பகுதிகளில் மின்வெட்டு ஏற்படும் என இலங்கை மின்சார சபை தெரிவித்துள்ளது.
கடந்த 3ஆம் திகதி நாடளாவிய ரீதியில் மின்சாரம் துண்டிக்கப்பட்டதையடுத்து நுரைச்சோலை மின் நிலையம் செயலிழந்து சரியாக ஏழு நாட்களின் பின்னர் கடந்த 10ஆம் திகதி 300 மெகாவோட் மின்னுற்பத்தி நிலையத்துடன் இணைக்கப்பட்டது.
எனினும் ஏனைய இரு மின்பிறப்பாக்கிகளும் இன்னும் பழுதடைந்துள்ளதாகவும், அவற்றில் குறைந்தபட்சம் ஒன்றை இயக்கும் வரை நாடு முழுவதும் அவ்வப்போது மின்சாரம் துண்டிக்கப்பட வாய்ப்புகள் உள்ளதாகவும், மின்சார சபை தெரிவித்துள்ளது.
