கடந்த சனிக்கிழமை (10.12 ) கொள்ளுப்பிட்டியில் இடம்பெற்ற விபத்துடன் தொடர்புடைய காரில் பயணித்த பெண்ணை தாக்கிய குற்றம் தொடர்பில் பொலீசாரால் தேடப்பட்டுவந்த பெண் கைது செய்யப்பட்டுள்ளார்.
பாணந்துறை பிரதேசத்தில் வைத்தே அவர் இவ்வாறு கைது செய்யப்பட்டுள்ளார்.
24 வயதுடைய இளம் பெண்ணே பொலீசாரால் கைது செய்யப்பட்டுள்ளதுடன், சம்பவம் தொடர்பில் விசாரணைகளுக்கு உட்படுத்தப்பட்டுள்ளார்.
கடந்த சனிக்கிழமை, இரவு விடுதிக்கு சென்று திரும்பும்போது, சொகுசு காரில் பயணித்த மூவரால் கொள்ளுப்பிட்டியில் சம்பவித்த விபத்தில் முச்சக்கர வண்டி சாரதியொருவர் பலியாயானார். சம்பவ இடத்திலிருந்து காரின் சாரதி தப்பிச்சென்றிந்த நிலையில் நேற்று கைதுசெய்யப்பட்டிருந்தார், இந்நிலையில் விபத்தை ஏற்படுத்திய காரில் பயணித்த பெண்ணை தாக்கிய குற்றத்திலேயே இப்பெண் கைது செய்யப்பட்டுள்ளார்.