இந்தியா மற்றும் நியூசிலாந்து அணிகளுக்கிடையில் நேற்று (29.01) லக்னோவில் நடைபெற்ற இரண்டாவது 20-20 போட்டியில் இந்தியா அணி 6 விக்கெட்களினால் வெற்றி பெற்று தொடரை 1-1 என சமன் செய்துள்ளது. லக்னோ மைதானத்தின் ஆடுகளம் மிகவும் இறுக்கமானது. அதனால் இரு அணிகளும் ஓட்டங்களை பெற தடுமாறின.
நாணய சுழற்சியில் வெற்றி பெற்ற நியூசிலாந்து அணி துடுப்பாட்டத்தை தெரிவு செய்தது.
நியூசிலாந்து அணி 20 ஓவர்களில் 8 விக்கெட்களை இழந்து 99 ஓட்டங்களை மட்டுமே பெற்றது. இதில் மிட்செல் சென்டனர் ஆட்டமிழக்காமல் 19(23) ஓட்டங்களை பெற்றார். பந்துவீச்சில் அர்ஷ்தீப் சிங் 2 விக்கெட்களையும், குல்தீப் யாதவ், தீபக் ஹூடா, யூஷ்வேந்திர சஹால், வொஷிங்டன் சுந்தர், ஹார்டிக் பாண்டியா ஆகியோர் தலா ஒவ்வொரு விக்கெட்களை கைப்பற்றினார்கள்.
பதிலுக்கு துடுப்பாடிய இந்தியா 19.5 ஓவர்களில் 4 விக்கெட்களை இழந்து 101 ஓட்டங்களை பெற்றது. இதில் சூர்யகுமார் யாதவ் ஆட்டமிழக்கமல் 26(31) ஓட்டங்களை பெற்றார். பந்துவீச்சில் இஷ் சோதி, மைக்கல் பிரேஸ்வெல் ஆகியோர் தலா ஒவ்வொரு விக்கெட்களை கைப்பற்றினர்.
இந்த போட்டியின் நாயகனகா சூர்யகுமார் யாதவ் தெரிவு செய்யப்பட்டார்.
