இன்று(29.08) செவ்வாய் மதியம் 1.30 மணியளவில் மன்னார் திருக்கேதீஸ்வரம் பாடசாலையை அண்மித்த காட்டுப்பகுதியில் பாரிய வெடிப்புச்சத்தம் ஒன்று உணரப்பட்டுள்ளது. திருக்கேதீஸ்வரம் கிராமத்தை அண்மித்த காட்டுப்பகுதியில் இந்த சந்தம் கேட்டதாக அப்பகுதி மக்களால் தெரிவிக்கப்படடது.
இந்த நிலையில், அந்த காட்டுப் பகுதியில் வெடிக்காத நிலையில் காணப்பட்ட பழைய வெடிகுண்டு ஒன்று பொலிஸ் விசேட அதிரடிப் படையினரால் கண்டெடுக்கப்பட்டு அது வெடிக்க வைக்கப்பட்டுள்ளதாக திருக்கேதீஸ்வரம் பொலிஸார் தெரிவித்துள்ளனர்.
பாரிய சத்தம் கேட்ட நிலையில் இந்த சத்தம் என்னவாக இருக்குமென மக்கள் மத்தியில் கேள்வியெழுப்பியிருந்த நிலையில் நடைபெற்ற சம்பவம் தொடர்பில் உறுதிப்படுத்தப்பட்ட தகவல் வெளியாகியுள்ளது.