களனிவெளி (KV) புகையிரத பாதையின், நாரஹேன்பிட்ட மற்றும் நுகேகொட இடையே உள்ள நாவல வீதி புகையிரத கடவை அமைந்துள்ள பாதை இரண்டு நாட்களுக்கு மூடப்படும் என ரயில்வே திணைக்களம் தெரிவித்துள்ளது.
பராமரிப்பு பணிகளுக்காக இந்த பாதை மூடப்படவுள்ளதாக மேலும் தெரிவிக்கப்பட்டுள்ளது.
அதன்படி, காலை 8 மணி முதல் பிற்பகல் 2 மணி வரை குறித்த ரயில் கடவை பகுதியளவில் மூடப்படும் எனவும், எதிர்வரும் சனிக்கிழமை (09.09) இரவு 8 மணி முதல் ஞாயிற்றுக்கிழமை (10.09) காலை 6 மணி வரை முழுமையாக மூடப்படும் எனவும் அறிவிக்கப்பட்டுள்ளது.
மேற்படி புகையிரத கடவை அமைந்துள்ள பாதையை பயன்படுத்தும் வாகன சாரதிகள் இந்த காலப்பகுதியில் மாற்று பாதைகளை பயன்படுத்துமாறு கேட்டுக்கொள்ளப்படுகிறார்கள்.