இந்தியாவில் நடைபெறவுள்ள உலகக்கிண்ண தொடருக்கான நியூசிலாந்து அணி அறிவிக்கப்பட்டுள்ளது. அணியில் இணைக்கப்படுவாரா இல்லையா என்ற நிலையில் காணப்பட்ட கேன் வில்லியம்சன் அணியில் இணைக்கப்பட்டுள்ளார். கேன் வில்லியம்சன் தலைவராகவும், ரொம் லெதாம் உபதலைவராகவும் அறிவிக்கப்பட்டுள்ளார்.
உபாதை பூரணமான குணமடையாத நிலையில் வில்லியம்சன் அணியில் சேர்க்கப்பட்டுள்ள நிலையில் ஒக்டோபர் 05 ஆம் திகதி நடைபெறவுள்ள போட்டியில் அவர் விளையாட மாட்டார் என எதிர்பார்க்கப்படுகிறது. அத்துடன் இன்னும் சில போட்டிகளிலும் அவர் பாவிக்கப்படமாட்டார் எனவும் எதிர்பார்க்கப்படுகிறது.
சகலதுறை வீரரான ராச்சின் ரவீந்திர அணியில் சேர்க்கபப்ட்டுள்ளார். அத்தோடு அடம் மிலேன், பின் அலன் ஆகியோர் அணியில் சேர்க்கப்படவில்லை. ரிம் சௌதி வில்லியம்சனுடன் இணைந்து நான்காவது உலகக்கிண்ண தொடரில் விளையாடவுள்ளார்.
ஏனைய வீரர்கள் எதிர்பார்க்கப்பட்டவர்களாகவே அணியில் இடம்பிடித்துள்ளனர்.
அணி விபரம்
கேன் வில்லியம்சன், ரென்ட் போல்ட், மார்க் சப்மன், டெவோன் கொன்வே, லூகி பெர்குசன், மட் ஹென்றி. ரொம் லெதாம், டரில் மிட்செல், ஜிம்மி நீஷாம், க்லென் பிலிப்ஸ், ரச்சின் ரவீந்திர, மிச்செல் சென்டனர், இஸ் சோதி, ரிம் சௌதீ, வில் ஜங்