இன்று முதல் அமுலுக்கு வரும் வகையில் இலங்கை பெற்றோலிய கூட்டுத்தாபனம் எரிபொருட்களின் விலைகளை குறைத்துள்ளது.
இதன்படி, ஒக்டேன் 92 ரக பெற்றோல் லீற்றர் ஒன்றின் விலை 03 ரூபாவால் குறைக்கப்பட்டு 368 ரூபா புதிய விலை நிர்ணயிக்கப்பட்டுள்ளது.
ஒக்டேன் 95 ரக பெற்றோல் லீற்றர் ஒன்றின் விலை 20 ரூபாவால் குறைக்கப்பட்டு புதிய விலையாக 420 ரூபா நிர்ணயிக்கப்பட்டுள்ளது.
இதேவேளை, ஒரு லீற்றர் டீசலின் விலை 30 ரூபாவால் குறைக்கப்பட்டு 333 ரூபா புதிய விலை நிர்ணயிக்கப்பட்டுள்ளது.
சூப்பர் டீசல் லீற்றரொன்றின் விலை 09 ரூபாவால் குறைக்கப்பட்டு அதன் புதிய விலையாக 377 ரூபா நிர்ணயிக்கப்பட்டுள்ளது.
மேலும், மண்ணெண்ணெய் லீற்றர் ஒன்றின் விலை 20 ரூபாவால் குறைக்கப்பட்டு புதிய விலையாக 215 ரூபா நிர்ணயிக்கப்பட்டுள்ளதென இலங்கை பெற்றோலிய கூட்டுத்தாபனம் அறிவித்துள்ளது.